Beynəlxalq magistratura və doktorantura məRKƏZİ
Düşüncə xəritələrinin yaradılması
Yüklə 1,65 Mb. Pdf görüntüsü
|
- Bu səhifədəki naviqasiya:
- ◊ ◊ H brendi
- A brendi ◊ ◊ C brendi
- 2.4.3 Düşüncə xəritələrinin yaradılmasında istifadə olunan metodlar
- III FƏSİL AZƏRBAYCANLI TURİSTLƏRİN DÜŞÜNCƏ XƏRİTƏLƏRİ İLƏ BAĞLI TƏDQİQAT
|
2.4.2 Düşüncə xəritələrinin yaradılması
məlumatların bir çox özəllik üçün bir yerə toplanaraq istifadə edilməsi formalaşdırır.
Düşüncə xəritələri məhsul, xidmət, brend, destinasiya və ya müəssisə kimi dəyişənlərin bir-birləri ilə əlaqəli mövqelərini, bənzərlik və yaxınlıq vəziyyətlərini koordinat sistemində göstərən vasitələrdir və onlardan dəyişənlərin bir-birləri ilə əlaqəli vizual əlaqə məlumatlarına ehtiyac olduqda istifadə edilir. Düşüncə xəritələri birdən çox faktor və birdən çox dəyişənin olduğu qarışıq məlumatların əyani şəkildə xəritələrdə, yəni koordinat sistemində təsvir olunmasını və vizual olaraq anlaşılmasını təmin edir [32, səh. 16].
◊ B brendi X A brendi ◊ ◊ C brendi
50 Şəkil 2.1 Düşüncə xəritəsi nümunəsi [32, səh. 16]
Dəyişənlər arasındakı əlaqəni göstərən bir konsept olduğundan eyni qrupda ola biləcək bənzər dəyişənlər bir-birlərinə yaxın qeyd edilir, bir-birinə bənzəməyən dəyişənlər isə fərqli qruplarda və uzaq yerləşdirilir. Beləliklə də düşüncə xəritələri müəssisələrin rəqiblərinin mövqelərinə görə öz mövqelərini, bazardakı sıxlıq və boşluqları görməsini təmin edir. Bu xəritələrdə iki və ya daha çox məlumatla müqayisələr aparıla bilər amma rahat anlaşılma və vizuallıq baxımından bu məlumatlar iki ölçüyə endirilir [32, səh. 17].
Düşüncə xəritələrinin yaradılmasında müxtəlif metodlardan istifadə olunur [33, səh. 96]: Qruplaşdırma analizi Çox dəyişənli statistik metodlardan biri olan qruplaşdırma analizi qrup sayı bilinməyən və qruplaşdırılmamış verilənlərin bənzərliklərinə görə təsnifləndirilməsi məqsədi ilə istifadə edilir [17, səh. 78]. Uyğunluq analizi
Uyğunluq analizi çarpaz cədvəllərdə göstərilmiş kateqorik verilənlərin sıra və sütunlarının birgə dəyişmələrini daha kiçik ölçülü miqyasda qrafiki şəkildə göstərməyi hədəfləyən çox dəyişənli analiz üsuludur [17, səh. 68]. Faktor analizi
Faktor analizi aralarında əlaqə olan çox saylı dəyişənlərdən ən az və faydalı olanları seçmə prosesidir. Faktor analizi verilənlər arasındakı əlaqəyə əsaslanır və bu verilənlərdən daha mənalı qruplar yaratmağı hədəfləyir. Diskriminant analizi
Diskriminant analizi asılı dəyişən ilə müstəqil dəyişən arasındakı əlaqəni ayırd etməyə imkan verən bir analiz üsuludur. Məsələn, turizm sektorunda fəaliyyət 51 göstərən bir müəssisə destinasiya ərazisindəki bir məhsulun uğurlu şəkildə satışının necə həyata keçirilə biləcəyini və ona necə diqqət göstərildiyini, bundan əlavə başqa bir məhsulun da satışının niyə həyata keçirilə bilmədiyini araşdırmq istəyir. Bu zaman diskriminant analizindən istifadə edilir [33, səh. 96]. Çox ölçülü miqyaslama analizi
Çox ölçülü miqyaslama analizi n sayda n cisim və ya vahid arasındakı məsafə dəyərlərindən istifadə edərək bu cisimlərin çox ölçülü miqyasdakı mövqelərini, əlaqə strukturunu vermək və təsvirini göstərmək məqsədilə istifadə edilən bir analiz üsuludur [17, səh. 84].
