Andijon davlat universiteti pedagogika fakulteti
Yüklə 325,93 Kb. Pdf görüntüsü
|
|
2. XAYoL TURLARI.
Xayol har xil turlarda namoyon bo’ladi. Tasavvur xayoli, ijodiy xayol, ixtiyorsiz va ixtiyoriy xayol – xayol turlari jumlasidan bo’lib, ular bir-biridan farq qiladi. Tasavvur xayoli va ijodiy xayol. 9
Tasavvur xayoli deb, hozir yoki o’tmishda aslida mavjud bo’lsa ham, lekin bizning tajribamizda hali uchramagan va biz idrok qilmagan narsa va hodisalar to’g’risida tasavvur va obrazlar yaratishdan iborat bo’lgan xayol turini aytamiz. Bu narsalarning obrazlari boshqa kishilarning aytib bergan so’zlari asosida, shuningdek, yozma va boshqa hujjatlar asosida yaratiladi. Mana shu hamma misollardagi tasavvur ob’ektlari hozir yoki o’tmishda aslida bo’lgan bo’lsada, lekin biz o’zimiz bevosita idrok qilmagan ob’ektlardir.Tasavvur xayoli jarayonida odam o’zi ko’z oldiga keltirayotgan obrazning ob’ekti xaqiqatan ham muayyan joyda bo’lganligini yoki muayyan vaqtda bo’lganligini anglaydi. Tasavvur xayolining xarakterli hususiyati ham mana shudir. Masalan, arxiv hujjatlari va tarixiy yodgorlik bilan ishlayotgan tarixchining xayoli ham shu jumladandir, chunki u tarixda bo’lib o’tgan voqealarni shu materiallar asosida ko’z oldiga keltiradi. Kimdir – birov ma’lum bir sistemaga solgan, undagi obrazlarni ham yaratgan tayyor material asosida biron bir obraz yaratayotganda qilingan xayol ham tasavvur xayoli bo’ladi. Masalan, badiiy asarni o’qiganimizda badiiy suratni ko’rganimizda, texnika chertyojlarini va sxemalarini o’qiganimizda hikoya eshitganimizda bizning ongimizda shaxslarning, suratlarning, tabiat manzaralarining, voqealarning obrazlari paydo bo’ladi. Bunda boshqa shaxslar yaratgan tayyor obrazning o’zigina o’zlashtiriladi, deyish mumkin. Bunda muayyan bir obrazni tasavvur qilish ko’p jihatdan avtorning yaratgan obrazi qanday usullar bilan bunyod qilinganiga bog’liq bo’ladi, avtorning badiiy mahoratiga bog’liq bo’ladi, lekin, shu bilan birga, tasavvur qilinayotgan obrazning muayyan bir darajadagi mazmuni, to’liqligi, yorqinligi shu obrazni idrok qiluvchi odam xayolining qay darajada o’sganligiga ham bog’liq bo’ladi. Har bir kishi o’qiyotganida, ko’rayotganida, eshitayotganida ob’ektga muvofiq o’z obrazini yaratadi. Masalan, L.N.Tolstoyning «Anna Karenina» romanini o’qigan har bir kitobxon Annaning, Vronskiyning, Levinning va boshqalarning ma’lum darajada o’ziga (shu kitobxonga) xos bo’lgan obrazini yaratadi. Geografik kartalarga ko’z yuritilgan vaqtda va geografiyaga doir kitoblarni o’qigan vaqtda ham, odamda real geografik ob’ektlarning– tog’lar, daryolar, dengizlar, o’rmonlar va shu kabilarning obrazlari vujudga keladi. CHertyojlar va suratlarni ko’zdan kechirayotgan kishida ishlab turgan mashinalarning tegishli obrazlari vujudga keladi. O’qitish jarayonida o’quvchilarda tasavvur xayoli ularning, shaxsiy tajribalarida uchramagan yoki zamon va makon jihatidan ularga uzoq bo’lgan ob’ektlar to’g’risidagi bilimlarni o’zlashtirishlarida namoyon bo’ladi. Masalan, tarixga, geografiyaga, kosmografiyaga va boshqa shu kabi fanlarga doir bilimlar mana shunday tasavvur xayoli jarayonida 10
o’zlashtirilgan bilimlardir. Ijodiy xayol deb, bizning tajribamizda bo’lmagan va voqelikning o’zida ham uchramagan narsa va hodisalar haqida tasavvur va obrazlar yaratishdan iborat bo’lgan xayol turini aytiladi.
