Azərbaycan Respublikası Mədəniyyət və Turizm Nazirliyi
Yüklə 13,5 Mb. Pdf görüntüsü
|
- Bu səhifədəki naviqasiya:
- İnternetdə: www.az.wikipedia.orq
- Kitabları
- 22 Mart - Yazıçı Cahanbaxışın anadan olmasının 115 illiyi, (1902-1972)
- 22 Mart - Xalq yazıçısı İsmayıl Şıxlının anadan olmasının 95 illiyi, (1922-1996)
- Ədəbiyyat: Əhmədov Teymur - “Azərbaycan yazıçıları (XX-XXI yüzillikdə)” Ensiklopedik məlumat kitabı, Bakı, 2011.
- 24 Mart - Yazıçı Məmməd Səid Ordubadinin anadan olmasının 145 illiyi, (1872-1950)
- Ədəbiyyat: Əhmədov Teymur - “Azərbaycan yazıçıları (XX-XXI yüzillikdə)” Ensiklopedik məlumat kitabı, Bakı, 2011. İnternetdə
- Şeirlərinə yazılmış mahnılar
- Xarici ədəbiyyat 11 Mart - İngilis yazıçısı Duqlas Adamsın anadan olmasının 65 illiyi, (1952-2001)
|
Kitabları: ―Sahildə‖ (1958), ―Adanın sirri‖ (1959), ―Dənizin övladları‖ (1963), ―Buz qala‖ (1965), ―Könlümün səsi‖ (1967), ―Üç dəniz arxasında‖ (1970),‖Bir yarpağam‖ (1974), ―Elə arxalan‖ (1978), ―Əbədilik‖ (1979), ―Odlar yurdum‖ (1981), ―Nur körpüsü‖ (1985), ―Dünya arxayındır etibarıma‖ (1990) və s. İnternetdə: www.az.wikipedia.orq
91
(1897-1938)
Böyükağa Mirqasım oğlu Talıblı Masallı rayonunun Qoduman kəndində anadan olmuşdur. Bakı Realni Məktəbində təhsil almışdır (1909-1915). Petroqrad Vilayət Komissarlığında müsəlman işləri üzrə təbliğat və təşviqat şöbəsinin müdiri, bir il sonra orada azərbaycanca buraxılan ―Hürriyyət‖ qəzeti redaksiyasının əməkdaşı olmuş, Xalq Komissarlığında milli işlər üzrə müsəlman şöbəsinə müdir təyin edilmişdir. Krım cəbhəsində əksinqilabi qüvvələrə qarşı vuruşmuş, eyni zamanda ―Melitopolskiye izvestiya‖ qəzeti redaksiyası ilə əməkdaşlıq etmişdir (1915-1920). 1920-ci ilin mayında Azərbaycana fəhlə-kəndli müfəttişliyi komissarının müavini vəzifəsinə göndərilmiş, sonra burada Xalq Təsərrüfatı Şurasının sədri olmuşdur. Azərbaycan xalq ədliyyə komissarı, Mərkəzi Statistika İdarəsinin rəisi, Sovet Quruluşu və Hüquq İnstitutunun direktoru, respublika prokuroru, Bakı Plan İdarəsinin sədr müavini vəzifələrində işləmişdir (1923-1932). ―Kommunist‖ qəzetinin ikinci rəsmi redaktoru olmuşdur. Böyükağa Talıblı 1938-ci ildə həlak olmuşdur.
əsərləri‖ (1938) kitablarının müəllifi olmuşdur. Ədəbiyyat: Əhmədov Teymur -“Azərbaycan yazıçıları (XX-XXI yüzillikdə)” Ensiklopedik məlumat kitabı, Bakı, 2011.
