Asr oshgan asarlar

1 Munajjim, demoqchi.
5-4733 
129

---

di. Har bir ishda u yuvoshgina o‘z maslahatini beradi. 
Muhammad Sayid saroy pahlavonlarining eng zo‘ri va 
mohiri edi. U keng yag‘rinli, quloch ko‘krakli, butun 
dov jussasidan quwat barq urardi. Husayn Boyqaro 
unga «pahlavoni olam» degan laqab bergan. Hech bir 
Xuroson pahlavoni, chet ellardan pahlavonlik 
dag‘dag‘asi bilan kelib turadigan zo‘rlardan birontasi 
hali uning yonboshini yerga tegizgan emas. Lekin 
Navoiyning qalin do‘stlaridan bo‘lgan bu shaxsning 
fazilati bundagina emasdi. Muhammad Sayid ayni 
zamonda turli ilmlar sohasida uncha-muncha olim- 
larga so‘z bermasdi. Musiqiyin chiroyli chalar, yangi 
kuylar to‘qirdi. Goho-goho uning qudratli qo‘llari 
qalam ushlab, chiroyli g‘azallar, ruboiylar yaratardi. 
Pahlavonning bu xislatlarini uzoqda eshitganlar ishon- 
mas, lekin yaqindan tanuvchilar uning qobiliyatlarini 
ehtirom qilardilar.
Navoiy ulaming qatoriga o‘tirdi. Jonli suhbat bosh- 
lanib ketdi. Pahlavon qalin lablari bilan so'zni asta 
o‘lchab kesib, gushtgirlik ilm i1 haqida qiziq ma’lu- 
motlar berdi. Hozir o'zining o‘n sakkiz yashar jiyani- 
ni vaqtincha madrasadan olib, ilk bahorda chetdan ke- 
lishi kutilgan mashhur pahlavonlar bilan kurashga sol- 
moq uchun uni tayyorlayotgani, qanday usullar qo‘l- 
layotgani to‘g‘risida gapirdi. Keyin so‘z she’r, musi- 
qiy, darveshlik falsafasi va hokazoga o‘tdi. Xo‘ja Afzal 
kirib, Navoiyni podshohning yangi qarori bilan tabrik- 
ladi. Pahlavon va boshqalar Navoiyning amir bo‘lgani 
haqidagi xabarni katta quvonch bilan qarshiladilar. Bu 
gapning darrov tarqalganiga Navoiy taajjublanib qoldi. 
Pahlavon dag‘al, baquwat soqolli keng yuzidagi 
samimiy tabassum va hayajon bilan dedi:
— Bu—ko‘hna Xuroson tarixining oltin sahifasidir!
— El baxtining tug‘ilgan kuni, — dedi Xo‘ja Afzal.
Har kim o‘z quvonch ham orzularini bildirib
turarkan, Majididdin, Nizomulmulk, Amir M o‘g‘ul va 
bir ko‘p beklar va ayonlar kirishdi. Ular shoir bilan,