52 III FƏSİL AZƏRBAYCANLI TURİSTLƏRİN DÜŞÜNCƏ XƏRİTƏLƏRİ İLƏ BAĞLI TƏDQİQAT
memarlıq abidələri və dünya standarlarına cavab verən müasir tikililəri burada daxili turizm potenisalının güclü olmasından xəbər verir. Son illər ölkədə turizmin daha da güclü inkişaf etməsi üçün görülən tədbirlər, xüsusilə də “2002-2005-ci illərdə Azərbaycanda turizmin inkişafı proqramı”, 2004-cü il “Azərbaycan Respublikası regionlarının sosial-iqtisadi inkişafı Dövlət Proqramı” kimi layihələrin qəbul edilməsi və 2011-ci ilin ölkədə Turizm ili elan olunması ölkədə turizmin inkişafına çox güclü təkan verdi. Turizm infrastrukturu gücləndirildi, dünya standartlarına cavab verən müasir tipli turizm kompleksləri və o cümlədən “Four seasons”, “Fairmont”, “Hilton”, “Sheraton”, “Marriott”, “Kempinski”, “Jumeirah”, “Hyatt” kimi beş ulduzlu otellər istifadəyə verildi. Paytaxt Bakı ilə yanaşı regionlarda turizmin inkişafı üzrə bir sıra əhəmiyyətli tədbirlər görüldü. Rayonlarda yeni turist yerləşdirmə obyektləri istifadəyə verildi və turist marşrutları üzrə çox güclü şəbəkə yaradıldı. 2011-ci ildə BMT-nin İnkişaf Proqramı çərçivəsində turistlər arasında Azərbaycanda sırf turizm bölgəsi kimi tanınan və üstünlük verilən rayonlarla bağlı sorğu keçirilmişdir. Həmin araşdırmanın nəticəsində müəyyən olunub ki, turistlər ən çox Quba, Qəbələ, İsmayıllı, Şəki, Naxçıvan, Gəncə və Qusara üstünlük verirlər. Onlar seçim edərkən rayonun təbiətinin gözəl, iqliminin saf olmasına, mineral sularla zəngin olmasına, bölgənin yaxında yerləşməsinə üstünlük verirlər. 3.1.1 Şəki turistik destinasiya kimi 53
Şəki-Zaqatala iqtisadi rayonuna daxil olan Şəki şəhəri Azərbaycanın şimal- qərbində, Böyük Qafqaz dağlarının cənub yamacında yerləşir. Şəkinin heyrətamiz təbiəti bura gələnləri hər zaman məftun edir. Şəki Xan sarayı və Tarix–memarlıq Qoruğu dünya əhəmiyyətli daşınmaz tarixi və mədəniyyət abidələri siyahısına daxil edilmişdir. Şəki xanlığı dövründə qoruğun ərazisində tikilən beş karvansaradan ikisi indiyə qədər qorunub saxlana bilmişdir. 1789-1790-cı illərdə tikilən və əvəzsiz mədəniyyət incisi sayılan Şəki Xan sarayının fasadı dünyada bənzəri olmayan ən xırda həndəsi ornamentli fiqurlara bölünmüşdür. Ən maraqlısı isə budur ki, Xan sarayının tikintisində yapışqandan və ya mismardan istifadə olunmamış, xırda ağac və şüşə hissəcikləri şəbəkələr şəklində bir-birinə geydirilmişdir. Saray binasının divarlarında müxtəlif kompozisiyalar, o cümlədən döyüş səhnələri əks olunmuşdur. Məhz bu səəbəbdəndir ki, məşhur türk şairi Nazim Hikmət Xan sarayı haqqında yazmışdır: “Əgər Azərbaycanda başqa qədim tikililər olmasaydı belə dünyaya yalnız Şəki Xan sarayını göstərmək kifayət edərdi” [21].
