Müasir Azərbaycan dilində terminoloji leksikanin inkişafi
Müasir Azərbaycan dilində terminoloji leksikanın inkişafı 7
vəzifələrindən hesab olunmalıdır. Lakin müstəqillik illərində
terminologiya ilə bağlı yazılan tədqiqat işlərində dialekt sözləri
hesabına elmi terminoloji və peşə-sənət leksikasının forma-
laşması, ümumişlək sözlərin mənasını saxlayaraq, yaxud
qismən, tam dəyişərək terminləşməsi prosesi araşdırılmamışdır.
Müasir dövrdə terminlərin Avropa dillərindən birbaşa alınma
prosesi üstünlük təşkil etdiyinə görə onların mənimsənilmə
üsulları da fərqlənir. Bütün bunlar terminologiyada vacib
məsələlərdən hesab olunur.
Monoqrafiyada Azərbaycan dili terminologiyasının müasir
vəziyyəti, istər milli, istərsə də alınma mənbələr əsasında bir
çox elmi sahələrdə formalaşan terminlər zəngin faktlarla
araşdırılmışdır. Monoqrafiyada müasir dövrdə terminolo-
giyanın inkişafında iki istiqamət - dilin daxili imkanları və
alınmalar əsas götürülmüşdür. Dialekt sözləri və ümumişlək
sözlər hesabına yaranan terminlər dilin daxili imkanları he-
sabına terminoloji leksikanın inkişafında əsas mənbə hesab
edilmişdir. Bununla yanaşı, monoqrafiyada dialekt sözləri
hesabına elmi terminoloji və peşə-sənət leksikasının inkişafı
müxtəlif sahələr üzrə zəngin faktlarla araşdırılmışdır. Ümu-
mişlək sözlər hesabına terminoloji leksikanın inkişafı isə
ümumişlək semantika əsasında, sözlərin ümumişlək mənasını
qismən və tam itirərək terminləşməsi prosesi qrup-
laşdırılmışdır. Eyni zamanda monoqrafiyada elmi texniki
tərəqqinin müasir dövrdə terminoloji leksikanın inkişafına
təsiri, alınma terminlərin mənimsənilmə formaları, tərcümə
vasitəsi ilə terminoloji leksikanın inkişafı elmi sahələr üzrə
sistemli şəkildə tədqiq olunmuşdur.