Odam o’zining ijodiy xayolida o’zi biror yangi, orginal narsa yaratadi. Masalan, yozuvchi o’z asari uchun personajlarning tipik obrazlarini yaratayotganida uning xayoli mana shunday ijodiy xayol bo’ladi. Ixtirochining yangi mashina, yangi asbob proektini yaratayotganidagi xayoli mana shunday ijodiy xayoldir. Tadqiqotchining biror gipoteza yoki eksperiment rejani yaratayotganidagi xayoli mana shunday ijodiy xayoldir. Ijodiy xayolning o’ziga xos hususiyatlari quyidagilardan iborat bo’ladi. Avvalo yaratilayotgan obrazning ob’ekti xaqiqatda yo’qligi, qandaydir biron yangi narsa yaratilayotganligi anglanadi. So’ngra, jamiyatning va shu muayyan kishining ehtiyoj va manfaatlari o’sha obrazni yaratishga rag’batlantiradi, shu obrazning yaratilishi o’sha obrazni yaratayotgan odamdagi shaxsiy tasavvurlar va bilimlar boyligiga, shuningdek, o’sha odam xayolining alohida ijodiy xislatlariga bog’liq bo’ladi. Ijodiy xayol obrazlari so’zlarda yoki moddiy ob’ektlarda gavdalantirilishi, tasvir qilinishi mumkin.
Ijodiy xayol san’atning hamma turlarida - poeziyada, muzikada, tasviriy san’atda (suratkashlikda), arxitekturada, qishloq xo’jaligidagi novatorlikda, fan va texnika sohasidagi ixtirolarda namoyon bo’ladi. Ijodiy xayol jarayonida odam o’z ongida faqat yangi mazmun yaratibgina qolmaydi, shu bilan birga, ob’ektiv olamda yangi real narsalar ham yaratadi. SHuni nazarda tutish kerakki tasavvur xayoli bilan ijodiy xayol o’rtasidagi farq faqat nisbiy farqdir. Ijodiy xayol jarayonida bo’lgani kabi, tasavvur xayoli jarayonida ham ob’ektlarning obrazlari yaratiladi, yangidan ijod qilinadi, Xayolning bu ikki turi ham aslda ijodiy protsessdir. Orzular va shirin xayol surishlar ijodiy xayolning alohida turlaridir. Orzu – ijodiy xayolning tilakdagi kelajakka qaratilgan faoliyatidir. Orzu qilish – ko’nglimizga yoqadigan istiqbol obrazlarini yaratish demakdir. CHunonchi, yosh yigit qanday qilib kelgusida pedagog, injener, tokarь, vrach, traktor haydovchi, uchuvchi va hokazo bo’lishni orzu qiladi. Boshqa bir yigit qanday qilib kelajakda Vatan faxrlanadigan katta qahramonlik ko’rsatishni orzu qiladi. SHirin xayol surish muayyan bir narsaga qaratilmagan muayyan bir sistemaga ega bo’lmagan xayol jarayonidir. SHirin xayolga botgan vaqtda turli obrazlar ko’z o’ngidan birin-ketin betartib o’ta beradi. Bu tasavvurlar jarayonini tafakkur tartibga solmaydi. Orzularda bo’lgani kabi, shirin xayol surishda ham, asosan, o’zimiz xush ko’rgan obrazlar paydo bo’ladi. SHu 11
sababli, ko’pincha, shirin xayol surish odamga huzur bahsh etadi. SHirin xayolga botish, odatda, odam passiv, irodasi bo’shashgan paytda, masalan, qattiq charchagandan keyin istirohat qilayotgan vaqtda, ko’z uyquga ketayotgan va uyqudan uyg’ongan vaqtda (odam uxlab borayotgan yoki uyqudan uyg’onayotgan paytlarda) paydo bo’ladi. SHirin xayol surish nerv sistemasi betoblanib holsizlangan vaqtda, ba’zan psixik kasalliklar vaqtida, isitma chiqayotganida, nerv sistemasi (alkogolь, kokain, morfiy bilan) zaharlangan vaqtda paydo bo’ladi. Yüklə 325,93 Kb. Dostları ilə paylaş:
|