Şəki Azərbaycanın qədim mədəniyyət məskəni olmaqla yanaşı həm də ən əhəmiyyətli və məşhur turizm mərkəzlərindən biridir. Burada Şəki Xan sararyı, qədim alban məbədi, karvansaralar, “Sənətkarlar evi” və s. kimi turistlərin marağına səbəb olan bir sıra məkanlar vardır. Şəkidə “Həm ziyarət, həm ticarət”, “Mahmud və Məryəm”, “Arşın mal alan”, “Papaq”, “Yenilməz batalyon” və s. kimi bir sıra məşhur filmlər çəkildiyindən turistlər bura həm də bu məkanları ziyarət etmək üçün axın edirlər [22].
Bundan əlavə turistlərin Şəkiyə axın etməsinə digər bir səbəb burada beynəlxalq festivalların keçiriməsidir. Şəki “Böyük İpək Yolu” beynəlxalq musiqi festivalına ev sahibliyi edir. Həmçinin bura gələn turistlərin öz vaxtlarını səmərəli keçirmələri üçün burada müxtəlif folklor kollektivləri və ansambllar da fəaliyyət göstərir. Şəhərdən iyirmi kilometr cənubda, Daşüz kəndində Atçılıq Turizm Mərkəzi yerləşir və burada turistlər xüsusi yetişdirilmiş cins atlara minmək, at sürməyi öyrənmək və eləcə də atla meşələrə getmək imkanı əldə edirlər. 54
Şəkidəki turizm obyektlərinə misal olaraq Şəki Olimpiya İdman Kompleksini, “Marxal” istirahət mərkəzini, “Şəki-Saray”, “Şəki”, “Sahil”, “Panorama”, “Şəki- Palace” otellərini, “Şəki-Karvansaray” mehmanxana kompleksini, “Məkan” motelini və “Cənnət bağı”, “Gələsən-Görəsən”, “Ümid”, “Şam bağı” istirahət mərkəzlərini göstərmək olar [21].
Cədvəl 3.1 Şəkidə turizm
2013 2015
2016 Mehmanxana və mehmanxana tipli müəssisələrin sayı, vahid 16
17 16
Nömrələrin sayı, vahid 306
320 320
Birdəfəlik tutum, yer 760
785 808
Yerləşdirilmiş şəxslərin sayı, nəfər 9655
12826 9265
Gecələmələrin sayı, adam-gecə 11786
15293 10883
Qeyd: Cədvəl “Azərbaycan Respublikasının Dövlət Statistika Komitəsi”nin məlumatlarına əsasən müəllif tərəfindən hazırlanmışdır.
3.1.2 Qəbələ turistik destinasiya kimi
Qəbələ rayonu da Qafqaz dağlarının cənub yamacında yerləşən Şəki-Zaqatala iqtisadi rayonuna daxildir. Bənzərsiz iqlimi, səfalı mineral bulaqları, rəngarəng landşaftı olan və tarixi İpək yolunun üzərində yerləşən Qəbələ rayonu turizmin inkişafı üçün əlverişli imkanlara malikdir.
Tarixçilərin verdiyi məlumatlara görə Qəbələ rayonu qədim Qafqaz Albaniyasının paytaxtı olmuşdur. Bundan əlavə bu rayon Sovet dövründə də turistlərin diqqətini çəkmiş, sıx meşələr və bu meşələrin əhatə etdiyi gözoxşayan Nohurgöl turistlər tərəfindən bənzərsiz yerlər kimi dəyərləndirilmişdir [3, səh. 27].
