İkinci nəslə aid olan sosial hüquqlar cəmiyyətdə sosial tərəqqiyə və layiqli həyat səviyyəsini təmin etməyə, əhalinin rifahının, həyat tərzinin yüksəlməsinə yönəlir. Bu hüquqlara əmək, təhsil, sağlamlıq, qidalanma hüququ, məşğulluq, mənzil hüququ, mədəni və sair hüquqlar aiddir. Həmin hüquqlar 1966-cı ildə qəbul olunmuş İqtisadi, sosial və mədəni hüquqlar haqqında Beynəlxalq Paktda, habelə 12 dekabr 1961-ci ildə qəbul edilmiş Avropa Sosial Xartiyasında öz əksini tapmışdır. Xartiyada qeyd olunur ki, hər bir dövlət öz xalqının iqtisadi, sosial və mədəni inkişafına dəstək olmasına görə məsuliyyət daşıyır. Bu hüquqların təmin olunması ilə bağlı bir sıra beynəlxalq normalar da qəbul edilmiş, habelə dövlətin Konstitusiyasında (maddə 12) və normativ-hüquqi aktlarda təsbit olunmuşdur.
