Azərbaycan Respublikası Mədəniyyət və Turizm Nazirliyi
Yüklə 13,5 Mb. Pdf görüntüsü
|
|
Kitabları: ‖Azərbaycanın maarifpərvər qadınları‖(1960), ―Canlı xatirələr‖ (1960), ―18 ay düşmən arxasında‖ (1965), ―Üç qız, üç tale‖ (1970), ―Nurlu ömürlərin dastanı‖ (1975), ―İşıqlı ömürlər, kövrək talelər‖ (1991), ―Hər sətirdə bir tarix‖ (1994), ―‖Qadın, gözəllik və ülviyyət‖ (2001) və s.
244
24 İyul - Fransız yazıçısı Aleksandr Dümanın anadan olmasının 215 illiyi , (1802-1870) Fransız yazıçısı, dünyada ən çox oxunan və başqa dillərə tərcümə olunan Aleksandr Düma çox məhsuldar yazıçı olmuş, müxtəlif janrlarda yazmışdır. Onun əsərləri 100-dən çox dilə tərcümə olunmuşdur. O, yazıçılıq karyerasına pyeslər yazmaqla başlamışdır. Dümanın əsərləri 100.000 səhifədən çoxdur. Onun ən məşhur romanları – ―Qraf Monte-Kristo‖ və ―Üç muşketyor‖ yazıçıya böyük şöhrət qazandırmışdır. Onun oğlu da yazıçı olduğu üçün adına ―Ata‖ sözü də əlavə olunur ki, səhv salınmasın. Aleksandr Düma 1802-ci ildə general Tom Aleksandr Dümanın ailəsində anadan olmuşdur. Gənc yaşlarından dramaturq olmağa qərar verir. Onun yazdığı ―III Henrix və onun sarayı‖ dramı 1829-cu ildə tamaşaya qoyulur və uğur qazanır. Onun ―Antoni‖ pyesi də 1831-ci ildə böyük uğurla tamaşaya qoyulur. 1851-ci ildə çevriliş zamanı Belçikaya qaçır və burada özünün ―Memuarlar‖ını qələmə alır. 1858-1859-cu illərdə Rusiyaya səfəri çərçivəsində Qafqazda da olur. Parisə qayıdan Düma bu səfərdən aldığı təəssüratları öz həmvətənləri ilə bölüşmək arzusunda olur. Bu məqsədlə o, özünün mətbəəsini açır və artıq 1859-cu ilin aprelindən ―Qafqaz. Gündəlik nəşr olunan səyahətlər və romanlar qəzeti‖nin nəşrinə başlayır. Həmin il ―Qafqaz‖ Parisdə ayrıca kitab kimi də çapdan çıxır. Səyahət haqında təəssüratlar 1859-cu ildə Parisdə, 1861-ci ildə Tiflisdə rus dilində, 1862-ci ildə isə Nyu-Yorkda ingilis dilində çapdan çıxır. Yazıçı ən məşhur romanları olan ―Qraf Monte Kristo‖ (1844-1845), ―Üç muşketyor‖ (1844), ―İyirmi ildən sonra‖ (1845), ―Kraliça Marqo‖ (1845), ―Qrafinya de Monsoro‖ (1846) və s. əsərləri dəfələrlə ekranlaşdırılmışdır. Aleksandr Düma 5 dekabr 1870-ci ildə vəfat etmişdir.
