Backup of Uz Qabigi

§ 4.4. Orta Günəş vaxtı
Günəşin ekliptika üzrə illik hərəkətinin orta sürəti ilə ekvator boyunca sabit sürətlə hərəkət edən və yaz bəra-bərliyi nöqtəsindən Günəşlə eyni vaxtda keçən xəyali nöqtə orta Günəş və ya orta ekvatorial Günəş adlanır. Eyni coğrafi meridianda orta ekvatorial Günəşin iki ar-dıcıl eyni adlı kulminasiyası arasında keçən vaxt fasilə-sinə orta Günəş günü deyilir.

Orta Günəş gününün də başlanğıcı onun aşağı kulminasi-yasından hesablanır.

Orta Günəşin aşağı kulminasiyası anından verilmiş ana qədər keçən vaxta orta Günəş vaxtı deyilir.

Orta Günəş vaxtını T_m və orta Günəşin saat bucağını t_m ilə işarə etsək

Tm= tm+12^h (4.6)

olar. Orta Günəş yuxarı kulminasiyada olduqda orta günorta olur. Bu anda

t =0^h

m

olduğundan günorta vaxtı

Tm=12^h

olar. Orta Günəş aşağı kulminasiyada olduqda (gecəyarısı)

tm=12^h

və orta Günəş vaxtı

Tm=24^h

olar. Hazırda bütün dünyada istifadə olunan vaxt orta Günəş vaxtıdır. Qeyd edək ki, bundan sonra gün dedikdə biz orta Günəş gününü, vaxt dedikdə isə orta Günəş vaxtını nəzərdə tutacağıq.