55
Burada mövcud olan turizm imkanlarının düzgün və məqsədyönlü şəkildə istifadə edilməsi rayondakı turizm komplekslərinin sayının gündən-günə artmasına gətirib çıxarmışdır. Rayonda turistlərin yerləşdirilməsi üçün beynəlxalq standartlara cavab verən çoxsaylı turizm obyektləri mövcuddur. Son illər rayonda müasir tipli turizm kompleksləri, ən yüksək dünya standartlarına cavab verən istirahət mərkəzləri tikilir. Bu isə həm xarici, həm də yerli turistləri əraziyə çəkir və dincəlmək üçün bura gələnlərin sayı ildən-ilə daha da çox artır. Hər il minlərlə turist Qəbələnin məftunedici təbiəti ilə təmasda olmaq, onun zəngin mətbəxinin ləziz təamlarını dadmaq, müxtəlif mədəniyyət və incəsənət nümunələri ilə yaxından tanış olmaq məqsədilə bura səfər edir.
Rayon ərazisində məşhur Mucux, Yeddi gözəl şəlalələri, Türyançay, Dəmiraparançay, Tikanlıçay, Vəndam çay, o cümlədən e.ə. III – I minilliyə aid olan daş kurqanlar, Həzrə kəndində XIV-XV əsrlərə aid olan türbələr kompleksi, Nic qəsəbəsində Nekropol, Şəhidlərin xatirə muzeyi, Heydər Əliyev muzeyi, Tarix – Diyarşünaslıq muzeyi, İsmayıl Bəy Qutqaşınlının xatirə ev muzeyi də vardır. Bundan əlavə Qəbələdə “Qafqaz Riverside”, “Qafqaz Resort”, “Qafqaz Sport”, “Qafqaz Karvansaray” otelləri, “Qəbələnd” istirahət və əyləncə mərkəzi, “Sərin meşə”, “Nohurgöl”, “Duyma”, “Yeddi gözəl”, “Sahil”, “Karvan”, “Ay işığı”, “Xanlar”, “Selbasar”, “Gilan”, “Yengicə”, “Çənlibel”, “Soyuq bulaq”, “Qəbələ” otel və istirahət mərkəzləri fəaliyyət göstərir və onlar nəinki Azərbaycandan, eləcə də dünyanın hər yerindən turistləri özünə cəlb edir. Qafqaz brendi olan bu beşulduzlu otellər göstərdikləri xidmətin səviyyəsinə görə ölkənin ən qabaqcıl otelləri sırasındadır [23].
Əsrarəngiz dağ şəlalələri, toxunulmamış təbiəti və əzəmətli Qafqaz dağları Qəbələni yay mövsümündə istirahət etmək üçün ideal bir məkana çevirir. Buraya səyahət edən turistlər həm tarixi, həm təbiət, həm də mədəni turizm obyektlərində dincələ bilirlər. Həmçinin yayda burada ekstrim turizmi sevənlər ATV maşınlar vasitəsilə dağa qalxa və raftinq və ekoturizm kimi bir sıra maraqlı fəaliyyətlərlə məşğul ola bilərlər. Ailəvi istirahət etmək arzusunda olanlar üçün isə təbiət qoynunda
56 müxtəlif turlar, o cümlədən, kanatla gəzinti, əyləncə və istirahət parklarına səfərlər təşkil edilir. Həmçinin Qəbələyə gələn turistlər və yerli qonaqlar atçılıqla da məşğul olurlar. Çətin keçilən dağ yollarında və dağ ətəklərində yerli sakinlər turistlərə at kirayəsi və at sürmə dərsləri təklif edir və bununla turistlər əvəzsiz bir təcrübə yaşayır [24].
