28 mavzu: buxgalteriya hisobini konsepsiyasi va tamoyillari

 
44. 
«Byudjet bilan hisob-kitoblar» moddasi bo’yicha (250-satr) soliqlar, 
yig’imlar va byudjetga boshqa to’lovlarga doir ortiqcha to’lovni qo’shganda 
moliya va soliq organlarining qarzi ko’rsatiladi. Ushbu modda bo’yicha 
umumbelgilangan tartibda hisobga olingan qo’shilgan qiymat solig’ining summasi 
ham ko’rsatiladi.
 
 
45. 
«Xodimlar bilan boshqa operatsiyalar bo’yicha hisob-kitoblar» moddasi 
bo’yicha (260-satr) korxona xodimlarining ushbu korxona mablag’’lari yoki bank 
krediti hisobiga ularga berilgan ssudalar va qarzlar, korxonaga etqazilgan moddiy 
zararni qoplash bo’yicha va hakoza qarzlari ko’rsatiladi. Xususan , ushbu modda 
bo’yicha yakka tartibdagi va kooperativ uy-joy qurilishiga yoki bog’ uychalarini 
xarid qilish va bog’ uchastkalarini obodonlashtirishga ssudalar, uy-joy sharoitini 
yaxshilash yoki uy-ro’zg’or anjomlarini sotib olishga yosh oilalarga beriladigan 
foizsiz ssudalar va hokazo ssudalar aks ettiriladi. 
 
46. 
Balans aktivi va passivida «SHuhba va tobe xo’jalik jamiyatlari bilan 
hisob-kitoblar» moddasi bo’yicha (270-satr va 520-satr) hisobi «SHuhba 
korxonalar bilan hisob-kitoblar» hisobvarag’ida yuritiladigan, shuhba va (yoki) 
tobe xo’jalik jamiyatlari bilan joriy operatsiyalar bo’yicha ma’lumotlar 

---

159 
(balanslararo hisob-kitoblar) aks ettiriladi. Korxonalarni shuhba va (yoki) tobe 
korxonalarga kiritish tartibi O’zbekiston Respublikasi Fuqarolik kodeksining 67
va 68-moddalari bilan belgilanadi. SHuhba va (yoki) tobe xo’jalik jamiyatlariga 
investitsiyalarning hisobi O’zbekiston Respublikasi Moliya vazirligi 1998 yil 14 
oktyabrda 50-son bilan tasdiqlagan «Konsolidatsiyalangan moliyaviy hisobotlar va 
shuhba xo’jalik jamiyatlariga investitsiyalar hisobi» Buxgalteriya hisobi milliy 
standarti (8-son BHMS) (ro’yxat raqami 580, 1998 yil 28 dekabr. O’zbekiston 
Respublikasi vazirliklari, davlat qo’mitalari va idoralarining me’yoriy xujjatlari 
axborotnomasi», 1999 yil, 6-son)ga binoan bosh jamiyatning aloxida moliyaviy 
hisobotiga konsolidatsiyalanishi kerak.