(1846), "Kraliça Marqo" (1845), "Qara zanbaq" (1850), "Qafqaz səfəri: Bakı" və s. İnternetdə: www.az.wikipedia.orq 245
26 İyul - Amerika yazıçı Pol Uilyam Qellikonun anadan olmasının 120 illiyi, (1897-1976)
Amerika yazıçı Pol Uilyam Qelliko Nyu-Yorkda, Avstriyadan Amerikaya mühacirət etçiş italyan ailəsində anadan olmuşdur. Gələcək yazıçının pianoçu olan atası oğlunu musiqiçi kimi görmək istəyir, lakin gənc Pol həkim olmağı qərara alır. Bütün planların əksinə olaraq, o, 1921-ci ildə Kolumbiya Universitetini incəsənət bakalavrı ixtisası üzrə bitirir. Sonralar özünün yazdığı kimi o, uşaqlıqdan yazıçı olmağı arzulayırdı. Lakin gənc yazıçının inadla müxtəlif jurnalların redaksiyalarına göndərdiyi hekayələri isə geri qayıdırdı. Müxtəlif peşələri sınaqdan keçirən Pol Qelliko 1936-cı ildə Avropaya köçür və özünü yazıçılığa həsr edir. 40-cı illərdə o, şöhrətlənir, bu məşhurluğa isə nəşr etdirdiyi ―Qar qazı‖ kitabı səbəb olur. Bundan sonra onun bütün kitabları bestsellerə çevrilir. Bu əsərlərdən ən məşhurları – ―Cenni‖, ―Yeddi gəlinciyə məhəbbət‖, ―Tomasina‖, ―Missis Harris üçün güllər‖, ―Missis Harris Nyu-Yorka gedir‖ və s.-dir. P.Qelliko heyvansevər olmuş, xüsusən pişikləri çox sevmişdir. Onun evində 23 pişik yaşayırdı. ―Cenni‖ və ―Tomasina‖ adlı maraqlı nağılların yaranmasına da məhz bu heyvanlar səbəb olmuşlar. Yazıçının əsərlərinin əksəriyyəti ekranlaşdırılmışdır.
www.az.wikipedia.orq 246
18 İyul - Xalq rəssamı, heykəltəraş Tokay Məmmədovun anadan olmasının 90 illiyi , (1927)
Tokay Həbib oğlu Məmmədov Bakıda anadan olmuşdur. Atası Həbib Qurban oğlu Məmmədov texniki elmlər doktoru, anası Zivər xanım isə Azərbaycanın ilk qadın heykəltəraşı olub. İlk təhsilini anasından alıb. 1942-ci ildə yeddinci sinfi bitirdikdən sonra Tokay Bakı Rəssamlıq Məktəbinə imtahan verir. O zaman Bakı Rəssamlıq Məktəbinin nəzdində heykəltəraşlıq şöbəsi yenicə təşkil edilmişdi. 1945-ci ildə Tokay Məmmədov Əzim Əzimzadə adına Bakı Rəssamlıq Məktəbinin üçüncü kursunu bitirərək Leninqrad şəhərinə gedir və İ.E.Repin adına Rəssamlıq Akademiyasının heykəltəraşlıq fakültəsinə qəbul olunur. Ali təhsil aldığı dövrdə, yəni 1947-ci ildə Azərbaycanın xalçaçı rəssamı Lətif Kərimovun portret büstünü hazırlayır. T. Məmmədov 1948-ci ildə Moskvada təşkil edilmiş sərgidə rus şərqşünaslığının banisi, görkəmli Azərbaycan alimi Mirzə Kazımbəyin portretini nümayiş etdirir. O, 1953-cü ildə ilk dəfə ağacdan Azərbaycanın dahi şairi Nizami Gəncəvinin təsvirini yonub. Bu qəbilədən onun "Səməd Vurğun", "Xalq rəssamı Qəzənfər Xalıqov", dövlət xadimi, həkim və yazıçı "Nəriman Nərimanov", uzunömürlü azərbaycanlı "Şirəli Müslümov" və başqa portretlərini qeyd etmək olar. Onun Azərbaycanda opera yanrının əsasını qoymuş, musiqiçi alim "Üzeyir Hacıbəyov", ―Xalq rəssamı Rüstəm Mustafayev", qadın rəssamımız "Vəcihə Səmədova", ―yazıçı Süleyman Rəhimov", polyak bəstəkarı "F.