87
Insan üçün atasız, anasız, qardaĢsız, bacısız-doğmalarsız yaĢamaq
böyük dərddir. Bundan da böyük dərd - Vətənsiz yaĢamaqdır.
M ü ə l l i f
üçün isə bizim heç bir silahımız yox idi.
Biz əsgər və zabitlər hamımız Sarıbulağın yanında çəmənlikdə
qurduğumuz çadırda qalırdıq. Çadırda 10 ədəd ikimərtəbəli çarpayı
yerləşdirmişdik. Bu isə üç əsgərə-bir çarpayı demək idi. Əsgərlər növbə
ilə yatırdı. Bundan başqa bütün silah-sursatımız, ərzağımız da çadırda idi.
Yağış yağanda çadırda tərpənməyə imkan olmurdu. Sobanı yandırır,
paltarlarımızı qurudurduq. Yeməyimizi dizel yanacağı ilə işləyən səyyar
mətbəxdə hazırlayırdıq. Bir ədəd QAZ-66 markalı maşınımız var idi ki,
onunla həm ərzaq
və sursat gətirir, həm də odun daşıyırdıq.
Mən hər gecə mövqeləri yoxlayır, əsgərlərə ayıq-sayıq olmağı
tapşırırdım. Vertalyot hücumundan və artilleriya mərmilərindən
qorunmaq üçün çadırın ətrafında hər bir əsgər üçün səngərlər qazdırdım.
Hər vaxt düşmən hücum edə bilərdi. Keçən il ermənilər qəflətən hücum
edərək burada bir neçə nəfər polisi və dinc əhalini öldürmüş, qoyun
sürülərini aparmışlar.
Sarıyer yaylağında yayda havalar sərin keçir. Yay olmasına
baxmayaraq, axşam, səhər və gecələr əsgər gödəkçələrini geyinməyə
məcbur olurduq. Hər səhər əsgərlərlə idman edir, Sarıbulağın buz kimi
suyunda qurşaqdan yuxarı yuyunurduq. Bölük komandirinin müavini baş
leytenant Ramiz Əhmədov, tağım komandiri leytenant Ziyafət Tağıyev və
bölüyün baş çavuşu gizir Şahin Bəxtiyarovla əsgərlərin təlimləri ilə
məşğul olur, tez-tez əsgərlərin döyüş hazırlığını yoxlayır, hərbi təlimlər
təşkil edir, silah və sursata baxış keçirirdim. Həyəcan siqnalı zamanı hər
bir əsgərin harada səngər tutmasını, haradan ön mövqeyə çıxmasını və
döyüşün aparılması qaydalarını dəqiqliyi ilə onlara öyrədir, atıcılıq
yarışları təşkil edirdim.
Bir tərəfi Sultan Heydər, bir tərəfi Dik Pilləkən, digər tərəfi
Keyti-Mehdi dağları ilə əhatələnmiş Sarıyer yaylağı mənzərəli, göz
oxşayan, əvəzsiz bir yaylaqdı. Hər il bu yaylaqda Azərbaycanın 28
bölgəsinin bir milyon baş qoyunu bəslənirmiş. Çobanlardan biri söhbət
edir ki, Qarabağ xanı Mehdiqulu xan da hər il Sarıyerə yaylağa gələrmiş.
Hətta bir dəfə çobanlardan biri Mehdiqulu xanın pəhləvanını yıxıbmış...
Həmin il Ağdərə yolu ermənilərdən azad edildiyi üçün Sarıyer
yaylağına Bərdə və Beyləqanın qoyun sürüləri gətirilmişdi. 4 il əvvəl
Ağdərədən Kəlbəcərə gedən yolları ermənilər bağladığı üçün heç bir
yerdən bu yaylağa gələn olmamışdır. Dörd ildən sonra təhlə-tərəkəmə
elləri yenidən sarıyer yaylağına qayıdırdı. Digər rayonların tərəkəmə-