Çoxmənalı sözlərdən törəyənlər. Polisemantik sözdən birdən-birə yeni söz əmələ gəlmir, bu tədricən baş verir. Çoxmənalı sözdən əmələ gələn omonim söz öz lesik, qrammatik mənalarına görə törəndiyi sözdən fərqlənir. Çoxmənalı sözlərin əsas və törəmə mənaları arasındakı əlaqə o qədər zəifləyir ki, onu hiss etmək olmur, əlaqə pozulur, bu da omonimlərin yaranması ilə nəticələnir. Alınma sözlər hesabına yaranan omonimlər. Alınma sözlər omonim cərgənin üzvü kimi 2 şəkildə iştirak edir: 1) heç bir dəyişiklik edilmədən omonimləşənlər; 2) fonetik və ya morfoloji dəyişiklik edilməklə omonimləşənlər. Alınma sözlər əsasında müəyyənləşən omonim cərgələrin üzvlərinin hamısı alınma və ya biri alnma, o biri isə milli söz olur. Məsələn, ərəb mənşəlilər: bəhs (mübahisə), bəhs (əsərin bir hissəsi). Fars mənşəlilər: zər (qızıl), zər (nərddə daş).müxtəlif mənşəli qarışıq tiplər: bal ( azərb. şirin maddə), bal (fr. rəqs gecəsi), bal (fr. dərəcə) və s.