Şopen" və Avstriya bəstəkarı "V.A.Motsart" kimi dahilərin büst - portretlərini qeyd etmək olar. 1960-ci ildə dahi bəstəkar Üzeyir Hacıbəyovun heykəlini Konservatoriya binası qarşısında qoyurlar. Heykəltəraş monumental sahədə həmçinin Azərbaycan şairi İmaməddin Nəsiminin abidəsini yaradıb. Tokay Məmmədov yaradıcılığının ilk günlərindən başlayaraq heykəltəraşlığın qabartma sahəsində bir çox insanın surətlərini canlandırıb. Bu qabartmalardan ən dəyərlisi Sovet İttifaqı Qəhrəmanı Mehdi Hüseynzadənin portretidir. T.Məmmədov xalq qəhrəmanı Koroğlunun obrazı üzərində on ildən çox işləyib. Tokay Məmmədov yaratdığı əsərlərə görə 1978-ci ildə SSRİ Dövlət Mükafatı, 1982-ci ildə isə Azərbaycan Dövlət Mükafatına layiq görülüb. O, həmçinin "Şərəf nişanı", "Xalqlar dostluğu", "Şöhrət" ordenləri ilə təltif olunub. İnternetdə: www.az.wikipedia.orq 247
2 İyul - Azərbaycanin Milli Qəhrəmanı Qəmbərov Ramiz Bulud oğlunun anadan olmasının 55 illiyi, (1962-1992)
Ramiz Qəmbərov Şuşa
şəhərində anadan
olmuşdur. 1979-cu ildə H.Hacıyev adına Şuşa şəhər orta məktəbini bitirmişdir. 1980-ci ildə hərbi xidmətə çağırılmış, 1982-ci ildə ordudan tərxis olunaraq Şuşaya qayıtmışdır. 1986-cı ildə Azərbaycan İnşaat Mühəndisləri İnstitutuna daxil olmuşdur. Amma təhsilini başa çatdıra bilməmişdir. Erməni təcavüzkarlarının başlatdığı Qarabağ müharibəsi minlərlə qeyrətli Azərbaycan oğulları kimi Ramizi də torpaqlarımızın müdafiəsinə qalxmağa məcbur etmişdir. Ramiz 1988-ci ildən xalq
hərəkatına qoşulmuşdur. O, 1992-ci ildə könüllü özünümüdafiə batalyonu yaratmış və bu batalyonun başçısı olmuşdur. Onun taboru Şuşa şəhərinin, Kərkicahan, Kosalar, Nəbilər, Qaybalı, Malıbəyli, Quşçular, Göytala kəndlərinin müdafiəsində mərdliklə vuruşmuşdur. 29 aprel 1992-ci ildə erməni işğalçıları Kosalar və Kərkicahan kəndləri yaxınlığındakı postlara hücum edən zaman Ramiz Qəmbərovun taboru döyüşə atılmış və bu döyüşdə cəsur komandir ağır yaralanmışdır. Bir gün sonra, 30 aprel 1992-ci ildə o, dünyasını dəyişmişdir. Ramiz Qəmbərov Şuşa şəhərində dəfn edilmişdir. Azərbaycan Respublikası Prezidentinin 7 iyun 1992-ci il tarixli 833 saylı fərmanı ilə Qəmbərov Ramiz Bulud oğlu ölümündən sonra Azərbaycanın Milli Qəhrəmanı adına layiq görülmüşdür. Bakı şəhərindəki küçələrdən biri onun adını daşıyır. Ramiz Qəmbərov haqqında rejissor Kəmalə Musazadənin quruluşunda ―Şuşalı şəhid‖ adlı film çəkilib.
Şəhidlərin al qanından, Lalə açmış yollar ilə, İstiqlalın sabahına Qürurla get, Azərbaycan! Nəbi Xəzri İnternetdə: www.az.wikipedia.orq 248
55 illiyi, (1952-1994) Asif Yusif oğlu Məhərrəmov (Fred Asif) Ağdam şəhərində anadan olub. On bir uşağı olan bir ailənin ilki idi. Uşaqlıqdan boks və futbolla məşğul olub. 1969-cu ildə Ağdam şəhər 1 saylı orta məktəbi bitirib, Ağdam Dəzgahqayırma Zavodunda fəhlə kimi əmək fəaliyyətinə başlayıb. 1991-ci ilin 15 noyabrında ―Haqq Cəbhəsi‖ batalyonunu yaradıb. Qardaşları Ədalət, Səxavət, Bəhlul və Mahir də onun batalyonunda döyüşüblər. 