Eti̇ka və gender: Sosi̇al-əxlaqi̇ davranişin təhli̇li̇ 114 Lakin xüsusən, azsavadlı, məhdud dünyagörüşlü ailələr bu
tip “konsensusu” qəbul etməklə, öz aləmlərində gərginliyi
sülhlə başa çatdırdıqlarını düşünürlər.
Qadın və kişi arasında tam bərabərliyə nail olmaq üçün
kişi və qadının ailə və cəmiyyət daxilində minillərdən bəri
formalaşmış yoluna, mövcud adət-ənənələrə yenidən nəzər
salınmalı, münasibətlər köklü surətdə dəyişdirilməlidir. Bu,
məlum həqiqətdir ki, bütün xalqlarda ailənin əsas ağırlığı
qadının çiyinlərinə düşür. Qadın evin (ailənin) təkcə iq-
tisadiyyatını deyil, həm də necə deyərlər, mədəniyyətini
formalaşdırır. Ailədə ən mühüm vəzifə, uşaqların tərbiyəsi
bilavasitə qadından asılıdır. Psixoloqların qeyd etdiyi kimi,
əgər qadın uşağı sistemli şəkildə tərbiyə etməyə üstünlük
verirsə, kişi tərbiyə prosesində ən çox bu vasitədən istifadə
edir - uşağı qorxutmaq, ona hədə-qorxu gəlmək.
Bütün çətin situasiyalarda qadın ailə ocağını qoruyub
saxlamağa çalışır. Hətta dağılan ailələrdə belə ailə yükünü
yenə qadın çəkməli olur. Cəmiyyətdə mövcud olan patriarxal
baxışlar qadınlara qarşı yönəlsə də, onlar ən çətin anlarda
müvazinətlərini itirməməyə, ailə şərəfini qorumağa çalışırlar.
Bu gün bir sıra kütləvi informasiya vasitələri (KİV) cə-
miyyətdə ədalət prinsipinin bərqərar olmasından daha çox,
zorakılığın təbliğinə geniş meydan verir. Xüsusən qadınla-
ra, qızlara qarşı zorakılığın fasiləsiz nümayiş etdirildiyi ek-
ranlarda qan axır, bədən üzvləri parçalanır, bir sözlə, insan-
lar qətlə yetirilir. Bu cür “əsərlərdə” insan insanın düşməni
kimi çıxış edir. Bədii və publisistik əsərlərdə də zorakılığın
böyük “həvəslə” təsvir edilməsi təsadüfdən-təsadüfə rast-
laşdığımız hadisə deyildir. Bu cür “qorxulu əsərlər” istər-
istəməz adamların psixikasına, əxlaqına və mədəniyyətinə
