Siqnal verilərkən sığınacaqda olan adamlar ancaq onun kipliyi pozularsa əleyhiqaz taxırlar. İş yerində olarkən bu siqnal verildikdə dərhal əleyhiqaz taxır və sonra müdiriyyətin göstərişlərinə uyğun hərəkət edirlər. Zəhərli sahələrdə iş görmək və ya belə yerlərdə keçmək lazım gələn hallarda - zəhərlənmə əleyhinə anditot dərman, bakterioloji yoluxma zamanı isə Aİ-2 aptekçəsindən 1№-li bakteriya əleyhinə dərman qəbul edirlər. Adamlar kimyəvi zəhərləyici maddələrlə zəhərlənmiş sahələrdən tez çıxmağa çalışmalıdırlar. Bu məqsədlə hansı tərəfə getmək lazım gəldiyini MM işçiləri göstərməlidirlər. Lakin belə işçilər olmadıqda, onda küləyin səmtinə perpendikulyar istiqamətdə getmək lazımdır. Zəhərlənmə zonasından çıxan adamlar tam sanitariya təmizlənməsindən keçməlidirlər. Bakterioloji yoluxma ocağından əhalinin özbaşına çıxmasına icazə verilmir. Çünki belə sahələrdə karantin və ya opservasiya rejimi qoyulacaq və əhalinin davranışı müəyyən ediləcəkdir. Kənd yerlərində «kimya həyəcanı» siqnalı verilərkən heyvanları, ev quşlarını, ərzaq və yem ehtiyatlarını, habelə su quyularını mühafizə üçün tədbir görülməli, binaların kipliyi bir daha yoxlanılmalıdır. Son dərəcə diqqətli olmaq MM orqanlarının göstərişlərini dəqiq yerinə yetirmək lazımdır. MÜƏLLİM B.Quliyev