92
Cavadzadə Cahanbaxış Salman oğlu Gəncə şəhərində, çəkməçi ailəsində anadan olmuşdur. 7 yaşından mollaxanada ibtidai təhsil almış, 1911-1913-cü illərdə ikisinifli rus-tatar məktəbində oxumuşdur. 1914-cü ildə Gəncə Ruhani Seminariyasına daxil olmuşdur. 1919-cu ildə üçaylıq pedoqoji kursda təhsil alıb ibtidai məktəbin təcrübəçi müəllimi olmuşdur. İlk mətbu nəsr əsəri olan ―Yaxşı həyat‖ ―Qızıl Gəncə‖ jurnalında dərc olunmuşdur. Azərbaycanda Sovet hakimiyyəti qurulduqdan sonra Vrangelə qarşı cəbhəyə göndərilmişdir. Sonra Azərbaycan atıcı polkunda müəllim olmuşdur. Azərbaycan diviziyası ilə Cənubi Azərbaycanın şimal əyalətlərinə, Gilana- Kiçik xanın yaratdığı respublikaya göndərilmişdir. 1921-ci ilin iyul ayınadək İranda qalmışdır. 1921-ci ilin avqustunda tərxis olunub Gəncəyə göndərilmişdir. Elə o vaxtdan Çoban Abdallı kənd ibtidai məktəbinə müəllim və müdir təyin edilmişdir (1921-1925). Sonra Gəncədə müxtəlif məktəb və texnikumlarda işləmişdir (1925-1929). 1929-cu ildə Moskva Dövlət Pedoqoji İnstitutuna daxil olmuş, oranı müvəffəqiyyətlə bitirmişdir. 1933-1943-cü illərdə Bakıda yaşamışdır. Baş Mətbuat İdarəsində redaktor, sonra ―Azərnəşr‖də tərcüməçi redaktor, müharibə dövründə isə Azərbaycan Radio Komitəsinin Cənubi Azərbaycan şöbəsində redaktor, həm də M.F.Axundov adına Pedoqoji İnstitutunda müəllim olmuşdur. H. Zərdabi adına Gəncə Dövlət Pedoqoji İnstitutunda Qərbi Avropa ədəbiyyatı tarixindən mühazirələr oxumuşdur. Eyni zamanda (1943-1950) Tbilisidə ―Zarya Vostoka‖ qəzeti redaksiyasında tərcüməçi işləmiş, oçerk və hekayələr, tənqidi məqalələr yazmış, Avropa, rus yazıçılarından vaxtaşırı tərcümələr etmiş, M.Şoloxovun ―Əsərləri‖nin 6 cildini Azərbaycan dilinə çevirmişdir. Səməd Vurğunun gənclik illərindən bəhs edən ―Ömrün pərişan günləri‖ romanı ―Azərbaycan‖ jurnalının 1997-ci il 11-12-ci saylarinda dərc olunmuşdur. 1946-cı ildən birpərdəli komediyalar qələmə almışdır. Xidmətlərinə görə medalla təltif edilmişdir. 1972-ci il fevralın 6-da Gəncədə vəfat etmişdir. Kitabları: ―Qonşular‖ (1937), ―Xanəndə, eşşək və oynağan dəvə‖ (1938), ―İntiqam‖ (1939), ―Hekayələr‖ (1974) və s. Ədəbiyyat: Əhmədov Teymur -“Azərbaycan yazıçıları (XX-XXI yüzillikdə)” Ensiklopedik məlumat kitabı, Bakı, 2011.