Yüksək keyfiyyətli xidmətlərin təklif edildiyi “Xanlar” istirahət mərkəzi dəfələrlə Azərbaycanda keçirilən kulinariya müsabiqələrinin qalibi olmuşdur. O, öz üslubu ilə digər istirahət mərkəzlərindən fərqlənir və Qəbələnin bütün gözəlliklərini özündə əks etdirir. Bu istirahət mərkəzinin filialları həmçinin Bakı, Nabran və Bakıda da fəaliyyət göstərir. Turistlərə kuzələrdə Dovşan dağından gətirilən bulaq suyu, Həmzəlli kəndində hazırlanan qoz halvası və s. özəl təamlar təklif edilir [4, səh. 69]. Qış turizmi üçün isə Qəbələdə şəhərin 4 kilometrliyində “Tufandağ” yay-qış turizm kompleksi fəaliyyət göstərir. Azərbaycanda ilk dağ xizəyi kurortu 2011-ci ilin fevralında Qusar rayonu ərazisində açılan “Şahdağ” kurortu olsa da, “Tufandağ” da məhşurluğuna görə ondan geri qalmır. Buraya gələn turistlər çoxpilləli xizək traslarından, istirahət mərkəzlərindən və o cümlədən təlim kurslarından istifadə edirlər. Turistlər kanat yolu vasitəsilə yalnız qış fəslində deyil, yay fəslində də yüksəklikdən Qəbələnin heyrətamiz gözəlliyini seyr edə bilirlər [25]. Bundan əlavə Qəbələdə mədəni turizm də geniş inkişaf etmişdir və buna misal olaraq Qəbələdə keçirilən müxtəlif musiqi festivalları göstərilə bilər. Heydər Əliyev Fondu tərəfindən 2009-cu ildən başlayaraq hər il Qəbələ şəhərində Beynəlxalq musiqi festivalı keçirilir və bu festivallar zamanı gənc pianoçuların beynəlxalq müsabiqəsi, muğam, caz, klassik, vokal musiqisi konsertləri təşkil olunur. Festivallarda dünya şöhrətli musiqiçilər, eləcə də filarmonik və simfonik orkestrlər öz çıxışlarını nümayiş etdirirlər. Həmçinin 2017-ci ilin 29 iyul tarixindən 3 avqust tarixinədək Heydər Əliyev Fondunun təşkilatçılığı və Azərbaycan Respublikası Mədəniyyət və Turizm Nazirliyinin və “Gilan Holdinq”-in dəstəyi ilə IX Qəbələ Beynəlxalq Musiqi Festivalı keçirilmişdir [26].
57 Cədvəl 3.2 Qəbələdə turizm
2013
2015 2016
Mehmanxana və mehmanxana tipli müəssisələrin sayı, vahid 8 9
Nömrələrin sayı, vahid 199
196 1502
Birdəfəlik tutum, yer 488
503 2319
Yerləşdirilmiş şəxslərin sayı, nəfər 5927
5909 165225
Gecələmələrin sayı, adam-gecə 17020
7653 300335
Qeyd: Cədvəl “Azərbaycan Respublikasının Dövlət Statistika Komitəsi”nin məlumatlarına əsasən müəllif tərəfindən hazırlanmışdır.
3.1.3 İsmayıllı turistik destinasiya kimi
Böyük Qafqaz dağlarının cənub ətəklərində yerləşən İsmayıllı rayonu hər tərəfdən dağ meşələri ilə əhatə olunmuşdur. Bundan əlavə Girdimançay, Göyçay çay, Ağsuçay, Pirsaatçay kimi çaylar rayonun təbiətini daha da gözəlləşdirir və havasını sərinləşdirir. İsmayıllı sözünün də məhz “su meyilli” mənasını verdiyi söylənir [27]. İsmayıllı rayonu turizmin inkişaf etdirilməsi baxımından da çox əlverişli bir mövqeyə sahibdir. Basqal və Lahıc ərazilərində hələ qədim zamanlardan xalq sənətkarlığı güclü inkişaf etmiş və özünəməxsus memarlıq ənənələri formalaşmışdır. Rayounun Turcan ərazisində Bədo adlanan yerdə çoxsaylı müalicə əhəmiyyətli səfalı sular vardır . İsmayıllının zəngin infrastrukturu burada balıqçılıq, ovçuluq, alpinizm və başqa turizm sahələrinin inkişaf etdirilməsinə, yerli və xarici turistlərin rayona gəlişinin sürətlənməsinə şərait yaratmışdır. Son illərdə İsmayıllıda turizmin daha da geniş inkişaf etdirilməsi üçün bir sıra tədbirlər həyata keçirilir. Rayonda Mican, Qaraqaya, Sumağallı və s. kəndlərdə bir sıra müasir tipli istirahət mərkəzləri və kompleksləri tikilmişdir [28].
