5-jadval.Sog‘liqni saqlash tizimi faoliyatining asosiy yo’nalishlari va ularni moliyalashtirish manbalari10
Sog’liqni saqlash tizimini aholiga tibbiy xizmatlarni taqdim etuvchi tibbiyot muassasalari tashkil qiladi. Bu muassasalarni yangidan qurish, mavjudlarini saqlash, moddiy-texnikaviy jihatdan ta‘minlash, kadrlar masalasini hal qilish kabilar tarixan davlat mablag’lari evaziga amalga oshirilib kelingan. Sog’liqni saqlash tizimining joriy va kapital xarajatlarini moliyalashtirishda davlat byudjetining ahamiyati hali ham katta. Davlat byudjetidan amalga oshiriladigan xarajatlarning qariyb 14-15 foizi sog’liqni saqlash tizimini saqlash va rivojlantirishga yo’naltirilmoqda.
Angren shahar tibbiyot birlashmasining 2022-yil xarajatlar smetasi tog’risida ma’lumot11 Angren shahar tibbiyot birlashmasining 2022-yil 3-chorak uchun xarajatlar smetasida 1-guruh xarajatlar, ya’ni ish xaqi, bo’yicha jami 3 424 727 ming.so’m ajratilgan. 2-guruh xarajatlari uchun esa 606 181 ming.so’m, 4-guruh boshqa xarajatlar uchun jami 697 200 ming.so’m ajratilgan.
Bugungi kunda davlat sog’liqni saqlash tizimining boshlang’ich, birlamchi bo’g’inini tashkil qiluvchi muassasalar tarkibiga kiruvchi 820ga yaqin qishloq vrachlik punktlari (QVP) va 950dan ortiq oilaviy poliklinikalar (OP) faoliyat yuritayotgan bo’lib, ulardagi xodimlar soni 84402 nafarni, shu jumladan, vrachlar soni 19116 (QVPlarda – 3751, OPlarda - 15365) nafarni tashkil qiladi. Shuningdek, sog’liqni saqlash tizimiga ajratilayotgan jami xarajatlarning qariyb 65-70 foizi xodimlarning ish haqiga sarf etilmoqda. Shunga qaramasdan soha xodimlarini moddiy rag’batlantirish, sohaning moddiy-texnika bazasini mustahkamlash, yangi texnika va texnologiyalarni joriy qilish uchun asosan byudjet mablag’larining o’zi davlat resurslarining chegaralanganligi bois, yetarli emasligini amaliyot isbotlab turibdi. Shuning uchun ham sog’liqni saqlashni isloh qilishning dolzarb yo’nalishlaridan biri – tarmoqni moliyaviy ta‘minlashning ko’p kanalli tizimini joriy etish ekanligi e‘tirof etilmoqda.
