Katta boldir orqa muskuli (m. tibialis posterior) - membrana interossea dan, katta va kichik boldir suyaklarining bir-biriga yondosh chetlarining orqa yuzasidan boshlanib, qayiqsimon suyakka, II-IV kaft suyaklariga va uchala ponasimon suyakka yopishadi. Bu muskul bevosita suyakalararo pardaning xuddi ustida barmoqlarni va bosh barmoqni bukuvchi uzun muskullar orasida yotadi. Medial to’piqqa yaqinlashganda muskul payi (retinaculum flexorum) ning ostidan o’tadi.
U oyoq panjasining medial chetini ko’taradi va supinasiya qiladi, panjani bukadi.
Bu muskul n. tibialis orqali innervasiya qilinadi.
