Az eBook Archive
Yüklə 1,57 Mb. Pdf görüntüsü
|
|
Mən anlamıram, axı indi necə azad ola bilərəm? Adətən
mən öz həyatımdan məhz indiki anda son dərəcə narazı oluram. Bu, faktdır və mən özümü hər şeyin yaxşı olduğuna inandır- mağa çalışmaqla özümü aldatmış oluram, çünki hər şey əksinə- dir. İndiki an mənə tamamilə uğursuz görünür; o qətiyyən azadlıq vermir. Məni irəli getməyə vadar edən şey ümid, ya da gələcəkdə həyatımın bir qədər yaxşılaşacağının mümkünlüyü- dür. Sən diqqətinin indiki ana yönəldiyini düşünürsən, ancaq əslində o tamamilə zamana bürünüb. Sən indiki anda mövcud ola-ola dərdli ola bilməzsən. Sənin “həyatım” adlandırdığın şeyi, sənin “həyat şə- raitin” adlandırmaq daha doğru olardı. Psixoloji zaman – 89 keçmiş və gələcək də elə budur. Keçmiş sənin istədiyin kimi olmayıb. Sən hətta indi də keçmişdə olanlara müqa- vimət göstərməkdə davam edir, eyni zamanda indi olan- lara qarşı çıxırsan. Səni fəaliyyətə sövq edən ümiddir, o sənin diqqət mərkəzini xəyali gələcəkdə saxlayır və uzun sürən bu diqqət indiki anı inkar edir və beləliklə də qayğılarınız davam edir. Bu doğrudur, mənim indiki həyat şəraitim keçmişdə olan- ların nəticəsidir, amma o hələ də davam edir və onunla bağlı olduğuma görə bədbəxtəm. Öz həyat şəraitini bir müddət unut və öz həyatına diq- qət yetir. Bunların fərqi nədir? Həyat şəraitin zaman daxilində mövcuddur. Həyatını isə indi yaşayırsan. Sənin həyat şəraitin idrakın məhsuludur. Həyatın isə reallıqdır. “Həyata aparan dar giriş qapısını” tap. Onun adı in- diki andır. Öz həyatını bu anla məhdudlaşdır. Sənin hə- yat şəraitin digər həyat şəraitlərinin çoxu kimi problem- lərlə dolu ola bilər, ancaq bir şeyi dəqiqləşdir: sənin indi bu dəqiqə, bu an hər hansı problemin varmı? Sabah, on dəqiqə bundan sonra yox, məhz indi. Sənin məhz indi hansı problemin var? 90 Problemlərin aşıb-daşanda səndə yeni bir şey üçün yer olmur, onları həll etmək üçün səndə sadəcə sahə qal- mır. Ona görə də, imkanın olanda bir yer aç, bir boşluq yarat ki, həyat şəraitinin altındakı həyatı görə biləsən. Duyğularından tam şəkildə istifadə et. Olduğun yer- də ol. Ətrafına bax. Sadəcə bax, şərh etmə. İşığa, forma- lara, rənglərə, toxumalara tamaşa elə. Mövcud olan hər şeyin səssiz varlığını dərk et. Bütün bunların varlığına imkan verən boşluğu dərk et. Səsləri dinlə; onları müha- kimə etmə. Bu səslərin üzərində dayanan sakitliyi dinlə. Bir şeyə toxun, fərqi yoxdur nəyə, onun varlığını hiss et və onu qəbul,təsdiq et. Öz nəfəsinin ritmini dinlə; aldığın və verdiyin havanın hərəkətini hiss et, daxilindəki həyat enerjisini hiss et. Daxilindəki və ətrafındakı hər şeyin ol- masına icazə ver. Var olan hər şeyin “mövcudluğuna” razılığını ver. Sən əqli mücərrdəliyin zəif və ölməkdə olan dünyası- nın hüdudlarından, zaman aləmindən kənara çıxırsan. Sən bütün həyat gücünü soran, eyni şəkildə bütün Dün- yanı yavaş-yavaş zəhərləyib məhv edən xəstə və idarə- olunmaz idrakın buxovlarından xilas olursan. Sən zaman daxilindəki yuxudan oyanır və indiki ana daxil olursan. |