Az ə rbaycanda Pe şə

“Məmulatın kiçik hissələrini hazırlayır” 

Geyimlərdə cib qapaqlarından nə məqsədlə istifadə edirlər? 

Cib qapağını hazırlayan zaman nə üçün alt qapaq üst qapaqdan kiçik götürülür? 

Körpünün hazırlanmasında hansı maşından istifadə edilir? 

Qapağın hazırlanma ardıcıllığını izah edin. 

Məmulatın kiçik hissələrinə hansılar daxildir? 

Kəmərdən hansı məqsəd üçün istifadə edirlər? 

Kəmərin qarmaq və qarmaq ilgəyi ilə hazırlanma ardıcıllığını söyləyin. 
3.2.1. Ciblərin hazırlanma qaydasını bilir 

Çərçivəli kəsik cibin hazırlanması
Ciblər görünüşünə görə kəsik və üstdən qoyma olurlar. Yan kəsik cibin çərçivədə 
işlənməsi üçün aşağıdakı hissələr lazımdır: ciblərin üst, alt kənarlarının 
işlənilməsi üçün əsas parçadan köbələr (2); əsas parçadan biçilmiş podzor (1); 
astar (cib kisəsi) (1, 2 hissədən ibarət ola bilər); cibin altlığı (1) (uzanmayan 
parça).
Geyimin qabaq hissəsində köməkçi ülgü vasitəsilə, yaxud biçicinin qeyd etdiyi xətt üzrə cibin 
yerini 3 xətlə: 1 uzununa, 2 eninə xətlə dəqiqləşdirirlər (Şəkil 3.4. a). Qabaq hissənin tərs üzündə cib xətti 
üzrə 2 uzununa tikişlə, kəsiklərdən 0,5 sm məsafədə cibin altlığını elə kökləyirlər ki, onun tən ortası cibin 
nişanlandığı xətlə uyğun gəlsin; bir ucu yan kəsiyinə qədər çatsın. O biri ucu isə 1,0-1,5 sm ölçüdə bort 
araqatı materialının daxili kəsiyinə daxil olsun. Kökləməni düzünə kökləmə tikişi ilə (3 sm uzunluğunda) 
yerinə yetirirlər. 

---

37 
Şəkil 3.4 Çərçivəli kəsik cibin hazırlanma ardıcıllığı 
Nazik parçadan hazırlanan məmulatlarda podzor tərəfdən cibin astarının hər hansı bir ucuna, üz 
tərəfi yuxarı olmaqla qoyurlar, üst tərəf kəsiklərini bərabərləşdirib düzəldir, podzorun alt kəsiyini 0,7-
1,0 sm qatlayıb, qatlanmış kənarından 0,1-0,2 sm məsafədə maşında tikirlər. Qalın parçadan biçilən 
məmulatlarda podzoru cibin girəcəyinin üst tərəfinə (üz tərəfi aşağı vəziyyətdə) qoyub, kəsiklərini 
düzəldir və tikirlər. Tikişi 0,5-0,7 sm enində astara tərəf qatlayırlar. Qatlanan hissənin üst tərəfinə köbəni 
qoyaraq kəsikləri cibin nişanlanmış xətlərinə kip yatırdıb, kəsiklərdən 0,3-0,4 sm məsafədə 1,0-1,5 sm 
uzunluğunda düzünə kökləyirlər. Bu zaman, əgər cibin astarı bütöv biçilmişdirsə, köbəni astarla birlikdə 
aşağıdan yerləşdirirlər. Köbəni kəsiklərdən 0,4-0,5 sm, kök tikişindən isə 0,1 sm məsafədə maşında 
tikərək tikişin ucunu bəndləyirlər (şəkil 3.4 b, c). Tikişlər arasındakı məsafə kantın, yaxud çərçivənin iki 
eninə bərabər olmalıdır. Köbənin tikişləri bərabər olmalı və bir səviyyədə qurtarmalıdır. Köbənin tikişinin 
düzgünlüyünü astar tərəfdən yoxlayırlar. Cibin girəcəyini astar tərəfdən, tikişlərin mərkəzindən cibin 
ortasından başlayıb hər iki tərəfə doğru kəsirlər. Cibin uclarına bir az qalmış üçbucaq şəklində kəsməklə 
0,1-0,15 sm tikiş payı saxlanılır (şəkil 3.4 ç). Cib kəsiyindən köbəni astar tərəfə keçirib, kənarlarını 
düzəldərək köbədən 0,4-0,5 sm enində çərçivə əmələ gətirirlər (şəkil 3.4 d). Cib girəcəyinin podzorlu 
tərəfini üst köbə ilə üz tərəfi içəri olmaqla 2 sm uzunluğunda düzünə kökləyirlər. Üz tərəfdən üst köbəni 
birləşdirirlər, tikiş xəttinə cibin üst köbəsini bərkidirlər. Bunu alt köbəni bərkidən üsul ilə yerinə yetirirlər. 
Cibin köbələrini düzəldir və xaçvari tikişlə kökləyir, uclarını isə bəndləmə maşın tikişi ilə bəndləyirlər. 
Eyni zamanda cib kisəsinin hər tərəfini maşın tikişi ilə küncləri dairəvi olmaqla, tikmək lazımdır (Şəkil 3.4 
e). Hazır cib astar və üz tərəfdən nəmləndirilərək ütülənir. 
