Ibn Sino Axloqiy tarbiya haqida shunday fikr bildirgan “Axloq har-bir kishi uchun o’z-o’zini idora qilish ilmidur”.
Abdulla Avloniy Axloqqa shunday tariff bergan “Axloq insonni yaxshilikka chaqiruvchi, yomonlikdan qaytaruvchi, bir ilmdir. Yaxshi xulqlarning yaxshiligini, yomon xulqlarning yomonligini dalil isbotlar ila bayon qiladigan kitob axloq deyilur”
Barkamol insonni tarbiyalash, voyaga yetkazish haqida musulmon Sharqi axloqi bir qator asarlarni yaratgan. Chunonchi, Kaykovusning «Qobusnoma», Sa’diyning «Guliston», «Bo’ston», Amir Temurning «Temur tuzuklari», Abdurahmon Jomiyning «Bahoriston», Alisher Navoiyning «Mahbub ul-qulub», Xusayn Voiz Koshifiyning «Axloqi muhsiniy» va boshqalarni ko’rsatishimiz mumkin.
Turon zaminimiz xalqlari axloqiy tarbiya sohasida boy an’analarga ega. Axloqqa oid dastlabki fikrlar «Avesto»kitobida, qadimgi bitiklarda va boshqa yozma manbalarda o’z ifodasini topgan. Bulardan tashqari, o’zbek xalqi o’rtasida keng tarqalgan pandnomalar, o’gitlar va odobnomalarda, xalq pedagogikasida, falsafiy risolalarda, allomalar merosida axloqiy masalalarga keng o’rin berilgan.
Hissiy (estetik) tarbiya shahsni tarbiyalashning turlaridan biri bo‘lib, uning maqsadi – voqelikka estetik munosabatni shakllantirish.
Uning vazifalari: -estetik bilimlarni shakllantirish;
-estetik madaniyatni tarbiyalash;
-estetik hissiyotni rivojlantirish;
-estetik idealni shakllantirish;
-hamma narsa: fikrlashda, ishlarda, hatti-harakatlarda, tashqi ko‘rinishda va har qaerlarda go‘zal bo‘lishga intilish.
Mehnat tarbiyasi– mehnat faoliyatiga qo‘shish jarayoni, har tomonlama va uyg‘un rivojlangan shahs shakllanishining asosi.
Huquqiy tarbiya – huquqiy ong va huquqiy hulq-atvorni shakllantirish Iqtisodiy tarbiya jamiyatning iqtisodiy hayotini tushunish, bozor sharoitlarida iqtisodiy fikrlashni shakllantirish, ishbilarmonlik hislatlari va boshqalarni ta’minlaydi.
