Aholi jon boshiga iste’mol tovarlarini ishlab chiqarish uz

0.2 Resurslar 
0.2.1 Kadrlar, moddiy-texnika bazasi, kompyuter vositalari va moliyalashtirish 
Aholi jon boshiga iste’mol tovarlarini ishlab chiqarish to‘g‘risidagi ma’lumotlarni 
shakllantirishda Markaziy apparatda 12 nafar va statistikaning hududiy boshqarmalarining sanoat 
statistikasi bo‘limlarining har birida 4-5 nafardan xodim tomonidan amalga oshiriladi. 
Statistik ma’lumotlarni shakllantirish bo‘yicha belgilangan vazifalarni bajarish uchun xodimlar 
soni etarli. 
Barcha xodimlar iqtisodiyot va ishlab chiqarish sohasida oliy ma’lumotga ega bo‘lib, har 2 yilda 
kamida bir marta O‘zbekiston Respublikasi Davlat statistika qo‘mitasi huzuridagi Kadrlar 
malakasini oshirish va statistik tadqiqotlar institutida malaka oshirib boriladi. 
Har bir ish joyi shaxsiy kompyuter bilan ta’minlangan, dasturiy ta’minot muntazam yangilanadi. 
Berilayotgan moliyaviy mablag‘lar sanoat statistikasi bo‘yicha yillik statistika dasturida nazarda 
tutilgan ishlarni bajarish uchun yetarli.
1. Beg‘arazlik 
1.1 Kasbiy mahorat 
1.1.1 Statistikaning xolisligi 
O‘zbekiston Respublikasi Davlat statistika qo‘mitasi 
“Rasmiy statistika to‘g‘risida”gi Qonunining 6-moddasiga asosan, rasmiy statistikasining asosiy 
prinsiplari, jumladan beg‘arazlik va xolislik hisoblanadi. 
“Rasmiy statistika to‘g‘risida”gi Qonunining 13-moddasiga asosan, Davlat organlari, boshqa 
tashkilotlar va ularning mansabdor shaxslari davlat statistika organlarining ushbu Qonunga 
muvofiq amalga oshirilayotgan faoliyatiga aralashishga haqli emas. 
Hududiy statistika boshqarmalari, tumanlarning (shaharlarning) statistika bo‘limlari mahalliy 
davlat hokimiyati organlaridan mustaqil bo‘lib, bevosita vakolatli davlat organiga bo‘ysunadi. 
Mazkur statistik ma’lumotni ishlab chiqishda boshqa davlat organlarining aralashishiga yo‘l 
qo‘yilmagan va kasbiy mustaqillik to‘liq ta’minlangan. 
Kadrlarni tanlab olish va ularni yuqori lavozimlarga tayinlashda, ularning statistika sohasida 
tajribasi va kasbiy malakasi e’tiborga olinadi. Boshqarma xodimlari malakasini oshirish Davlat 
statistika qo‘mitasi huzuridagi Kadrlar malakasini oshirish va statistik tadqiqotlar instituti 
tomonidan tashkil etiladigan o‘quv kurslarida hamda xalqaro tashkilotlar tomonidan tashkil 
etiladigan o‘quv kurslari, o‘quv-amaliy seminarlarda ishtirokini ta’minlash orqali ta’minlanadi. 
Boshqarma xodimlari Kadrlar malakasini oshirish va statistik tadqiqotlar institutida tashkil 
etilgan o‘quv kurslarida ma’ruzalar bilan ishtirok etadi. Ommaviy axborot vositalarida 
Boshqarma xodimlarining ilmiy maqolalarini e’lon qilib borish tashkil etilgan. 

---