1991-ci il 31 dekabr Xramort kəndinin azad edilməsində xüsusilə fərqlənib. Ağdamın Muradbəyli kəndi ərazisindəki hərbi hissəni müxtəlif siyasi qüvvələr dağıdıb, ordakı silah-sursatdan hakimiyyət uğrunda mübarizədə istifadə etmək istəyən zaman Fred Asif bunun qarşısını alıb. Sonra öz batalyonunu həmin hərbi hissənin ərazisində yerləşdirib və ordakı sursat yalnız Azərbaycanın müdafiəsi üçün istifadə olunub. Azərbaycan Respublikasının müdafiə naziri Dadaş Rzayevin sərəncamı ilə Asifə polkovnik-leytenant hərbi rütbəsi verilib. Asifin hərbi təhsili olmamasına baxmayaraq, o, 859 saylı batalyonun ilk komandiri olub. 1992-ci il fevralın 25-dən 26-na keçən gecə Xocalı əhalisini xilas etmək üçün Ağdam-Əsgəran istiqamətində dəhlizin açılmasında batalyonu ilə iştirak edib. Həmin ilin mart ayının 20-də Füzuli şəhərini öz batalyonunun köməyi ilə düşməndən qoruyub. 1993-cü ilin 27 oktyabrında Asif Şelli uğrunda gedən döyüşdə iştirak edib, onun səhhəti vərəmə görə ağırlaşıb, hərbi hissəni təhvil verərək və müalicəyə gedib. Lakin 1 iyul 1994- cü ildə vərəmdən vəfat edib. Bakıda II Şəhidlər xiyabanında dəfn edilib. Azərbaycan Respublikası Prezidentinin 7 dekabr 1992-ci il tarixli 350 nömrəli Fərmanı ilə Məhərrəmov Asif Yusif oğlu Azərbaycanın Milli Qəhrəmanı adına layiq görülüb. Bakıdakı küçələrdən biri onun adını daşıyır. 2007-ci ildə X siniflər üçün nəşr edilən ―İbtidai hərbi hazırlıq‖ dərslikliyinə ilk dəfə olaraq Fred Asif haqqında məlumat daxil edilib. 2008-ci ildən Fred Asif adına İnkişaf Fondu fəaliyyət göstərir. Yandır haqqın məşəlini, aləm nura dönsün, Çıxsın yağı düşmən önünə, ərlər öyünsün, Üçrəngli bayrağı qaldır, dünyada görünsün. Çal cəngini, olsun yağının bağrı qızıl qan, Azərbaycan, türkün Vətəni, can sənə qurban. Ələkbər Sadiq
249
olmasının 55 illiyi, (1962-1993)
Əliyev Nadir Alış oğlu Ağdam rayonunun Əliağalı kəndində doğulub. 1977-1981-ci illərdə Bakı Politexnik Texnikumunda təhsil alıb. 1991-ci ildə DTK-nın F.E.Dzerjinski adına Ali Məktəbini, 1993-cü ildə isə Bakı Dövlət Universitetinin hüquq fakültəsini bitirib. 1991-ci ildən Mili Təhlükəsizlik Nazirliyində həqiqi hərbi xidmətdə olan N.Əliyev 1991- ci ilin sentyabr ayından dekabr ayınadək Azərbaycan DTK-nın (1991-ci ilin noyabr ayından MTN-nin) Mardakert (Ağdərə) rayon bölməsində, 1992-ci ildən isə Azərbaycan Respublikası Milli Təhlükəsizlik Nazirliyinin Qarabağ üzrə İdarəsinin Ağdərə Rayon Bölməsində baş əməliyyat müvəkkili işləyib. 1993-cü ilin yanvar ayında MTN-nin Ağdam Rayon Şöbəsinə baş əməliyyat müvəkkili təyin olunub. Ağdərə uğrunda döyüşlərin qızğın dövründə cəbhə bölgəsinə ezam edilməsi üçün könüllü surətdə rəhbərliyə raportla müraciət edib, MTN-nin xüsusi təyinatlı hərbi dəstəsinin tərkibində Ağdərə rayonunun Sırxavənd kəndində gedən döyüşlərdə rəşadət göstərib, Ağdam rayonunun Qiyaslı kəndi uğrunda gedən döyüşlərdə düşmənə əsir düşməmək üçün sonadək müqavimət göstərib və qəhrəmancasına həlak olub. Ailəli idi. İki övladı var. Bakı şəhərinin Şəhidlər xiyabanında dəfn edilib. Azərbaycan Respublikası Prezidentinin 9 oktyabr 1994-cü il tarixli 218 saylı Fərmanı ilə Əliyev Nadir Alış oğlu ölümündən sonra Azərbaycan Milli Qəhrəmanı adına layiq görülüb. Suraxanı rayonundakı 282 saylı orta məktəb qəhrəmanın adını daşıyır. Yaşadığı binanın önünə xatirə lövhəsi vurulub. Od ürəkli , od nəfəsli diyarımsan Ocağına canım qurban , Azərbaycan ! Əzilsən də , əyilməyən vüqarımsan Bu çağına canım qurban , Azərbaycan ! Savaşlardan alnıaçıq çıxan zaman Tarixlərə bağışladın neçə qurban. Hər qonşuda bir parçası əsir qalan Torpağına canım qurban , Azərbaycan ! Nəriman Həsənzadə