93
(1922-1996)
Şıxlınski İsmayıl Qəhrəman oğlu (İsmayıl Şıxlı) Qazaxın İkinci Şıxlı kəndində, müəllim ailəsində anadan olmuşdur. Kosalar kəndində ibtidai məktəbi bitirib, Qazax Pedaqoji Məktəbində təhsil almışdır (1933-1936). Sonra Azərbaycan Pedaqoji İnstitutunun dil və ədəbiyyat fakültəsində təhsilini davam etdirmişdir. (1937-1941). Azərbaycan Pedaqoji İnstitunun filologiya fakültəsində aspirant (1946-1949), müəllim, baş müəllim olmuş, xarici ölkələr
ədəbiyyatı kafedrasının müdiri, bir
müddət Azərbaycan Yazıçılar İttifaqının katibi (1965- 1968)
kimi çalışmısdır. ―Azərbaycan‖ jurnalında baş redaktor (1976- 1978), Azərbaycan Yazıçılar İttifaqının birinci katibi (1981-1987), SSRİ Yazıçılar İttifaqının katibi (1981-1987) olmuşdur. Azərbaycan Yazıçılar Birliyinin Ağsaqqallar Şurasının sədri seçilmişdir (1991). İlk mətbu əsəri ―Quşlar‖ şeiri 1938-ci ildə ―Ədəbiyyat‖ qəzetində dərc olunmuşdur. Ədəbi yaradıcılığa 1947-ci ildə ―İnqilab və mədəniyyət‖ jurnalında çap etdirdiyi ―Həkimin nağılı‖ hekayəsi ilə başlamışdır. Bundan sonra dövri mətbuatda müntəzəm çıxış etmişdir. Əsərləri keçmiş SSRİ və xarici ölkə xalqlarının dillərinə tərcümə olunmuşdur. Xidmətlərinə görə ―Qızıl Ulduz‖ (1945), ―Şərəf nişanı‖ (1971), ―Qırmızı əmək bayrağı‖ (1979), II dərəcəli ―Böyük Vətən Müharibəsi‖ (1985) ordenləri və medallarla təltif edilmişdir. Azərbaycan SSR Ali Sovetinin Fəxri Fərmanına (1973) və ―Şöhrət‖ ordeninə layiq görülmüşdür (04.07.1994). İsmayıl Şıxlı gözəl nasir olmaqla yanaşı, ədəbiyyatşünas, publisist, yazıçı, ssenarist idi. O, Azərbaycan Komsomolu Mükafatı laureatı (1976), filologiya elmləri namizədi (1954), Azərbaycanın Xalq yazıçısı (1984), Azərbaycan Respublikası Ali Sovetinin deputatı (1986, 1990), M.F.Axundov adına ədəbi mükafat laureatı (1991) olmuşdur. İsmayıl Şıxlı 1995-ci il iyulun 26-da Bakıda vəfat etmiş, Fəxri Xiyabanda dəfn olunmuşdur.
(1951), ―Daşkəsən‖(1953), ―Ayrılan yollar‖ (1957), ―XVIII əsr xarici ədəbiyyat tarixi‖ (1970), ―XX əsr xarici ədəbiyyat tarixi‖ (1974), ―Mənim rəqibim‖ (1975), ―Xatirəyə dönmüş illər‖ (1980), ―Dəli Kür‖ (1983), ―Məni itirməyin‖ (1984), ―Cəbhə yolları‖ (1985), ―Seçilmiş əsərləri (I-II cild)‖ (1986), ―Daim axtarışda‖ (1988), ―Namərd gülləsi‖ (1991), ―Ölüləri qəbiristanda basdırın‖ (1992), ―Ölən dünyam‖ (1995) və s.
94
22 Mart - Yazıçı Fəthi Xoşginabinin anadan olmasının 95 illiyi, (1922-1989) Fəthi
