Azərbaycan respublikasi elm və TƏHSİl naziRLİYİ aztu-nun nəzdində baki texniKİ kolleciN

planlaşdırma hesab edilir. 
Logistik strategiya və taktikanın iqtisadi cəhətdən səmərəli olmasının mühüm şərti 
istehsal, bölüşdürmə və satış, tədarükat, anbarlaşdırma və nəqletmə kimi ayrı-ayrı logistik 
elementlər arasında material axınlarının optimal hərəkətinin planlaşdırılmasınm təşkilindən 
ibarətdir. Bu cür təşkilin başlanğıc nöqtəsi tələbin dinamikasının müntəzəm gözlənilməsidir ki, onu 
nəzərə almaqla hər bir tərkib hissəsi - logistik element üzrə plan parametrləri işlənib hazırlanır.
Müəssisələrin planlaşdırma strategiyalarını işləyib hazırlayarkən nəzərə almaq lazımdır ki, 
logistika siyasəti müəssisənin ümumi təsərrüfat strategiyasının tərkib hissəsi olan marketinq 
strategiyası ilə birlikdə istehsal strategiyasının mühüm tərkib hissəsidir.
Logistik strategiyaların hazırlanması aşağıdakı elementlər və parametrlərin nəzərə
alınmasını tələb edir: 

---

14 
• nəqliyyat, yükləmə - boşaltma əməliyyatları və onlara sərf edilən xərclər;
• ehtiyatların idarə edilməsi; 
• plan və nəzarət sistemləri; 
• istehsal gücləri və əlaqələr; 
• logistik sistemin təşkili xüsusiyyətləri və s.
Logistik strategiyanın işlənib hazırlanması zamanı tətbiq edilən standart texniki üsullardan 
biri xidmətlərlə xərclər arasındakı adi logistik tarazlığın təhlilidir. Bundan başqa strategiyaların 
hazırlanması üçün üçüncü element kimi çıxış edən təchizat və ehtiyat mənbələrinin sayı, 
məhsulların nomenklaturası, sifariş - tələbnamə verən və məhsulgöndərən məntəqələrin sayı, 
mövsümlülük kimi faktorlar diqqətdən kənarda qalmamalıdır.
Logistik strategiyanın işlənib hazırlanmasına cəlb edilən müvafiq mütəxəssislər bu prosesi 
iki mərhələdə həyata keçirirlər. Birinci mərhələdə firma və ya müəssisənin strateji məqsədləri və 
perspektiv dövr üçün onun inkişaf istiqamətləri aşkar edilir. İkinci mərhələdə birinci mərhələdə 
nəzərdə tutulan strateji fəaliyyət planı əsasında hərtərəfli, müfəssəl ümumi təsərrüfat planı 
hazırlanır.