11-sinf tarbiy
Yüklə 82,8 Mb. Pdf görüntüsü
|
|
Mulohaza uchun
? Ijodiy faoliyat 48 1. Bir o‘ylab ko‘ring, ota qanday vaziyatlarda “Yo‘qol ko‘zimdan, sendaqa qizim yo‘q! Bergan tuzimga rozi emasman!” deb baqirishi mumkin? Matluba chet eldan qaytib, ota-onasini ko‘rgani keldi. Suhbat chog‘ida qizining boshqa dinni qabul qilganini eshitgan ota: – Es-hushingni yig‘, qizim, bu ishingning oqibati yomon bo‘ladi, imondan qaytgan odamning hayvondan nima farqi bor? – dedi. Otaning ovozida kuyun- chaklik va yalinish bor edi. Matluba xuddi shu ohangda: – Ilojim yo‘q, kuyovingizga so‘z berganman, ota, – dedi: So‘ngra yerga qaradi-da, yana davom etdi: – Agar bu yo‘ldan qaytsam, u meni ham, bolalarimni ham uydan haydaydi. – Turqi qursin o‘sha kuyovning, ajrash, qizim, tirik ekanmiz, sizlarni yolg‘izla- tib qo‘ymaymiz... – ota qiziga yalindi. Matluba bu gapdan esankirab qoldi. Bir onasiga, bir otasiga qarab oldi. Otasining ko‘ziga tik qaradi-da: – Otajon, ko‘ra bila turib, bolalarimni tirik yetim qilaymi? Siz bolalarimga ota- lik qila olasizmi? Matlubaning bunday ohangda gapirishidan otasi yalt etib ayoliga qaradi. Bu qarashdan “Sen nega jim o‘tiribsan?” degan ma’noni anglash qiyin emasdi. U ham erining avzoyini ko‘rib, biror nojo‘ya gap aytib yubormasin deb hovliqqan- cha suhbatga aralashdi: – Axir, ering iymonsiz bir odam bo‘lsa, unda otalik mehri nima qilsin? Bola- laringni endi o‘ylab qoldingmi? Ularni tashlab, yarim yil allaqayoqlarda yo‘q bo‘lib ketdilaring. Yarim yil yo‘llaringga termilib yig‘lab chiqishdi bechoralar. Yana mehr haqida gapirasan-a? – deb o‘pkaladi-da, eriga “bo‘ladimi?” degandek qaradi. Otaning ko‘zlari xuddi qizining qalbidagini o‘qishga tikilgandek edi. Mat- luba o‘tirgan joyidan o‘zini o‘nglab oldi-da, boshini baland ko‘tarib, muhim bir narsani e’lon qilgandek, dadillik bilan dedi: – Meni bu yo‘ldan qaytarmang, oyi. – Axir... – Undan ko‘ra, sizlar ham bizga qo‘shiling, kam bo‘lmaysiz... Qizidan bunday taklifni eshitgan ota xontaxtaga shunday musht tushirdiki, xotini keyingisi qiziga tushib qolmasin deb uni ushlab qoldi. – Qizim, nimalar deyapsan, uyalmaysanmi shunaqa deyishga? – erining qo‘li- ni qattiqroq tutdi ona. Qizidan bunday gapni kutmagan otaning nafasi tiqildi. Tomog‘ida nimadir turib qolganday bo‘ldi. Go‘yo kimdir uni bo‘g‘yapti-yu, ovozi chiqmaydi. Ota chuqur nafas oldi-da, xontaxtaga egilib turgan boshini ko‘tardi, bor kuchini to‘plab: – Yo‘qol ko‘zimdan, sendaqa qizim yo‘q! Bergan tuzimga rozi emasman! – deb baqirdi... ? Yüklə 82,8 Mb. Dostları ilə paylaş:
|