Həmzə Əli Təbriz şəhərinin 100 kilometrliyində olan Xoşginab kəndində doğulmuşdur. İbtidai təhsilini burada almış, 15 yaşından İranın şəhərlərində fəhləlik etmişdir. Təbriz partiya şəhər komitəsində təbliğat komissiyasının sədri kimi ―21 Azər‖ inqilabında fəal iştirak etmişdir. Cənubi Azərbaycanda Milli hökumət qurulllduqdan sonra, ADR MK-nın orqanı ‖Azərbaycan‖ qəzetinin məsul redaktoru işləmişdir. 1946- cı il dekabrın 12-dən siyasi mühacir kimi Sovet İttifaqında yaşamışdır. Burada ―Azərbaycan‖qəzeti redaksiyasında ədəbi işçi, məsul redaktor işləmiş (1947-1956), Moskvada, ali ədəbiyyat kurslarında təhsil almışdır (1956- 1958). Ədəbi fəaliyyətə gənc yaşlarında farsca yazdığı şeir və hekayələrlə başlamışdır. 6-cı sinifdə ikən ―Şaxtada qalmış bir qadın‖ adlı mənzum hekayəsinə görə Azərbaycan Maarif İdarəsi tərəfindən mükafatlandırılmışdır. İlk mətbu şeiri olan ―Mən kəndliyəm‖ 1943 - cü ildə Tehranda dərc olunmuşdur. Onun doğma Azərbaycan dilində yazıb-yaratmaq imkanı isə 1945- ci ildən sonra yaranmışdır. Bu vaxtdan siyasi felyeton və məqalələri, eləcə ə ―Zeynəb‖, ―Mehri‖, ―Züleyxa‖, ―İbrahim‖, ―Usta Ələkbər‖ və s. hekayələri, ―Suvarılmış poladlar‖, ―Eşq və müharibə‖ povestləri Təbrizdə çap olunmuşdur. Mühacirət dövrü Bakıda Azərbaycan Demokrat Yazıçıları Cəmiyyətinin sədri olmuşdur. İran inqilabından dərhal sonra Təbrizdə Azərbaycan şairlər və yazıçılar cəmiyyətini yaratmış, onun sədri seçilmişdir (1979-1980). Bu cəmiyyətin orqanı ―Ülkər‖ jurnalını təsis etmişdir. Tərcüməçi kimi də fəaliyyət göstərmiş, rus, belorus və digər xalqların ədəbiyyatından nümunələri fars dilinə çevirmişdir. Hekayə, povest və romanları rus, fars, tacik, bolqar, gürcü dillərinə tərcümə olunmuşdur. İnqilabi fəaliyyətinə görə ―21 Azər‖ medalı ilə təltif edilmişdir. Fəthi Xoşginabi 1989-cu ildə Moskvada vəfat etmiş, Bakıda dəfn olunmuşdur. Kitabları: ―İki dost‖ (1951), ―Son bayraqdar‖ (1956), ―Hekayələr‖ (1956), ―Məhəbbət və nifrət‖ (1965), ―Ata, iki qardaş‖ (1983), ―Ata‖ (1959) və s. Ədəbiyyat: Əhmədov Teymur -“Azərbaycan yazıçıları (XX-XXI yüzillikdə)” Ensiklopedik məlumat kitabı, Bakı, 2011.
95
(1872-1950) Məmməd Hacı Ağa oğlu Səid Ordubadi Ordubad şəhərində anadan olmuşdur. Ordubadi ilk təhsilini atasından almışdır. Atasının ölümündən sonra onun əsas müəllimi Məmməd Tağı Sidqi olmuşdur. O, Sidqinin ―Əxtər‖ adlı dördsinifli məktəbində təhsil almışdır. Ordubadinin mətbuatda ilk şeiri 1903-cü ildə dərc olunmuşdur. İlk kitabı ―Qəflət‖ 1906-cı ildə Tiflisdəki ―Qeyrət‖ mətbəəsində çap edilmişdir. İkinci kitabı ―Vətən və hürriyyət‖ 1907-ci ildə çıxmışdır. O, Bakıda nəşr olunan qəzet və jurnallara, Tiflisdə çıxan ―Molla Nəsrəddin‖ jurnalına yazılar göndərir, ―İrşad‖, ―Tərəqqi‖, ―Tazə həyat‖ və s. qəzetlərdə müxbir sifətilə müntəzəm əməkdaşlıq edirdi. M.S.Ordubadinin jurnalistik fəaliyyətində ―Molla Nəsrəddin‖ jurnalı ilə əməkdaşlığı xüsusi yer tutur. ―Hərdəmxəyal‖, ―Divanə‖, ―Qardaşım İbrahimə‖ və s. imzalarla jurnalda onlarla felyeton çap etdirmişdir. 