Polad emallı qablar. Belə qablar yüksək gigiyenik və estetik xassələrə malikdirlər. Onların istifadə müddəti yüksəkdir. Çatışmayan cəhətləri ondan ibarətdir ki, onların mexaniki və termiki xassələri aşağıdır.
Polad emallı qabların korpusları ştampovka metodu ilə hazırlanır. Belə qablar üçün nazik polad listlərdən istifadə olunur. Onların qapağı korroziyaya davamlı poladdan, şüşədən və plastik kütlədən hazırlanır.
Qablar içəri tərəfdən ağ emallı, xarici tərəfdən isə ağ və ya rəngli emalla örtülür. Onlar müxtəlif metodlarla rənglənirlər. Belə qablar üçün müəyyən ölçülər mövcuddur. Onların həcmi 0,15-dən 50 litrə qədər, diametri isə 60-dan 600 mm qədər olur. Onların çeşidləri olduqca çoxdur. Bunlara kostrullar, çörək üçün qablar, skovorodkalar, qıflar, su götürmək üçün qablar, bidonlar, kuvşinlər, dolçalar, salat qabı, boşqablar, çay və kofe qabları, vedrə, tazlar və s. misal ola bilər.
Bütün bunlar müxtəlif ölçüdə və müxtəlif formada istehsal olunur.
Dostları ilə paylaş: |
