Azərbaycan respublikasi təHSİl naziRLİYİ azərbaycan döVLƏT İQTİsad universiteti magistratura məRKƏZİ

Dövlət büdcəsinin xərclərinin təhlili;Azərbaycan Respublikasının Prezidenti Möhtərəm cənab İlham Əliyev cari ilin sentyabr ayında iqtisadi məsələlərə və 2016-cı ilin dövlət büdcəsinin hazırlığı işlərinə həsr edilmiş müşavirədə dövlətin əsas maliyyə sənədinin tərtibi və icrası ilə bağlı əsas prioritetləri müəyyənləşdirərək qeyd etmişdir: “Ən əsas məsələlər büdcədə həllini tapacaq, bütün sosial proqramlar ixtisarsız icra ediləcək. Azərbaycan vətəndaşları əmin ola bilər ki, bu sahədə heç bir ixtisar ola bilməz. Sosial infrastruktur layihələri icra ediləcək. Məktəb, uşaq bağçalarının, xəstəxanaların tikintisi davam edəcək. Eyni zamanda, sosial siyasətlə bağlı institusional islahatlar davam etdiriləcək”.
“Büdcə zərfi”nə daxil edilmiş məlumatlara görə, son illərin dövlət büdcələrindən fərqli olaraq növbəti ilin büdcəsi investisiyayönlü büdcədən daha çox sosialyönlü büdcəyə çevirilməsi ilə fərqlənir ki, bu da, öz növbəsində növbəti ilin büdcə xərcləri üzrə əsas prioritet istiqamətlər olaraq xərclərin optimallaşdırılmasını, cari və əsaslı xərclərin strukturunun, səmərəliliyinin və ünvanlılığının artırılmasını, sosial siyasətin davam etdirilməsini, o cümlədən, əhalinin rifahının və yaşayış səviyyəsinin, həssas sosial qrupların sosial-məişət şəraitinin yaxşılaşdırılmasını və sosial layihələr üzrə dövlət proqramları üçün maliyyə təminatının nəzərə alınmasını, ölkənin müdafiə qabiliyyətininvə təhlükəsizliyinin təmin edilməsini, kənd təsərrüfatının aparıcı sahələrinin, sənayenin, regionların sosial-iqtisadi inkişafının, dövlətin borc və öhdəliklərinin yerinə yetirilməsini nəzərdə tutulur.
“Azərbaycan Respublikasının 2016-cı il dövlət büdcəsi haqqında” Respublikanın Qanun layihəsində dövlət büdcəsinin xərcləri 16264,0 mln. manat məbləğində olmaqla (Maddə 1) 2014-cü ilin icra göstəricisi ilə müqayisədə 2445,0 mln. manat və ya 13,1%, 2015-ci i ilin isə müvafiq göstəricisi ilə müqayisədə 4836,0 mln. manat və ya 22,9%, ilin sonuna gözlənilən icra ilə müqayisədə isə 1466,0 mln. manat və ya 8,3% az proqnoz edilmişdir.
Növbəti il üçün isə dövlət büdcəsinin xərclərinin ÜDM-də xüsusi çəkisinin 28,2% olması proqnoz edilmişdir ki, bu da 2015-ci ilin müvafiq göstəricisi ilə müqayisədə 7,1 faiz az nəticədir. Dövlət büdcəsi xərclərinin funksional təsnifat üzrə 4 bölməsində 2016-cı il üçün proqnozlaşdırılmış vəsaitin ÜDM-ə faiz nisbəti 2015-ci illə müqayisədə dəyişməz qalmışdır .