Barkamol avlod” respublika bolalar maktabi

16. Sayohat paytida zarur bo‘ladigan anjomlar, jihozlarni o‘rganish.
So‘nggi yillarda, dam olishni istaganlar tobora ko‘proq velosipedda va piyoda sayohat qilishmoqda. Sayyohlik safarida tabiat qo‘ynida dam olishni rejalashtirilganda sayohat paytida zarur bo‘ladigan anjomlarni, ya’ni birga olib ketmoqchi bo‘lgan barcha narsalarning ro‘yxatini oldindan tuzish va keyin narsalarni yig‘ish paytida doimiy ravishda ro‘yxatni tekshirish maqsadga muvofiq bo‘ladi. Ro‘yxat-jihozlar hajmini optimallashtirishga yordam beradi. Piyoda yurishda tuziladigan ro‘yxat toifalarga ajratilsa, yanada mukammal bo‘ladi. Masalan "kiyim", "oziq-ovqat", "dori" va boshqalar.
Bundan tashqari, piyoda sayohatga chiqishdan oldin, uning barcha xavf va qiyinchiliklarini aniq tushunib olish kerak. Ularning oldini olish va ularni engish uchun kerakli narsalar bo‘lishi kerak. Piyoda sayyoh o‘zi bilan birga quyidagilarni olib yurishi kerak: Kompas, Xarita, Bir kishiga 1,5-2 litr miqdorida kostryulkalar, Qoshiq, pichoq, Suv uchun kolbali termos. Batareyalar va lampalar bilan ta’minlangan qo‘l mash’alasi. Yuvish uchun aksessuarlar. Kerakli kiyimlar. Uyqu sumkasi yoki chodir. Qulay poyabzal. Tikuv buyumlari. Saqlash muddati uzoq bo‘lgan mahsulotlar (odatda donli mahsulotlar yoki konservalar). Keng va engil xalta. Yupqa po‘lat sim. Diametri 5 millimetr bo‘lgan metall tayoq. Tibbiy yordam vositasi. Turistlarning kiyinishidagi ba’zi umumiy qoidalar mavjud bo‘lib, bular issiq va engil bo‘lishi kerak. Shu bilan birga, kiyimlar harakatlanishda to‘sqinlik qilmasligi kerak. Qishda, termal ichki kiyimlardan foydalanish tavsiya etiladi, yozda esa kuchli shamol bo‘lganda, engil shamolbardosh kiyimlar bo‘lishi kerak. Shuningdek, yozgi sayrda bir necha juft paxta paypoq, qishda esa jun paypoq bo‘lishi kerak. Poyafzal qulay, issiq va keng bo‘lishi kerak.
Sayohatga chiqqanda albatta birinchi yordam to‘plami bo‘lishi lozim. Quyida birinchi yordam uchun zarur dori-darmonlarning ro‘yxati: Sterilli va sterilsiz bandajlar, elastic bandajlar. Vodorod peroksid, kaliy permanganate, albucid yoki sofradex, pantenol, validol, analgin yoki baralgin, citramon, suprastin, noshpa, faollashgan uglerod.