A k ġ f k a m a L
Yüklə 10,02 Mb. Pdf görüntüsü
|
|
Ġnsanların ümidini qırma... bəlkə də sahib olduğu tək Ģey odur.
yanına çatdıq. Mənimlə kəşfiyyat aparan əsgərlərdən birinə körpünü keçib o tayda mövqe tutmağı tapşırdım. Əsgərin tərəddüd etdiyini görüb özüm irəli addımladıqda həmin əsgər məni qabağa buraxmadı. Özü qabağa keçib yavaş-yavaş körpünü keçib o tayda bizi gözlədi. Mən o biri əsgəri geri qaytarıb bizimkilərə xəbər vermək üçün göndərdim və özüm də körpünü keçib əsgərin yanına gəldim və bizimkilərin körpünü keçməsini izlədik. Körpüdən bir qədər yuxarıda Yanşaq kəndindən- qərərgahdan göndərilmiş maşın bizi gözləyirdi. Yaralıları maşına qoyduq, özümüz isə piyada kəndə qalxdıq... * * * Bir saatdan sonra leytenant Əziz Abbasov 30 nəfər əsgərlə Yanşaq kəndinə gəlib çıxdılar. Biz isə onların da həlak olmaları barədə qərərgaha məlumat vermişdik. Lakin, onlar başqa bir istiqamətdən düşmən mühasirəsini yarıb mühasirədən çıxmış və meşə ilə hərəkət edərərək, başqa yerdən Qamışlı çayını keçib Yanşaq kəndinə gəliblər. Komandirlər öz əsgərlərini yoxladıqdan sonra məlum oldu ki, cəmi 14 nəfər, o cümlədən; kapitan Mürşüd Ağa oğlu Məmmədov, gizir Kamal Hüseyn oğlu Hacıyev, əsgərlərdən Eldar Hümbətov və başqaları həlak olmuşlar. Həlak olanlardan 3 nəfəri Göyçayın Ləkçibulaq kəndindən, 2 nəfəri Ucardan idi. Onların meyidləri isə döyüş meydanında qalmışdı... Baş leytenant Əziz Abbasovun dediklərindən: “Biz təqribən 30 nəfərədək döyüşçü ilə düşmən mühasirəsini yarmaq üçün meşəliklə düşmənə xeyli yaxınlaşmışdıq. Ermənilər bizdən bir neçə metr yuxarıdakı təpəlikdə mövqe tutmuşdular. Onlar başımızın üstündən atəş açır, bizdən isə xəbərləri yox idi. Hətta onları görür və danışıqlarını eşidirdik. Ermənilərdən biri digərinin yarasını sarıyırdı. Biz qarışqa yuvalarının arxasında gizlənmişdik.Güllələrimiz qurtarmaq üzrə olduğundan düşmənə atəş aça bilmir, çıxılmaz vəziyyətdə qalmışdıq. Biz sürünərək meşənin dərinliyinə doğru irəliləyirdik. Getdiyimiz yer isə düşmən mövqelərinin arxa tərəfi idi. Axşamın tez düşməsini gözləyir, haradan Yanşaq istiqamətinə qayıdacağımızı götür-qoy edirdik. Qaranlıq düşdüyündən döyüş də səngimişdi. Biz ratsiya olmadığından komandirlə əlaqə saxlaya bilmirdik. Gecə səssiz meşə ilə aşağı enib xeyli məsafədə dağları dolanaraq Çəpli və Qamışlı kəndlərinin arasından Qamışlı çayını keçib Yanşağa qalxdıq”. * * * Artıq səhər açılırdı.Yanşaq kəndində artilleriya əsgərləri Fikrət, Coşqun və digərləri bizə isti çay, çörək verdilər. Onlar yol kənarında ağ daşdan tikilmiş və ermənilər tərəfindən yandırılmış bir evin üstünə çadır 238 çəkib özlərinə daldalanacaq düzəltmişdilər. Sonra mən onların çarpayısında uzanıb yatdım. Yarım saat olardı ki, yatmışdım, birdən top atəşinə oyandım. Top mərmisinin qəlpələri pəncərədən keçərək divara dəyib çarpayının üstünə düşdü. Ermənilər Yanşaq kəndini topa tutmuşdular. Mən evdən çıxdım və top mərmilərinin hara düşdüyünü müşahidə etməyə başladım. Birinci mərmi evdən 30 metr aralı-maşın yoluna düşmüşdü. Artıq sonrakı mərmilər bizdən 200-300 metr yuxarı tərəfə-briqada qərərgahının ətrafına və topların yerləşdirildiyi əraziyə- Almalıq deyilən yerə- düşürdü. Hər tərəfə yağış kimi qəlpələr səpələnirdi. Düşmən əsasən komanda məntəqəsini və bizim toplar yerləşən Almalıq deyilən ərazini atəşə tutmuşdu. Əsgər və zabitlər hamısı səngərlərdə və daldalanacaqlarda gizlənmişdilər. Heç kəs gözə dəymirdi. Mən təkrar “Ağ ev”ə qayıdaraq top atəşi altında uzanıb yatdım. Bozlu, Susuzluq, Qasımbinəsi, Bağırsaq və Qamışlı kəndləri istiqamətində isə döyüşlər gedirdi... Həmin gün top atəşi altında olmağımıza baxmayaraq, bir az dincəldik. Axşamüstü tabora yenidən Susuzluq kəndinə getmək və oradan döyüşləri davam etdirmək əmr olunmuşdu. Komandir səhər Susuzluq kəndinə gedəcəyimizi bildirdi. Axşamüstü kəndin ayrı-ayrı tövlələlirndə daldalanan əsgərləri topladım. Ac idik. Təchizat tağımı Susuzluq kəndində qaldığından əsgər və zabitlər demək olar ki, hamısı ac qalmışdı. Birinci taborun səhra mətbəxi Yanşaq kəndində - bizim yaxınlığımızda idi. Biz 1-ci taborun komandiri kapitan Qurban Qurbanovdan və kapitan Bərəm Lazımovdan xahiş etdik ki, bizim əsgərlərə də isti xörək versinlər... Gecə kəndin salamat qalmış tövlələrində və yandırılmış evlərin künclərində əsgərləri yerləşdirdik və dincəldik. Səhərisi gün-26 yanvar 1994-cü il tarixdə bizim tabor yenidən Çəpli kəndinə tərəf hərəkətə başladı. Susuzluqda əməliyyat bölmə rəisi mayor Qorxmaz Qarayev yeni əməliyyat planı ilə biz zabitləri tanış etdi. Əməliyyat planına əsasən. bizim tabor yenidən Çəpli kəndinə hücum etməliydi. Düşmənin Çəpli kəndində 3 ədəd PDM-i beş tankı və təqribən bir bölüyü olduğunu kəşfiyyatçılarımız bizə bildirmişdilər. Bu əməliyyatı mənim bölüyümə həvalə etdilər. Tapşırıq aldıqdan sonra əvvəlcə əsgərlərin silah-sursatlarını bir daha gözdən keçirdim və patronların kifayət qədər olduğunu yəqin etdim. Bundan başqa tağım komandirlərinə, pulemyotçulara, snayperlərə və qumbaraatanlara ayrıca tapşırıq verdim. Günortaya yaxın hərəkətə başladıq. Meşəlikdən və ərazinin qayalıqlarından istifadə edərək Çəpli kəndinin qayalıq və meşəli yüksəkliklərində mövqe tutduq. Artıq ikinci |