1908-ci ildə ―İki cocuğun Avropaya səyahəti‖ Ordubadinin birinci romanı idi. M.S.Ordubadinin 20-ci illərdəki yaradıcılığı olduqca zəngin və ədəbi növlərin rəngarəngliyi ilə seçilən məhsuldar bir dövrdür. Oxucular onun ―Analıq‖, ―Mənim şeirlərim‖, ―Mollanın yuxusu‖, ―Kənd alverçisi‖, ―Köhnə adamlar‖ kimi poeziya məcmuələri ilə tanış olublar. Ordubadi Azərbaycan dilində çıxan mətbuat orqanlarının, demək olar ki, hamısında fəal əməkdaşlıq edib: ―Əxbar‖, ―Kommunist‖ qəzetlərində, ―Füqəra füyuzatı‖ və ―Molla Nəsrəddin‖ jurnallarının redaktor müavini, ―Yeni yol‖ qəzetində redaktor vəzifəsində çalışıb. Milli səhnə sənətinin inkişafı üçün yorulmadan çalışan Ordubadi Azərbaycan teatrında hazırlanan ilk dram əsərlərinin müəlliflərindən biri olub. Onun ―Dinçilər‖, ―Sabotajçılar‖, ―Cəmiyyət-əqvami‖, ―Oktyabr inqilabı‖, ―Sədəf‖ və digər pyesləri Bakı teatrlarının səhnələrində müvəffəqiyyətlə tamaşaya qoyulub. ―Dumanlı Təbriz‖ ilə ədəbiyyatımızda novator romançı kimi seçilən M.S.Ordubadi ―Gizli Bakı‖ romanı ilə daha da bir yeni mühüm addım atmış olub. ―Qılınc və qələm‖ əsərini ədib 1939-1941-ci illərdə yazıb. Ədib uzun sürən ağır xəstəlikdən sonra 1950-ci il mayın 1-də vəfat edib.
―Dumanlı Təbriz‖ (1948), ―Qılınc və qələm‖ (1949), ―Gizli Bakı‖(1961), ―Döyüşən şəhər‖ (1969) və s.
96
25 Mart - Şair Almas İldırımın anadan olmasının 110 illiyi, (1907-1952) Almas İldırım (İldırım Almaszadə) Bakının Qala kəndində anadan olub. A.İldırımın bəy nəslinə mənsubluğu üçün Azərbaycanda sovet hakimiyyəti qurulduqdan sonra o, sovet totalitar rejiminin hədəfinə çevrilib. Əvvəlcə gənc Almas Azərbaycan Dövlət Universitetinin şərq ədəbiyyatı fakültəsindən xaric edilib. 1926-cı ildə şair Süleyman Rüstəm ilə birlikdə ―Dün bugün‖ adlı şeir məcmuəsi çap etdirib. 1928-də şeirlərində ifadə olunan
millətçi fikirlərə görə Dağıstana sürgün edilib. Sürgündə ―Dağlardan xatirələr‖, ―Ləzgi elləri‖, ―Krımda axşamlar‖, ―Səlimxan‖ və ―Günah kimdədir?‖ adlı şeirlərini yazıb. 1930-cu ildə Bakıya qayıdıb və ―Dağlar səslənərkən‖ şeirlər məcmuəsini nəşr etdirib. Lakin kitab senzuradan keçməyib və şairin Azərbaycan Yazıçılar Birliyindən qovulmasına səbəb olub. 1933-cü ilin iyun ayında o, yenicə evləndiyi Zivər xanımı və üç aylıq körpəsi Azəri də götürüb bir dəvə karvanına qoşulub və böyük məşəqqətlə İrana keçib. Almas İldırım İranda dərhal həbs olunub. 25 gün dustaqda qalıb. Nəhayət, azad edilib, Məşhəd şəhərinə göndərilib. Almas İldırım İranda qala bilməyib tezliklə Türkiyəyə gedib və 1934-cü ildə Almas İldırım Türkiyə vətəndaşlığına qəbul edilib. Almas İldırım Türkiyədə keçirdiyi on yeddi illik həyatında jurnal və məcmuələrdə, qəzetlərdə milli şeirlərini nəşr etdirib, milliyətçi və istiqlalçı bir şair kimi tanınıb. Yazdığı şeirlər ―Boğulmayan səs‖ adı altında çap olunub. Bundan başqa, ―Azərbaycan mahnıları‖ adlı kitabı da var. Almas İldırım 1952-ci ilin 14 yanvarında böyrək xəstəliyindən vəfat edib.
