2030-YILGACHA BO‘LGAN DAVRDA BARQAROR RIVOJLANISH SOHASIDAGI MILLIY MAQSAD VA VAZIFALARNI AMALGA OSHIRISHNI JADALLASHTIRISH BO‘YICHA QO‘SHIMCHA CHORA-TADBIRLAR TO‘G‘RISIDA
10-maqsad. Mamlakat ichida tengsizlikni uning barcha ko‘rinishlarida qisqartirish.
10.1-vazifa. 2030-yilgacha aholining eng kam ta’minlangan 40 foizi daromadlarining mamlakat bo‘yicha o‘rtacha darajadan oshishiga erishish va daromadlari o‘sishini qo‘llab-quvvatlash.
Iqtisodiy taraqqiyot va kambag‘allikni qisqartirish vazirligi, Bandlik va mehnat munosabatlari vazirligi, Moliya vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari
Iqtisodiy farovonlik
10.2-vazifa.Barcha odamlar, ularning yoshi, jinsi, nogironligi mavjudligi, millati, dini va ijtimoiy maqomidan qat’i nazar, ijtimoiy, iqtisodiy va siyosiy hayotda faol ishtirok etishini qonunchilik yo‘li bilan qo‘llab-quvvatlash va rag‘batlantirish.
Adliya vazirligi, Inson huquqlari bo‘yicha O‘zbekiston Respublikasi milliy markazi (kelishuv asosida), Bosh prokuratura (kelishuv asosida), Mahalla va nuroniylarni qo‘llab-quvvatlash vazirligi, Oila va xotin-qizlar davlat qo‘mitasi
Iqtisodiy farovonlik
10.3-vazifa.Qonunchilikning kamsitishga qarshi me’yor va qoidalarining amalda, ayniqsa, aholining ijtimoiy zaif qatlamlariga nisbatan to‘liq va so‘zsiz bajarilishini ta’minlash.
Inson huquqlari bo‘yicha O‘zbekiston Respublikasi milliy markazi (kelishuv asosida), Oliy Majlis Inson huquqlari bo‘yicha vakili (Ombudsman), Bandlik va mehnat munosabatlari vazirligi, Maktabgacha ta’lim vazirligi, Xalq ta’limi vazirligi, Yoshlar ishlari agentligi, Bosh prokuratura (kelishuv asosida)
