Teqvim2013. pdf

SENTY

ABR

5

1

---

255

SENTY

ABR

5

0

Dünya ədəbiyyatı 

90 

illiyi

Rəsul Həmzətov 

1923-2003

SENTY

ABR

Rəsul Həmzət oğlu Həmzətov 1923-

cü il sentyabr ayının 8-də Dağıstanın 

Xunzax rayonunun Sada kəndində, 

şair Sadasa Həmzətin ailəsində dünya-

ya göz açmışdır. 

Milliyyətcə avardır. Onun ilk 

müəllimi atası olmuşdur. Rəsul 

Həmzətov özünün ilk şeirini 11 yaşında 

yazmışdır. Kənd məktəbini bitirdikdən 

sonra pedaqoji məktəbə daxil olmuş-

dur.

1940-cı ildə təhsil aldığı məktəbdə 

müəllim işləmişdir. Ancaq burada o, 

uzun müddət qalmamış, bir neçə  iş 

yerini dəyişən Həmzətov, Avar Səyyar 

Teatrında rejissor köməkçisi, “Bolşevik 

qor” qəzetində və radioda işləmişdir.

1943-cü ildə “Sevgi məşəli və acı 

ədavət” adlı ilk şeirlər toplusu çap 

olunmuşdur. 1945-1950-ci illərdə Mak-

sim Qorki adına Moskva Ədəbiyyat 

İnstitutunda oxumuşdur. 1947-ci ildə 

rus dilində ilk şeirlər kitabı  işıq üzü 

görmüşdür. Rus, avar dillərində və bir 

çox Dağıstan və Qafqaz xalqlarının 

dillərində  Rəsul Həmzətovun poetik 

onluqları, nəsr və publisistik əsərləri, 

həmçinin 25-dən çox kitabı dərc olun-

muşdur: “Слово  о  старшем  брате” 

(1952), “Дагестанская весна” (1955), 

“Горянка” (1958), “В  горах  мое 

сердце” (1959), “Высокие  звезды” 

(1962), “Две  шали”, “Письмена”, 

“Берегите  друзей”, “Суди  меня 

по  кодексу  любви”, “Сонеты”, “О 

бурных днях Кавказа” və s.

 O, Dağıstan  şairi olsa da, Dağıs-

tanda böyüyüb boya-başa çatsa da, 

Azərbaycana, onun xalqına, poeziya-

sına çox bağlı olmuşdur. O, özünün 

bir çox müdrik şeirlərini Azərbaycana- 

Bakıya, neftçilərə, dəniz şəhərimizə və 

özü “böyük ustadım” deyə çağırdığı 

Səməd Vurğuna həsr etmişdir. 

Şeirlərinin çoxunu Azərbaycan 

dilinə Tofiq Bayram tərcümə etmişdir.

Rəsul Həmzətovun bir çox şeirlərinə 

mahnılar bəstələnmışdir. Onun şeirləri 

bir çox Dağıstan, Qafqaz və Rusiya 

bəstəkarlarının diqqətini cəlb etmişdir. 

Yan Frenkel, Oskar Felsman, Polad 

Bülbüloğlu, Raymond Pauls, Yuri An-

tonov, Qotfrid Hasanov, Sergey Ağa-

babov, Murad Kajlayev, Şirvani Çala-

yev və başqa bəstəkarlar Həmzətovla 

sıx əməkdaşlıq etmişlər.

O, müxtəlif vaxtlarda Dağıstan 

Muxtar SSR-nın Ali Sovetinin deputa-

tı, Dağıstan Muxtar SSR Ali Sovetinin 

sədr müavini, SSRİ Ali Sovetinin depu-

tatı və üzvü seçilmişdir. Uzun müddət 

Dağıstan, RSFSR və SSRİ yazıçılar 

qurultayının nümayəndəsi olmuşdur.

Rəsul Həmzətov 2003-cü il noyabr 

ayının 3-də Moskvada vəfat etmiş Ma-

haçqalada dəfn edilmişdir.