Tənəffüs üzvlərinin mühafizə vasitələrinə:Əleyhqazlar, respirator, habelə əhalinin özü tərəfindən hazırlanan sadə vasitələr- tozdan qoruyan parça maska və pambıqlı tənzif sarğı aiddir.Respiratorlar – tənəffüs üzvlərini tozlardan və zərərli qazlardan qorumaq üçün yardımçı fərdi mühafizə vasitəsidir.Respirator zəhərləyici və güclü təsirli zəhərləyici maddələrdən mühafizə etmir.Respirator-R-2D 7-17-yaşlı uşaq və yeniyetmələr üçün işlədilir. R-2 böyüklər üçün üçün nəzərdə tutulan respirator növüdür. Respiratorun maskasında 2 nəfəsalma və 1 nəfəsvermə klapan və burun sıxacı yerləşir. Süzücü, yarım örtük respirator üç qatlı materialdan hazırlanır. Xarici üst qat sintetik materialdan- penoplastdan( havanı yaxşı keçirir), daxili hissəsi hava buraxmayan polietilen plyonkadan və iki qalpaqdan ibarətdir. Bu iki qat arasında süzücü material olan polimer liflər yerləşdirilir. Nəfəs alarkən hava maskanın üst qatından və süzücü materialdan keçib təmizlənir. Sonra da nəfəsalma lkapanından keçərək insanın tənəffüs orqanlarına daxil olur. Nəfəs verərkən isə hava maskanın nəfəsvermə klapanından keçib kənara çıxır. Respirator gözləri mühafizə etmir. Buna görə də respiratorla birlikdə gözləri tozdan qoruyan eynəklər də taxmaq lazımdır.R-2d respiratoru fasiləsiz 4 saat, R-2 isə 12 saat ərzində mühafizəni təmin edir.Respirator 3 ölçüdə (1,2,3) hazırlanır. Ölçüləri maskanın daxili səthinin çənəaltı hissəsində rəqəmlərlə göstərilir.
