Nəqliyyat xidməti – bu xidmət fəhlə və qulluqçuların daşınmasının təmini və onların iş yerlərinə gətirilməsi üçün tədbirlər görür və yerinə yetirir, nəqliyyatın zərərsizləşdirilməsi işlərini aparır.
Sığınacaq və daldanacaq xidməti - əsaslı tikinti şöbəsi, yaşayış kommunal şöbəsi və tikinti sexlərindən təşkil olunur. Bu xidmət sığınacaqların hazır olmasını və onların düzgün istismarına nəzarəti təmin edir, sadə tipli daldanacaqların tikilməsini təşkil edir. Sığınacaq və daldanacaqların dağılması zamanı xilasetmə işlərində iştirak edir. Yanğından mühafizə xidməti – yanğından mühafizə təşkilatlarının bazası əsasında yaradılır. Bu xidmətin vəzifələri: yanğın söndürən dəstələr hazırlamaq, yanğına qarşı profilaktik tədbirləri həyata keçirmək, müəssisə, idarə, kənd və qəsəbələrin ərazisində su hövzələri tikilməsini təşkil etməkdən ibarətdir. Yanğınlar baş verdikdə onların məhdudlaşdırılması və söndürülməsi üçün xidmət hər cür tədbir görür.