www.az.wikipedia.orq 250
AVQUST Əlamətdar tarixi günlər və bayramlar 1 Avqust - Azərbaycan Əlifbası və Azərbaycan Dili Günü, (2001) 3 Avqust - Ümumdünya Qarpız Günü 5 Avqust - Hərbi Donanma Günü, (1996) 5 Avqust - Beynəlxalq İşıqfor Günü, (1914) 8 Avqust - Beynəlxalq Alpinizm Günü, (1786) 12 Avqust - Beynəlxalq Gənclər Günü, (1999) 15 Avqust - ―Allo‖ sözünün ad Günü, (1877) 18 Avqust - Sərhəd Qoşunları Günü, (2002) 26 Avqust - Beynəlxalq Azərbaycan Muğamı Günü, (2010) Bu tarixi unutmayaq 23 Avqust - Cəbrayıl rayonunun işğalı günü, (1993) 23 Avqust - Füzuli rayonunun işğalı günü, (1993) 31 Avqust - Qubadlı rayonunun işğalı günü, (1993) Yubilyar yazıçı və şairlər Şair Rüfət Zəbioğlunun 85 illiyi, (06.08.1932 - 20.07.1983) Şair Hafiz Əlinin 80 illiyi, (08.08.1937) Tərcüməçi Beydulla Musayevin 110 illiyi, (10.08.1907 - 23.06.1979) Şair Vilayət Rüstəmzadənin 80 illiyi, (12.08.1937 - 26.02.2001) Xalq şairi Mirvarid Dilbazinin 105 illiyi, (19.08.1912 - 12.07.2001) Yazıçı İslam Ağayevin 85 illiyi, (20.08.1932 - 27.01.2014) Şair Davud Nəsibin 75 illiyi, (25.08.1942 - 26.03.2003) Ədəbiyyatşünas, publisist Qəzənfər Paşayevin 80 illiyi, (27.08.1937) Şair İsgəndər Coşğunun 90 illiyi, (1927 - 10.12.1996) Xarici ədəbiyyat Belçika yazıçısı Moris Meterlinkin 155 illiyi, (29.08.1862-06.05.1949) İncəsənət Xalq artisti, müğənni Müslüm Maqomayevin 75 illiyi, (17.08.1942-25.10.2008) Xalq artisti, dirijor Niyazinin 105 illiyi, (20.08.1912-02.08.1984)
Əliyev Ehtiram İsrayıl oğlunun 45 illiyi, (01.08.1972) Nəcəfov Yunis İsa oğlunun 50 illiyi, (31.08.1967)
251
1 Avqust - Azərbaycan Əlifbası və Azərbaycan Dili Günü, (2001) “Dil hər bir xalqın mənəvi sərvəti, qürur yeridir.Tarixin sınağından çıxıb cilalana-cilalana bu günümüzədək gəlib çatan Azərbaycan dili də bizim hər birimiz üçün ana laylası kimi əziz və müqəddəsdir. Öz ana dilini bilməyən adamlar şikəst adamlardır...” Ümummilli lider Heydər Əliyev Ulu əcdadlarımız olan albanların 52 hərfdən ibarət əlifbası vardı. Ölkəmizdə İslam dininin yayılması ilə əlaqədar ərəb əlifbasından geniş istifadə olunmuş, yüz illər boyu ərəb dili din, elm və təhsil dili rolunu oynamışdır. Lakin əsrlərlə müxtəlif xalqların mədəni əlaqələrinə xidmət etmiş ərəb qrafikası dilimizin səs sistemini dolğunluğu ilə əks etdirə bilmir, onun quruluşu və xarakteri haqqında tam aydın təsəvvür yaratmırdı. Bu çatışmazlıqlar M. F. Axundzadə başda olmaqla, dövrün mütərəqqi maarifçi ziyalılarında əlifba islahatı keçirmək ideyaları yaratmışdı. Lakin o vaxt bu ideyanı həyata keçirmək mümkün olmamışdı.1922-ci ildə Azərbaycan hökumətinin qərarı ilə Yeni Əlifba Komitəsi yaradıldı. Bu komitəyə Azərbaycan (türk) dili üçün latın qrafikalı əlifba tərtib etmək tapşırığı verildi. Bu, yeni əlifbaya keçilməsi yolunda atılmış ilk ciddi addım oldu. 1923-cü ildən etibarən latın qrafikalı əlifbaya keçmə prosesi sürətləndirildi. 