şerləriylə‖. Tərtib edəni və ön sözün müəllifi Hacı Hacıyev.(1990), ―Qara dastan‖ (1994) , ―Seçilmiş əsərləri‖ (2004) və s. Rusca: ―Азербайджан; До свидания, Баку!‖ (1993), ―Прощай Баку!; Азербайджан‖ (стихи) (1993), ―Что было? Не вернулся‖ (стихи), "Молодёжь Азербайджана", (1994) Ədəbiyyat: Əhmədov Teymur -“Azərbaycan yazıçıları (XX-XXI yüzillikdə)” Ensiklopedik məlumat kitabı, Bakı, 2011. İnternetdə: www.az.wikipedia.orq 97
30 Mart - Şair, həkim Paşa Qəlbinurun anadan olmasının 65 illiyi, (1952)
Paşa Qəlbinur Şəmkir rayonunun Çinarlı qəsəbəsində, qulluqçu ailəsində anadan olmuş, M.Müşfiq adına kənd orta məktəbini qızıl medalla bitirmişdir (1958-1968). N.Nərimanov adına Azərbaycan Dövlət Tibb İnstitutunun müalicə- profılaktika fakültəsində təhsilini davam etdirmiş, (1968-1975) institutun göz xəstəlikləri kafedrasında assistent, həm də ictimai peşələr fakültəsində dekan müavini işləmişdir (1981- 1988). Hazırda həmin kafedranın professoru (1988-ci ildən), həm də kafedranın müdiridir (1991-ci ildən). Tibb elminə dair yüzdən çox elmi əsərin, on elmi kəşfin müəllifidir. On mindən çox cərrahiyyə əməliyyatı aparmışdır. Brüsseldə (Belçika) 51-ci Ümumdünya İxtiralar Salonunda ―Brüssel Evrika 2002‖ sərgisində ―Oftalmologiyada yeni dərman preparatı Aktirol‖un kəşfı Böyük qızıl medala və Belçika Maliyyə Nazirliyinin xüsusi prizinə layiq görülmüşdür. Yeni dərman preparatı (şərikli – müəlliflər bacısı Sevinc və tələbəsi Olqa Stroyeva) onun rəhbərliyi altında hazırlanmışdır (2002). Azərbaycan Alimlər İttifaqı İdarə Heyətinin (1989), Amerika və Dünya Türk Cümhuriyyətləri Oftalmoloji Birliyinin İdarə Heyətinin üzvü (1997), Azərbaycan üzrə Nobel İnformasiya Mərkəzinin nəzdində fıziologiya bölməsinin ekspertidir (1996). ABŞ- ın Biblioqrafiya İnstitutunda keçirilən "2000 alim və intellektual" seçimində ―İlin adamı‖ mükafatına, Yusif Məmmədəliyev adına mükafata (1999), "İman" izzət və iltifat diplomuna (2000) layiq görülmüşdür. ―Araz‖ ali ədəbi mükafatın laureatıdır (1996). Aybəniz Əliyeva ―Paşa Qəlbinur‖ (1996), A.Məmmədov ―Qəlbinur poeziyası XXI əsrin astanasında‖ (1999) kitabını ona həsr etmişdir. ―Paşa Qəlbinur – 50‖ biblioqrafiya məlumat kitabı buraxılmışdır. Ədəbi fəaliyyətə 1978-ci ildə "Ulduz" jurnalının 4-cü sayında çap etdirdiyi ―Xal‖, ―Ay gecəyə hicran sıxır‖, ―Mən ilhamı gözlərimlə görmüşəm‖ şeirləri ilə başlamışdır. ―Gözlər‖ adlı ilk şerini 13 yaşında ikən yazmışdır. Dövri mətbuatda vaxtaşırı çıxış edir. 1992-ci ildən Azərbaycan Yazıçılar Birliyinin üzvü, Ümumittifaq Komsomol Mükafatı laureatı (1983), tibb elmləri doktoru (1987), professor (1988), Amerika Oftalmologiya Akademiyasının həqiqi üzvü (1994), Rusiya Tibb Elmləri Akademiyasının fəxri doktoru (2005), Dünya Türk Cümhuriyyətləri Oftalmoloji Blrliyinin, Dünya Azərbaycanlıları Konqresinin həmsədridir (2008).
