1. Quwırshaq teatrınıń payda bolıw tariyxı Shet el mámleketlerinde quwırshaq teatrınıń rawajlanıwı Ózbekstanda quwırshaq teatrınıń rawajlanıwı

Angliya quwırshaq teatrı. Angliya quwırshaq teatrı qahramanı Panch bolıp, ol áwmetli hám taǵdirine isengen usta edi. Angliya burujuaziya evolyutsiyasınan parıqlı Panch hám onıń obrazı sezilerli rawajlanıwǵa erisken. Dáslep Panch shawqınlı hám quwnaqlıǵı menen hámmeni ózine tartqan. Waqıt ótip bul xarakter qopal hám óz mápleri jolında hámme nárseden qaytpaytuǵın insanǵa aylanadı. Biraq angliya tamashagóyleri Panchti óz obrazına qaytarıwdı talap etedi. Xalıq óz qahramının jaqsı kóretuǵın edi. Panch aqıllı bolǵan, kushli hám óziniń dushpanlarınıń ústinen hár dayım ǵalaba qazanǵan. Bunıń hámmesi quwırshaq teatrınıń siyasiy yumorlıq qosıqqa tolı ekenligin sáwlelendirgen.
Yaponiya quwırshaq teatrı. Yaponiya quwırshaq teatrı óz dásturlerin saqlap qalǵan Uotura Bunrakuken atı menen atalǵan. “Bunraku quwırshaqları 1/2 - 2/3 ólshemdegi adam boyına teń tayarlanadı hám hár bir quwırshaqtı 3 adam basqaradı. En tájriybelisi onıń basın (kózin, qasların awzın, qabaqların ) hám oń qolın basqarǵan. Ekinshi operator quwırshaqtıń shep qolın háreketlendiredi. Úshinshisi onıń ayaǵın basqaradı”. Operatorlardıń ózleri bastan-ayaq qara kiyimde boladı. Tamasha baslanǵannan bir neshe minuttan soń tamashagóyler operatordı kórmey qaladı. Olardıń dıqqatı quwırshaqlardıń háreketine qaratıladı. Ayrım jaǵdaylarda birinshi operator ataqlı artist bolıp, ol betin jasırmay shıǵıwı múmkin.
Jáne sol nárseni hám aytıw lazım, Yaponiya mádeniyatı tariyxı hám dásturlerin televideniya arqalı tikkeley kórsetiletuǵın seriallar yaki ádebiyatlardan oqıp baqlap, onı eki túrli tárizde qabıl etiw múmkin. Bir qaraǵanda bul samuraylar watanı. Biraq basqa tárepten qarasań bul jerde ajayıp gullerdi, birinshi qardı siwiwshi, salem bergende iyiliwshi, turmısqa óz kóz-qarası menen qaraytuǵın jer. Yapon xalqınıń ájayıp mádeniyatın sonnan hám bilse boladı, olar hesh qashan ashıq básekige barmaydı. Shıdamlı, kúshli tárbiya, tilin óz waqtında tiye biliw bul jerde tiykarǵı qaǵıyda sanaladı. Yapon xalqı júdá názik bolıp, sóylesiw protsessinde olar “awa” sózin júdá kóp qollaydı hámde “joq” sózi bolsa olar ushın tanıs emse. Ushırasıw paytında iyilip sálem berip atırǵan birinshi bolıp qáwmetin tiklewi hurmetsizlik esaplanadı.