Bazar iqtisadi sistemi şəraitində əmtəə- pul münasibətlərinə, dəyər qanununa, bazarın roluna, vəzifələrinə və s məsələlərə olan münasibətlər əsaslı surətdə dəyişir, yeniləşir və bu dəyər kateqoriyaları nəhayət ki

İstehsalçının öz bölgü kanallarını yaratmaq imkanı olduqda belə, kapital qoyuluşlarını öz əsas biznesinə yönəltmək əksər hallarda daha çox gəlir verə bilər. Əgər, istehsal 20%, pərakəndə ticarət isə hesablamalara görə 10% mənfəət norması təmin edirsə, firma pərakəndə satışla məşğul olmaq istəməyəcəkdir.

Vasitəçilərdən istifadə olunması əsasən əmtəənin alışverişliliyinin və onların məqsədli bazarlara çatdırılması işinin səmərəli təşkili bacarıqları ilə izah edilir. Öz əlaqələri, təcrübələri, ixtisaslaşmaları və fəaliyyət genişliyi sayəsində vasitəçilər firmanın adətən təkbaşına edə biləcəyindən çox şey təklif edirlər.

Beləliklə, hər bir firma bazara nail olmağın bir neçə variantını işləyib hazırlamalıdır. Birbaşa satışdan fərqli olaraq bazara aparan bu yollar özlüyündə bir, iki, üç və daha çox vasitəçilər səviyyəsi olan kanallardır. Bölgü kanalları üçün daimi, çox vaxt isə dramatik dəyişikliklər səciyyəvidir. Son dövrün ən əhəmiyyətli üç meyli – şaquli, üfiqi və çoxkanallı marketinq sistemlərinin yayılmasıdır. Bu meyllər bölgü kanallarının əməkdaşlığı, münaqişəsi və rəqabəti nöqteyi-nəzərindən mühüm nəticələrlə əlaqədardır.