yaşları‖ (1990), ―Ağlıma gələnlər başıma gəldi‖ (2003) və s. Şeirlərinə yazılmış mahnılar: ―Anam elçi gedən gün‖, ― Bənzərsizim‖ və s. İnternetdə: www.az.wikipedia.orq
98
30 Mart - Tərcüməçi Reyhan Salamovanın anadan olmasının 90 illiyi, (1927-1998) )
Reyhan Ələkbər qızı Salamova Azərbaycanın Zaqatala şəhərində, sənətkar ailəsində anadan olmuşdur. 1928-ci ildə ailəliklə Bakıya köçmüşlər. Burada 132 saylı orta məktəbin yeddinci sinfini bitirib, əczaçılıq texnikumunda təhsil almışdır (1943-1947). ADU-nun filologiya fakültəsinin jurnalistika şöbəsini bitirdikdən sonra əmək fəaliyyətinə ―Azərnəşr‖də redaktor kimi başlamışdır (1953-1956). ―Uşaqgəncnəşr‖də korrektor, kiçik redaktor, redaktor (1957-1962), ―Azərnəşr‖də redaktor (1962-1966), ―Gənclik‖ nəşriyyatında redaktor, böyük redaktor (1967- 1988) olmuşdur. İlk tərcüməsi ruscadan ―Cırcırama və qarışqa‖ hekayələr toplusudur. Azərbaycan Jurnalistlər İttifaqının nəşriyyat üzrə müvəkkili (1972- 1988) olmuşdur. Reyhan Salamova 1998-ci il martın 24- də dünyasını dəyişmişdir.
(1959), L.Larionova.‖Bizi kim oyadır‖ (1960), V.Bianki ―Qara şahin‖ (1961), N.Nosov ―Hekayələr‖ (1967), Y.Permyak ―Nazik sim‖ (1977), V.Kava ―Sükutun ətri‖ (1981), ―Dünya uşaq ədəbiyyatı kitabxanası‖ (1988) və s.
99
Xarici ədəbiyyat 11 Mart - İngilis yazıçısı Duqlas Adamsın anadan olmasının 65 illiyi, (1952-2001) İngilis yazıçısı, dramaturqu və ssenaristi, yumoristik fantastik əsərlər müəllifi Duqlas Adams Böyük Britaniyanın Kembric şəhərində anadan olub. İngilis ədəbiyyatı üzrə bakalavr və magistr dərəcələrini alan Adams 1978-ci ilin martında BBC radiosunda dördseriyalı ―Avtostoplarda səyahət edənlər üçün qalaktika bələdçisi‖ yayına çıxıb və çoxlu mükafat qazanıb. Bir qədər sonra yazıçı eyniadlı kitabını çap etdirib. Bu kitab çox böyük uğur qazanır və 1984-cü ildə ingilis bestsellerlərinin siyahısında ilk yeri tutub. Duqlas Adams Golden Pen mükafatını (mükafat 1000000 nüsxə kitabın satışına görə verilir) almış ən gənc yazıçı olub. Daha sonra yazıçı bu kittabın davamı olan ―Kainatın qurtaracağındakı restoran‖ (1980), ―Həyat, Kainat və digər hər şey‖ (1982) kitablarını yazıb. D.Adams həm də bir çox məşhur serialların ssenarisinin müəllifidir. Duqlas Adams həm də ətraf mühit və yoxolma təhlükəsi qarşısında qalan növlərin müdafiəsi hərəkatının fəal üzvü olub. Yazıçı 2001-ci il mayın 11-də, 49 yaşında ürək tutmasından vəfat edib.
Yüklə 13,5 Mb. Dostları ilə paylaş:
|