Sığorta vasitəçiləri –sığorta vasitəçiliyi əsasən üç formada həyata keçirilir.
Sığorta müddəti – sığorta müqaviləsinin təqvim müddətidir.
Sığorta agentləri, sığorta şirkətləri sığorta etmə işini birbaşa və ya agentlər vasitəsilə yerinə yetirirlər.
Sığorta agenti hər hansı hüquqi şəxs və ya sahibkarlıq fəaliyyəti ilə məşğul olan fiziki şəxs ola bilər.Sığorta müqaviləsini bağlamaq və sığorta haqlarını qəbul etmək səlahiyyəti sığortaçıya məxsusdur. Bu səlahiyyət agentlik müqaviləsində göstərilmək şərtilə agentlərə də verilə bilər.
İkinci dərəcəli agent sığortaçı ilə müqavilə əsasında agentlik fəaliyyəti göstərən fiziki və ya hüquqi şəxsdir.İkinci dərəcəli agentlərə sığorta müqaviləsi bağlamaq və sığorta haqları qəbul etmək səlahiyyəti verilmir.
Produktor – həm sığortalı, həm də sığortaçıya münasibətdə bitərəf olan, sığortalıya müqavilənin şərtlərini aydınlaşdırmaqda köməklik edən, sığorta hadisəsinin baş verməsinə təsir göstərə biləcək amilləri sığortaçıya bildirmək şərti ilə vasitəçilik fəaliyyəti göstərən hüquqi və ya fiziki şəxslərdir.
Sığorta brokeri(makler, vasitəçi)– sığorta müqaviləsində sığortalını təmsil edən, sığorta müqaviləsinin imzalanması üçün hazırlıq işlərini həyata keçirən hüquqi (broker təşkilatı) və ya fiziki şəxsdir.
Frontinq – elə əməliyyatdır ki, sığorta müqaviləsini bir şirkət bağlayır, riski isə başqa sığortaçıya ötürür. Başqa sözlə frontinq elə razılaşmadır ki, ona əsasən bir şirkət başqasının işini öz üzərinə götürür. Bu razılaşma əsasən o vaxt əldə olunur ki, sığortaçı bazara girmək istəyir, amma onun özü və polisləri bazara buraxılmır. Bu halda şirkət yerli sığortaçıya müraciət edir, sığorta polisi əvəzində mükafat təklif etmək şərtilə ondan istifadə edir, sonra riski və sığorta haqlarını özünə qəbul edir.
Mühazirə 3
Dostları ilə paylaş: |
