AZƏRBAYCAN DÖVLƏT PEDAQOJİ UNİVERSİTETİ
SƏRBƏST İŞ
Fənn : Bitki fiziologiyası
Müəllimin adı : dos. Yusifova Anaxanım
Tələbənin adı :
Fakültə : Biologiya
Qrup :
Kurs :
Bakı - 2012
Bitki hüceyrəsinin fiziologiyası
Bitki fiziologiyası bitki orqanizmlərinin, onların orqanlarının, toxumalarının, hüceyrələrinin və hüceyrə komponentlərinin funksiyasını, həmçinin bitkilərin həyat fəaliyyətinin bu və ya digər təzahürlərini öyrənir. Maddələr mübadiləsini təşkil edən çoxlu miqdarda və cürbəcür reaksiyalar, ümumiyyətlə, iki tip proseslərin – assimlyasiya və dissimilyasiyanın məcmusundan ibarətdir. Bu proseslərin sıx birliyi, materiyanın həyat adlandırılan hərəkət formasının əsasıdır. Digər tərəfdən, assimilyasiya və dissimilyasiya, orqanizm ilə mühit arasında fasiləsiz qarşılıqlı təsirin mövcud olmasını
da təmin edir. Bitki orqanizmi, bir-biriylə qarşılıqlı təsirdə olan orqanların və qarşılıqlı əlaqədə olan funksiyaların olduqca mürəkkəb sistemidir. Bitki orqanizmində olan xüsusiyyətlərin dərk edilməsi üçün hüceyrənin quruluşunun və funksiyasının öyrənilməsi xüsusi əhəmiyyətə malikdir. Orqanizmin quruluşunun hüceyrə nəzəriyyəsi, enerjinin saxlanması qanunu və təkamül nəzəriyyəsi ilə birlikdə biologiyada metofizikaya və idealizmə son qoydu (F.Engels). Elektron və fazatəzadlı mikroskopiyanın, ultranazik kəsiklər hazırlanması, həmçinin sentrifuqa metodunun bioloji tədqiqatlarda geniş tətbiqi,
hüceyrənin quruluşun elementlərinin və bu elementlərin hüceyrənin həyat fəaliyyətindəki rolunun daha ətraflı öyrənilməsinə imkan vermişdir. Hüceyrədə metabolik proseslərin tənzimlənməsində onun molekulyar ultraquruluşu və məkanca təşkilinin (kompartmentləşməsinin) də böyük əhəmiyyəti vardır.
Dostları ilə paylaş: | 
