Asboblar bilan jihozlash

Fdisk va Format dasturlarining cheklovlari
Fdisk dasturidan foydalanilganda, qattiq diskning avvalgi tuzilishi - bo‘limlari va mantiqiy disklari buziladi. Shunday qilib, ushbu dasturni ishga tushirishdan avval diskda mavjud bo‘lgan hamma ma’lumotlarning zaxiraviy nusxalarini tayyorlab olish kerak.
Quyida Fdisk va Format dasturlarining asosiy cheklovlari ro‘yxati keltirilgan:
- Fdisk dasturi disk harfining «do‘stona» usulda o‘zgarishini ta’minlamaydi.
- Diskni bo‘limlarga taqsimlagandan so‘ng Format dasturini ishga tushirish lozim.
- Bu dasturlar multiyuklanuvchi diskni tuzish imkonini bermaydi.
- Bu dasturlar ma’lumotlarni yangi diskka ko‘chirish vositalarini ta’minlamaydi.
Fdisk va Format dasturlarining cheklanishlari bu bilan tugamaydi. Bu ro‘yxatni davom ettiraverish mumkin. Qattiq disk ishlab chiqaruvchilarning ayrimlari yangi diskni avtomatik ravishda o’rnatish maxsus dasturini yaratdilar. Bu dasturlarda Fdisk va Format dasturlarining sanab o‘tilgan kamchiliklari yo‘q. (Masalan, Ontrack firmasining Disk Manager, StorageSoft firmasining EZ Drive va Drive Pro, Seagate firmasining Disk Wizard, Max Blast dasturlari).
CD-ROM\(RW\DVD) DISK YURUTUVChINI
o‘rnatish

SD-ROM disk yurutuvchini o‘rnatish jarayoni vinchesterni o‘rnatish jarayoniga o‘xshashdir. Avval djamperlarning to‘g‘ri o‘rnatilgani tekshiriladi. (Slave\Master installyatsiyaning turiga bog‘liq ravishda, agar diskyurutuvchi qattiq disk bilan bir shleyfga o‘rnatilsa, unda disk yurutuvchi slave bo‘lishi kerak).

IDE Interfeysli disk yurutuvchilar uchun quyidagi konfiguratsiyalar tavsiya qilinadi:
- birlamchi IDE (bir qavatli) Master Primary IDE kabi qattiq disk;
- ikkilamchi IDE (bir qavatli) Master sifatdagi SD/DVD disk yurutuvchi.
Agar xususiy kompyuter egasiga IDE tarqibiy kismlarining hammasidan foydalanish talab qilinsa, disk yurutuvchilarni quyidagi tarzda ulash kerak:
- birlamchi: IDE (ikki qavatli) Master kabi qattiq disk 1;
- birlamchi: IDE (ikki qavatli) Slave kabi qattiq disk 2;
- ikkilamchi IDE (ikki qavatli) Master kabi CD/DVD disk yurutuvchi 2;
- ikkilamchi IDE (ikki qavatli) Slave kabi CD/DVD disk yurutuvchi 2.
Tizimni installyatsiya qilishda oldingi manzarali plastik panel ostidagi metallga qarang. Aslida metalldan yasalgan korpus plastik panellar ostiga yashirilgan. Butun oldingi bolimi yoki eng kam deganda uning diskyurutuvchi o‘rnatiladigan qismi katta metall parchasidan ishlanadi. Keyin unda teshiklar ochiladi. Bir necha yillar davomida korpuslar uchun me’yorlar metall turini belgilab kelmoqda, chunki faqat metallgina elektromagnit nurlanishini kamaytirishi mumkin.

Amaliyotda ikkita variant bor. Agar metall yopqich (zaglushka)lar oldindan siqib chiqazilgan bo‘lsa, ular metall qirquvchi qaychi bilan kesib olinadi yoki kuch bilan siqib chiqariladi. Agar kompyuterning korpusi yuqori sifatga ega bo‘lsa, bu metall panellarning istalgan paytda olib tashlash va boshqasiga almashtirish mumkin. Bu kabellarni kompyuter korpusiga zarar yetkazmay olib tashlash imkoni bor-yo‘qligini tekshirib ko‘rish lozim. Teshikni ochib, SD-ROM disk yuru-tuvchini ichkariga joylashtirish, uni o‘z joyiga vint bilan mahkamlab qo‘yish mumkin.

Buning uchun yo‘li ingichka qilib kesilgan vintlar zarur. Bu ishda 4 ta vintdan foydalaniladi. Vintlarni haddan tashqari qattiq tortish kerak emas. Chunki ortiqcha kuch ishlatish korpusda kuchlanish hosil qilib, uning qiyshayishiga sabab bo‘lishi mumkin. Disk yurutuvchining aylanish tezligi qancha yuqori bo‘lsa, bu ta’sir shuncha katta bo‘ladi. Shuning uchun vintlarni disk yurutuvchi yaxshi mustahkamlanganida ishonch hosil qi-linguncha, ammo korpusni deformatsiyalamaydigan qilib burash kerak. CD ROM disk yurutuvchilarning harorat rejimi haqida, xuddi vinchesternikidek, g‘amxo‘rlik qilish kerak.
Ba’zida mustahkamlash uchun maxsus yo‘naltiruvchi rels-lardan foydalaniladi. Ular disk yurutuvchiga mahkamlanadi.

Tasma kabellarni ulash