Aİ-4 fərdi aptekçəsi müasir tələblərə cavab verməyən Aİ-2 aptekçəsi əvəzinə hazırlanıb. Aİ-4 fərdi aptekçəsində fosforlu üzvi maddələrlə zəhərlənməyə qarşı vasitə və sistamin yoxdur.
Kimya əleyhinə fərdi paket- İPP-8Adamların həyatını xilas etmək üçün radioaktiv maddələri kənar etmək, zəhərləyici, güclü təsirli və bakterioloji maddələri zəhərsizləşdirmək, yəni tam və ya qismən xüsusi təmizləmə keçirmək lazımdır. Xüsusi təmizləmə- adamların sanitariya təmizlənməsindən, paltarların, ayaqqabıların, fərdi mühafizə vasitələrinin dezaktivasiya, deqazasiya və dezinfeksiya edilməsindən ibarətdir. Bu paket içərisində hər cür ZM-ı zərərsizləşdirmək üçün deqazasiya məhlulu olan şüşə flakondan və 4 ədəd pambıq tənzif salfetdən ibarətdir. Bədənin səthində, paltarın, ayaqqabıların üzərində ZM damcıları və ya bulaşığı aşkar edilən hallarda, bunları dərhal salfetlə hopdurub kənar etmək və zəhərli sahəni fərdi kimyəvi paketdəki maye ilə silib təmizləmək lazımdır.Fərdi kimyəvi paketdəki mayedən 7 yaşdan yuxarı uşaqların bədəninə düşmüş ZM-ləri zərərsizləşdirmək üçün istifadə olunur. 7 yaşdan az olan uşaqlar üçün qələvili məhlullar hazırlanır.
