Азярбайъан республикасы дахили ишляр назирлийи
Yüklə 0,7 Mb. Pdf görüntüsü
|
|
alan normativ aktlar: ayrı-ayrı işçi kateqoriyaları üçün qüvvədə olan intizam
haqqında nizamnamələr və qaydalar, müəssisənin təsisçilərinin yığıncağında təsdiq olunmuş, həmçinin müəssisənin və ya digər idarəetmə orqanlarının rəhbərləri tərəfindən qəbul olunmuş lokal normalar, müəssisənin nizamnaməsi. Müəssisədaxili intizam qaydaları Azərbaycan Respublikasının Əmək Məcəlləsinə, habelə əmək qanunvericiliyi üzrə digər normativ hüquqi aktlara uyğun tərtib edilməlidir. Bu normativ hüquqi aktlara zidd olan müəssisədaxili intizam qaydalarının müvafiq müddəaları və onların tətbiqinin hüquqi nəticələri etibarsız hesab edilir. Müəssisədaxili intizam qaydaları müəssisənin bütün üzvlərinə şamil olunur. 9 Müəssisədaxili intizam qaydalarına, bir qayda olaraq aşağıdakılar daxil edilir: a) müəssisənin adı, təşkilati-hüquqi formaları, fəaliyyət növü, hüquqi ünvanı; b) iş vaxtının, nahar və digər istirahət fasilələrinin başlandığı və qurtardığı saatlar; c) növbə cədvəlləri və onun tənzimlənməsi qaydaları; ç) əmək şəraitinin təmin edilməsi qaydaları; d) əmək və icra intizamının, əmək vəzifələrinin yüksək səviyyədə yerinə yetirilməsində fərqlənmiş işçilərin, əmək kollektivlərinin mükafatlandırılması şərtləri və qaydaları; e) əmək və icra intizamını pozmuş işçilərə əlavə intizam tənbehi tətbiq edilməsinin şərtləri və qaydaları. Müəyyən müəssisələr birliyinə daxil olan müəssisələr üçün qəbul edilən müəssisədaxili intizam qaydalarında yuxarıda göstərilən məlumatlarla yanaşı, həmin qaydaların şamil edilidiyi müəssisələrin adları sadalanmaqla əlavə əmək şəraitinin yaradılmasına, əmək və icra intizamının təmin edilməsinə dair qanunvericiliyə uyğun olan digər məlumatlar da göstərilməlidir. ( Əmək Məcəlləsinin 183-cü maddəsi). Bir sıra kateqoriyalı işçilərin əmək fəaliyyəti intizam nizamnamələri ilə tənzim olunur. İntizam nizamnamələri qanunvericilikdə nəzərdə tutulmuş qaydada həmkarlar ittifaqı təşkilatının iştirakı ilə Azərbaycan Respublikasının Nazirlər Kabineti tərəfindən qəbul edilir. Buna misal olaraq «Hava nəqliyyatında və onun xüsusi xidmət müəssisələrində İntizam Nizamnaməsinin təsdiq edilməsi haqqında» Azərbaycan Respublikası Nazirlər Kabinetinin 18 yanvar 2002-ci il tarixli 9 saylı qərarını göstərmək olar. Bu Nizamnamənin müddəaları uçuşların təhlükəsizliyinin təmin edilməsi ilə birbaşa bağlı olan aşağıdakı Mülki Aviasiya işçilərinə şamil edilir: -uçuş heyətinə; -təyyarə bələdçilərinə; 10 -hava hərəkətinin idarə edilməsi üzrə mütəxəssislərə; -rəhbərlərə, mütəxəssislərə və texniki icraçılara; -sərnişin, baqac və yük daşımalarının təşkilini həyata keçirən işçilərə; -aviasiya təhlükəsizliyini təmin edən işçilərə; -aviasiya yanacaq-sürtkü materiallarının kenyfiyyətinə və hava gəmilərinin yanacaqla doldurulmasına nəzarəti təmin edən işçilərə. Həmin Nizamnamənin müddəaları şamil edilməyən işçilərin intizamı müəssisədaxili intizam qaydaları ilə tənzimlənir. Bu Nizamnamənin müddəaları şamil edilən Mülki Aviasiya işçiləri Nizamnaməni bilməli və onun tələblərini dəqiq yerinə yetirməlidirlər. Nizamnamədə Mülki aviasiya işçilərinin əməyinin səciyyəvi xüsusiyyətlərin əks etdirən mükafatlandırmalar (məs, Azərbaycan Respublikası Mülki Aviasiyanın Fəxri fərmanı, «Mülki Aviasiya əlaçısı» döş nişanı ilə təltif etmə və s.) və intizam tənbehləri də (məs, qanunvericiliklə müəyyən edilmiş qaydada uçuş işi və hava hərəkətinin idarə edilməsindən, habelə uçuşların təhlükəsizliyinin təmin edilməsi ilə bağlı digər işlərin yerinə yetirilməsindən azad edilmə və bir il müddətinə qədər başqa işə keçirilmə və s.) nəzərdə tutulmuşdur. Yuxarıda adı çəkilən «Hava nəqliyyatında və onun xüsusi xidmət müəssisələrindən» əlavə aşağıdakı müəssisələrdə də əmək müqaviləsi tərəflərinin məsuliyyətin artırmaq məqsədi ilə əmək münasibətləri intizam nizamnamələri ilə tənzim edilir: -dəmir yolu və rabitə müəssisələrində; -dəniz və çay nəqliyyatında, habelə balıqçılıq təsərrüfatının su nəqliyyatı donanmasında; -xüsusi təhlükəli şəraitli yeraltı işlər görülən iş yerlərində, habelə dağ-mədən sənayesi müəssisələrində; -dənizdə neft və qaz ehtiyatlarının kəşfiyyatı və istismarı ilə məşğul olan müəssisələrdə; -hərbi sənaye müəssisələrində. 11 Yuxarıda sadalanan müəssisələrin İntizam Nizamnamələrində yalnız Azərbaycan Respublikası Əmək Məcəlləsinin «Əmək və icra intizamı» bölməsi ilə (VII bölmə) müəyyən edilmiş normalardan fərqli müddəalar nəzərdə tutula bilər. İntizam Nizamnamələri mövcud olan müəssisələrdə digər əmək münasibətləri isə Azərbaycan Respublikasının Əmək Məcəlləsi ilə tənzimlənir. Yüklə 0,7 Mb. Dostları ilə paylaş:
|