58 İsmayıllının ən çox ziyarət edilən ərazilərindən olan Lahıcın 2000 ildən artıq tarixi və gözəl təbii landşaftı vardır. Lahıcın Qaban, Quzudöşü, Gümüşqala və Ağbulaq kimi dağlarla əhatə olunmuşdur. Lahıcı adətən açıq səma altında muzey adlandırırlar, çünki Lahıc buranın memarlıq abidələri öz unikallığını daim qoruyub saxlayır. Azərbaycana gələn turistlərin böyük əksəriyyəti mütləq şəkildə Lahıcı ziyarət etməyə çalışırlar. Lahıc rayonu Böyük İpək Yolu beynəlxalq turizm marşrutuna da daxil edilmişdir. Qonaqların istədikləri kimi istirahət etmələri üçün onlara burada yüksək xidmət göstərən qonaq evləri, mehmanxana və restoranlar təklif edilir [29].
İsmayıllıdakı turizm obyektlərinə “Bədo” müalicə-sanatoriya mərkəzi, “Şirvan” istirahət mərkəzi, “Qızıl dərə” istirahət mərkəzi, “Basqal” istirahət mərkəzi, “Green House” istirahət mərkəzi, “Asma körpü” istirahət mərkəzi, “Şahbulaq” istirahət mərkəzi, “Evim otel” istirahət mərkəzi və s.-ni misal göstərmək olar [30].
İsmayıllıda turizm
2013
2015 2016
Mehmanxana və mehmanxana tipli müəssisələrin sayı, vahid 20 20
20 Nömrələrin sayı, vahid 304 325
320 Birdəfəlik tutum, yer 702 786
766 Yerləşdirilmiş şəxslərin sayı, nəfər 4620 7200
5746 Gecələmələrin sayı, adam-gecə 5680 8947
7292
Qeyd: Cədvəl “Azərbaycan Respublikasının Dövlət Statistika Komitəsi”nin məlumatlarına əsasən müəllif tərəfindən hazırlanmışdır.
3.1.4 Quba turistik destinasiya kimi
59
Azərbaycanın turizm sahəsində artıq bir brendə çevrilən Quba rayonu Şahdağın şimal-şərq yamacında, Qudyalçayın sahilində yerləşir. Əlverişli yerləşmə mövqeyinə və zəngin infrastrukturuna görə Quba rayonu turistlərin ən sevimli məkanlarından birinə çevrilmişdir. Turistlər burada kölgəli meşədə, əzəmətli Vəlvələçayın gur sularının axdığı dillər əzbəri olan Afurca şəlaləsinin olduğu Təngəaltı dərəsində istirahət edirlər. Rayonun ərazisində dəniz səviyyəsindən 2500 metr yüksəklikdə yerləşən və nağıllar aləmini xatırladan dağ kəndi Xınalıq mövcuddur. Kəndin əhalisi özlərinə məxsus olan və yalnız onların istifadə etdiyi bir dil ilə danışan etnoqrafik qrupdan ibarətdir. Xınalığın yaxınlığında bənzəri olmayan daha bir dağ kəndi Qrız yerləşir [31].
