Mövzunun elmi yeniliyi. Bu mövzunun yazılmasında əsas məqsəd fənnin tədrisinin asanlaşdırılması, tədrisə köməkdir. Düzdür, işin yazılması zamanı müxtəlif mənbələrdən istifadə olunmuşdur. Fikirlərin təsdiqi üçün müxtəlif qaynaqlar və mənbələr verilmişdir. Lakin burada əsas məqsəd mövzuya yenilikçi yanaşmaq və öz yaradıcılığımızı mövzuya tətbiq etməkdir. Çünki hər bir dərsin necə tədris olunması fərdi olaraq müəllimdən asılıdır və hər müəllimin öz öyrətməsi və yanaşması vardır.
Tədqiqatın obyekti və predmeti.Ümumilikdə 8-ci sinif Azərbaycan dili dərslikləri və metodik vəsaitləri mövzunun oyektini təşkil edir. Tədqiqatın predmeti isə 8-ci sinif Azərbaycan dili dərsliklərində vətənpərvərlik mövzusudur.
