10. İşgüzar kommunikasiyada əlaqələrin formaları. İşgüzar kommunikasiyanın müxtəlif formaları informasiya
məzmununun daha effektiv şəkildə həyata keçirilməsinə kömək edir.
Bu formalar aşağıdakılardır:
– İşgüzar söhbətlər, danışıqlar;
– Kütləvi çıxışlar (məruzələr, təbriklər);
– Mətbuat konfransları;
– Müzakirələr, diskussiyalar, mübahisələr;
– Təqdimatlar;
– İşgüzar səhər, nahar, şam yeməyi, furşet.
İşgüzar kommunikasiyanın proses və nəticələri rəsmi məktub,
protokol, əmr, müqavilə, qətnamə və s. şəklində sənədləşdirilir.
İşgüzar kommunikasiyada problemlərin həlli uzanırsa, yaxud
telefon və ya digər onlayn vasitələr planlaşdırılanları həyata keçirmək
üçün yetərli deyilsə, o zaman müşavirə keçirmək məqsədəuyğundur.
İşgüzar müşavirə mövcud vəziyyət barədə məlumat vermək və həll
yollarını göstərmək üçün nəzərdə tutulan kollegial müzakirə
formasıdır.
İşgüzar kommunikasiyada maraqlar üst-üstə düşdükdə və ya zidd
olduqda iş ortaqları arasında razılığa gəlmək üçün danışıq fəaliyyət
formasından istifadə olunur. Danışıq, əsasən, diplomatik sənətdir,
işgüzar kommunikasiya üçün bir qədər zamanla uzanan bir prosesdir.
Başqa bir forması dəyirmi masa və disputdur. Dəyirmi masa hər
hansı məsələni danışıqla həll etmək, müzakirə yolu ilə razılığa gəlmək,
qarşılıqlı anlaşmaya nail olmaq üçün dialoq aparmaq üsuludur. Disput
müəyyən işgüzar mövzuda açıq mübahisədir. Bəzən bu məsələlər
işgüzar müşavirə, çıxışla müşayiət olunur. İşgüzar müşavirə bir qrup
mütəxəssisin problemi açıq kollektiv müzakirəyə çıxarması, ictimai
çıxış isə müxtəlif səviyyəli məlumatı natiqlik ustalığının qayda və
prinsiplərinə əməl edərək geniş auditoriyaya ötürməsidir.
11. İşgüzar kommunikasiyada əlaqələrin mərhələləri və