1926-cı ildə keçirilmiş Birinci Ümumittifaq Türkoloji Qurultayın tövsiyəsinə əsasən, 1929-cu il yanvarın 1-dən etibarən Azərbaycanda kütləvi şəkildə latın qrafikalı əlifba tətbiq edildi. Lakin Türkiyə Cümhuriyyətində də latın qrafikalı əlifbaya keçilməsi və bunun nəticəsində SSRİ-də və xaricdə yaşayan türk xalqları arasında mədəni əlaqələrin güclənməsi qorxusu Sovet imperiyası rəhbərliyində Azərbaycan əlifbasının yenidən dəyişdirilməsi planlarını yaratdı.1940-cı il yanvarın 1-dən kiril qrafikalı əlifbaya keçmək haqqında qərar qəbul olundu. Sonralar kiril qrafikasının Azərbaycan dilinin fonetik səs sisteminə uyğunlaşdırılması üçün Azərbaycan kiril qrafikasında müəyyən dəyişikliklər aparıldı. Yarım əsrdən çox bir müddət ərzində kiril qrafikası ilə Azərbaycan elmi və mədəniyyətinin qiymətli nümunələri yaradıldı. Azərbaycan öz dövlət müstəqilliyini bərpa etdikdən sonra latın qrafikalı Azərbaycan əlifbasının bərpası üçün tarixi şərait yarandı. Nəticədə 1992-ci ildə latın qrafikalı Azərbaycan əlifbasının tətbiqi barədə Qanun qəbul olundu. 2001-ci ildə isə latın qrafikalı Azərbaycan əlifbasına keçid başa çatdırıldı. Latın qrafikalı əlifbanın tətbiqinin Azərbaycan Respublikasının siyasi həyatında, yazı mədəniyyətimizin tarixində mühüm hadisə olduğunu nəzərə alaraq Azərbaycan Prezidenti Heydər Əliyev 2001-ci il avqustun 9-da fərman imzalamışdır. Bu fərmanla avqustun 1-i Azərbaycan Respublikasında Azərbaycan Əlifbası və Azərbaycan dili Günü elan edilmişdir.
252
Qarpız günü ilk dəfə avqustun 3-də Amerikada qeyd olunmuşdur. Bu ölkənin, xüsusən latınamerikalı əhalisi qarpızı çox sevirlər. Orada bu şirin və dadlı meyvə yay pikniklərinin zəruri atributlarından biridir. Ümumiyyətlə, qarpızı kim sevmir ki? Bu böyük, orqanizmin susuzluğunu yatıran, təravət verən meyvə 90% sudan ibarətdir. Şirin olmasına baxmayaraq, kalorisi az olan qarpızın bayramının kim və nə zaman təyin edildiyi məlum deyil. Qabaqkimilər fəsiləsindən olan qarpız birillik bostan bitkisidir. Qarpızın qabığı müxtəlif rəngdə ola bilər: ağ və sarı rəngdən tünd yaşıla qədər. Üzərində isə ləkə, zolaq və s. formalarda şəkilləri olur. Hazırda dünyanın 90-dan çox ölkəsində qarpızın 1200-dən çox növü becərilir. Qarpızın vətəni Cənubi Afrika hesab olunur. Hətta Qədim Misirdə aparılan qazıntılar sübut etmişdir ki, orada qarpız becərilib. Qədim Misir miflərində və papiruslar üzərindəki qədim reseptlərdə bu meyvənin adı çəkilir. Qarpız Qədim Romada da məlum idi. Qədim Çinə ticarət gəmiləri vasitəsilə aparılan qarpız orada da sevilmişdir. Bu gün də dünyada qarpızın ən çox becərildiyi yer Çindir. Qarpız Rusiya və Avropada təxminən XI-XII əsrlərdə (bəzi faktlara görə, XIII-XIV əsrlərdə), Amerikada isə XVI əsrdə peyda olmuşdur. Qarpızı sevənlər çox olduğu üçün bu günü qeyd etmək onlara əlavə bayram əhval-ruhiyyəsi yaşadır.
Yüklə 13,5 Mb. Dostları ilə paylaş:
|