Teqvim2013. pdf

İ n t e r n e t d ə

www.anl.az

www.az.wikipedia.org

21

Akademik

---

335

Kimya.Biologiya.Tibb

130 

illiyi

Mir Əsədulla Mirqasımov

 1883-1958 

NOY

ABR

Mir  Əsədulla Mir Ələsgər oğlu 

Mirqasımov   1883-cü il noyabr ayının 

17-də Bakı  şəhərində ruhani semina-

riyası müəlliminin ailəsində anadan 

olmuşdur. 1908-ci ildə o, gimnaziya-

nı bitirmişdir. Oxuduğu illərdə ictimai 

fəaliyyətə başlamış, qəzet və jurnallara 

məqalələr yazmışdır. Bu məqalələrdə 

müəllif,  əsasən,  Şərq ölkələrində 

müsəlman qadınlarının acınacaqlı 

vəziyyəti məsələsindən bəhs etmişdir. 

1913-cü ildə Odessa şəhərində 

yerləşən Novorossiysk Universi-

tetinin tibb fakültəsini bitirmişdir. 

Mirəsədulla Mirqasımov universitetdə 

təhsil almaqla bərabər Uzaq Şərq 

mədənlərində feldşer işləmişdir. Elmi 

işə erkən meyl göstərdiyinə və böyük 

iş qabiliyyəti olduğuna baxmayaraq 

M.Mirqasımovun klinikada işləmək 

cəhdləri baş tutmamışdır. O, Odessanın 

şəhər xəstəxanalarından birində çox 

çətinliklə xəstəxana həkimi vəzifəsinə 

işə düzəlmiş, sonra isə ordinator ol-

muşdur. 

 1916-1919-cu illərdə Bakıda hərbi 

hospitalda həkim-cərrah işləmişdir. 

1919-1929-cu illərdə ADU-nun tibb 

fakültəsinin dosenti, 1929-1958-ci 

illərdə Azərbaycan Dövlət Tibb İnstitu-

tunun hospitalcərrahiyyə fakültəsinin 

professoru, kafedra müdiri olmuşdur. 

1945-1947-ci illərdə Azərbaycan 

SSR EA-nın ilk prezidenti vəzifəsini 

tutmuşdur. 

Azərbaycanda müasir tibb təhsilinin 

və elminin banilərindəndir. 1927-ci 

ildə tibb elmləri doktoru, 1929-cu 

ildə prfessor, 1945-ci ildə Azərbaycan 

SSR EA-nın həqiqi üzvü olmuşdur. 

Azərbaycan EA-nın və Tibb Univer-

sitetinin təşkilatçılarından olmuş-

dur.  İlk azərbaycanlı alim-cərrahdır. 

1929-1958-ci illərdə Azərbaycan Tibb 

Universitetinin Hospital cərrahiyyə 

kafedrasının professoru və müdiri ol-

muşdur. 

Azərbaycanda tibbi cərrahiyyə 

elmi məktəbinin təşkilatçısıdır. Ali-

min elmi fəaliyyəti  əsasən sidik daşı 

xəstəliklərinin etiologiyası, klinikası 

və müalicəsinin öyrənilməsinə, irin-

li peritonitlər, anesteziologiya, trav-

motologiya, urologiya və  cərrahlığın 

aktul məsələlərinə  həsr olunmuşdur. 

Yüksəkixtisaslı kadrların hazırlan-

masında xidmətləri var. Azərbaycan 

dilində ümumi cərrahiyyəyə aid 

ilk elmi əsərlərin və  dərsliklərin 

müəllifidir. Ümumiyyətlə, 6 monoq-

rafiya və  dərsliyi, 50 elmi əsəri nəşr 

olunmuşdur.

Azərbaycanın “Əməkdar elm xa-

dimi” fəxri adına, “Lenin ordeni”, 2 

“Qırmızı Əmək Bayrağı” ordeni, “Qır-

mızı Ulduz” ordeni və metallarla təltif 

edilmişdir. Mirqasımov Mir Əsədulla 

Mir Ələsgər oğlu 1958-ci il iyul ayının 

20-də, Bakı şəhərində vəfat etmişdir. 

Bakıdakı Respublika xəstəxanası 

və küçələrdən biri onun adını daşıyır.