13 Amaliy mashg’ulot

Birinchi yoshdagi qurtlar g‘analanmaydi.

Ipak qurtlari juda tez o‘sadi va tanasi yiriklashib boradi. Shuning uchun ulami har bir barg berilganda siyraklashtirilib, oziqlanish maydoni kengaytirib boriladi. Birinchi yoshining birinchi kunida bir quti qurt 0,5 m² joyni egalisa, yosh oxiriga kelib u 2 m² joyni egallashi kerak. Oziqlanish maydoni yetarli bo‘lmasa, qurtlar turli kattalikda bo‘lib qoladi va tez kasallikka chalinadi. Birinchi yoshidagi qurtlarning uchinchi kuniga kelib barg yeyishi sustlashadi, chunki ularning tanasi terisiga sig‘may qoladi. Natijada qurtlar yangi, kengroq terini ishlashga va eskisini tashlashga kirishadi. Bu davrda qurtlar oziqlanmasdan qimirlamay turadi. Bu holatni pillakorlar “Qurt uxladi” deb atashadi. Qurtlarning teri almashtirishi - uyqusi bir kun davom etadi. Qurtlar bir vaqtda yoppasiga uyquga ketmaydi. Shuning uchun ularga to‘liq uxlagunga qadar oz-ozdan barg berib boriladi. Hamma qurtlar uyquga ketgach, barg berish to‘xtatiladi. Oradan bir kun o‘tgach, qurtlar eski terisini tashlab, ildcinchi yoshga o‘tadi. Qurtlarning 95-97 foizi po‘st tashlab bo‘lganidan so‘ng barg berishni boshlash kerak.