nnm hədələrdən, ağır təhqirlərdən, təhqiramiz ifadələrdən və yaxud
böhtanlardan, habelə onların şəxsən özlərinin və ya əmlaklarının məruz
qala biləcəyi qəsdlərdən müdafiəsini təmin etməyə borcludur.
Elə hallar olmuşdu ki, vergi idarəsinin məmurlarına qarşı vergi
verənlər tərəfindən məhkəmə iddiaları, habelə Hind-Çində və Əlcəzairdə
müharibələr dövründə dövlət qulluqçularının əmlakı ilə əlaqədar iddialar
irəli sürülmüşdü. Belə hallarda administrasiya öz qulluqçularını müdafiə
etmiş, qulluqçular tərəfindən onlara vurulmuş zərərə görə cərimə
ödəməli olmuşdur.
Azərbaycan Respublikasının inzibati hüququnda dövlət
qulluqçularına həvalə edilmiş vəzifələrin yerinə yetirilməməsi və yaxud
lazımi şəkildə yerinə yetirilməməsi, həmçinin müəyyən edilmiş
məhdudiyyətlərə əməl olunmaması, qanunda başqa qayda nəzərdə
tutulmayıbsa, inzibati məsuliyyətə səbəb olur.
Dövlət qulluqçularına qarşı aşağıdakı inzibati tənbeh
tədbirləri
tətbiq oluna bilər: töhmət;
bir il müddətinədək vəzifə maaşının 5 faizindən 30 faizinədək
azaldılması;
həmin dərəcədən olan, lakin vəzifə maaşı aşağı olan işə
keçirilməsi;
daha aşağı dərəcəli işə keçirilməsi;
ixtisas dərəcəsinin aşağı salınması;
ixtisas
dərəcəsindən məhrum
edilməsi; dövlət qulluğundan azad
edilməsi.
Dövlət qulluqçularının məsuliyyət növləri aşağıdakılardır:
intizam; inzibati;
maddi və cinayət.
İntizam məsuliyyəti o vaxt meydana çıxır ki, dövlət qulluqçusu
xidməti nizam-intizamı pozsun, inzibati xəta törətdiyinə görə, maddi
ziyan vurmağa görə və nəhayət cinayət məsuliyyəti o vaxt baş
verə bilər
ki, şəxs vəzifə cinayəti törətsin.
Fransa inzibati hüququndan fərqli olaraq Azərbaycan
Respublikasının qulluqçuları tərəfindən vurulmuş ziyanı özləri
ödəyirlər. Dövlət qulluqçusu öz hərəkətlərinin qanuniliyi üçün
cavabdehdir. Rəhbər işçinin göstərişini qanunsuz sayan dövlət
qulluqçusunun etirazına baxmayaraq, həmin rəhbər işçi öz göstərişini
qüvvədə saxlayarsa və ondan yuxarı vəzifəli rəhbər işçi həmin göstərişi
ləğv etmirsə, dövlət qulluqçusu məsuliyyətdən azad olunur.
110