Qubadakı saysız-hesabsız təbiət möcüzələrinə Balbulağı, Qızbənövşəni, Qəçrəşi, Pirbənövşə şəlaləsini də misal göstərmək olar. Rayon ərazisində 40-dan artıq otel və otel tipli istirahət mərkəzləri xidmət göstərir və bunlardan ən ən məşhur olanları “Cənnət bağı”, “Terrace”, “Ahu”, “Qəçrəş”, “Nazlı bulağı”, “Retro”, “Bərpa SPA”, “Aynur”, “Səməd” və. s müasir tələblərə cavab verən istirahət mərkəzləridir. Qudyalçay sahilində inşa olunan müasir beş ulduzlu Rixos Quba Azərbaycan oteli yalnız Quba rayonu üçün deyil, bölgə üçün də əhəmiyyətli turizm obyektidir. Bu kompleks yeddimərtəbəli binadan, 16 villadan, qolf sahəsindən, əyləncə parkından, üç restoran və bir gecə klubundan ibarətdir. Oteldə həmçinin futbol, voleybol və basketbol meydançaları, tennis kortu, idman salonu, sauna, masaj otağı, ev kinoteatrı, terraslar və s. də vardır.
Əsrarəngiz Quba rayonu “Cəfər dərəsi”, “Gülcahan daşı”, “Gəlin qayası”, “Qızıl qaya”, “Daş gəlinlər”, “Nənə-huy” dərəsi, “Xatadərə”, “Xan çinar”, “Xaltan suyu”, “Xan bulağı”, “Atəşgah”, “Ağacda ev”, “Pirit çökəkliyi”, “Xaşi isti suyu”, “Sona bulağı”, “Qırxbulaq”, “Yol gözətçisi”, “Qızılağac meşəsi”, “Palıd meşəsi” kimi 70-ə yaxın təbiət möcüzələri və Xınalıq kəndi, şəhərdə yerləşən Cümə, Hacı Cəfər, Səkinə xanım, Ərdəbil məscidləri, Baba Rüstəm, Ağbil türbələri, Söhüb qalası, Günbəzli hamam, Qaranlıq dərə və s. kimi tarixi abidələrlə zəngindir [32].
60
Qeyd etmək lazımdır ki, ölkə əhalisinin iqtisadi vəziyyəti yaxşılaşdıqca onların yay mövsümündə Quba-Xaçmaz bölgəsində istirahət etmək maraqları daha da artır. Bunun üçün də bu bölgələrdə turizm obyektlərinin sayı artılır və ya yerli əhalinin imkanlarından istifadə olunur. Bütün bunlar da burada turizmin daha geniş inkişaf etməsinə və turist axınınn genişlənməsinə gətirib çıxarır [3, səh. 24].
Həmçinin Quba rayonuna turistlər qışda da müraciət edirlər. Belə ki, dağlar, zirvələr bəyaz qara bürünən zaman da gözəl vaxt keçirmək üçün bura gələnlərin ardı- arası kəsilmir. Əcnəbi turistlərdən başqa, Bakıdan və respublikamızın digər ərazilərindən gələn minlərlə sakin də burada əzəmətli dağların və meşələrdə dincəlirlər. Artıq məşhur bir turizm və istirahət mərkəzinə çevrilən Quba rayonunda hələ də turizm potensialının gücləndirilməsi üçün ciddi tədbirlər görür. Quba Olimpiya İdman Kompleksinin tikilməsi Qubanın turizm infrastrukturunun inkişaf etdirilməsi üçün atılan əhəmiyyətli addımlardandır. Qış aylarında əsasən həftə sonları Qubanın məşhur otellərində turistlərin gözəl vaxt keçirmələri üçün xüsusi konsert proqramları hazırlanır. Əsrarəngiz Heydər Əliyev və Quba seyrəngahları isə ilin bütün mövsümlərində qonaqlarla dolu olur [33]. Yüklə 1,65 Mb. Dostları ilə paylaş:
|