Boshlang’ich sinflarda so’z birikmasi va gap

I

1. 
   Bolalar zavq bilan o`qishdi.
   
2. 
   Bolalar, qunt bilan o`qing.
   
3. 
   Kitob, seni sevib o`qiymiz.
   
4. 
   Kitobni berilib o`qiymiz.
   
5. 
   Kitob bilim manbaidir.
   
6. 
   Kitobim, seni doim ozoda saqlayman.
   

II

1. 
   Maktabimiz o`quvchilari ozoda yurishadi.
   
2. 
   Bolalar, maktabda intizomli bo`ling!
   
3. 
   Maktab bilim o`chog`idir.
   
4. 
   Maktab, sen bilan fahrlanaman!
   
5. 
   Quyosh qizarib chiqadi.
   
6. 
   Quyosh nurlariningni boshimizga tutaver cheksiz.
   

«Tilsim» o`yini

Tilsim o`yini bolalarning mantiqiy fikrlash qobiliyatini o`stiradi.bu o`yinda soda gaplarning, ba`zan qo`shma gaplarning andazasi beriladi. Gapni tashkil etishda ishtirok etayotgan har bir so`zning necha harfdan iboratligi va qaysi tovush bilan boshlanishi ko`rsatiladi. O`quvchilar gapning sxemasini kuzatib har bir so`zning birinchi tovushini bir necha bor ichda o`qiydi. Qolgan tovushlarni topgach gap tarkibidagi so`zlarni berilgan andoza bo`yicha to`ldiradi.

Yuqorida berilgan gapda o`zbek xalq maqollaridan biri yashirilgan. Oquvchilar o`qitilgan maqollarni eslab ushbu maqolni topadilar. Agar o`quvchilar maqolning javobini topishga qiynalsalar har bir so`zning oxiridagi harfdani ham ko`rsatib qo`yish yoki birinchi so`zni to`liq yozib ko`rsatish mumkin. Bir necha marta bu o`yinni takrorlangandan keyin o`quvchilar topishmoqlarni tez topa oladigan bo`ladi. Yana bir tomoni har bir so`zning necha tovushdan iboratekanligini aniq belgilab oladi. O`quvchilar yuqoridagi maqolni quyidagicha yozadi.

Oltin olma, olqish ol, Olqish oltin emas?

Rebus

Maktab o‟quvchilarining qiziqib bajaradigan mashg‟ulotlaridan biri rebuslar hisoblanadi. O‟quvchi rebuslarni bajarish, o‟qish uchun fikrlashi, izlanishi va ijodiy faoliyat ko‟rsatishi zarur. Rebuslarda aytilayotgan fikr to‟g‟ridan-to‟g‟ri harflar orqali bayon qilinmay, narsalar va turli xil belgilar vositasida beriladi. O‟quvchi ularni kuzatib, belgilarni so‟zga aylantiradi. Matnda berilgani kabi ayrim so‟zlarni bir butunligicha olsa, ba‟zilaridagi harflarni almashtirishi, yoki harf qo‟shish orqali rebusni o‟qiydi. Bu mashg‟ulotlarda tovushlar va harflar ustida uch xil ish bajaradi: tovush almashtiriladi, tovush qo‟yiladi, tovush tushiriladi. Ularning har birini bajarishda muallif tomonidan matnda berilgan ishoralarga amal qilinadi. Bunday mashg‟ulotni bajarish o‟quvchining fikrlashini o‟stiradi, bir qator so‟zlarning yozilishini bilib olishga yordam beradi. O‟z navbatida maqollar, hikmatli so‟zlar, oforizmlarni mustahkam, esda saqlab qolish imkonini beradi. bularning barchasi bola tasavvurining kengayishi va mavhum tafakkurining o‟sishiga olib keladi. Rebuslar bugungi kunda paydo bo‟lgan mashg‟ulot emas. Uni birov o‟ylab chiqqani ham yo‟q.
Rebuslar tarixini uzoq o‟tmishdan izlash mumkin, chunki rasm jumboqlar qatoriga tosh yozuvlari va ierogliflarni ham qo‟ysa bo‟ladi. Adabiy rebuslarning boshlanishi esa XI asr Pikardiya (Fransiya)dagi voqealar bilan bog‟liq. Bu yerda har yili so‟zamollar “de rebus dual geruntum” (bo‟layotgan ishlar haqida rasmli qiziq sharhlar) tuzishardi. Davrlar o‟tishi bilan “rebus” (ya‟ni “narsalar yordamida”) nomigina saqlanib qoldi. 1582-yili Eg‟en Taburo (1548-1590) rebuslarning dastlabki to‟plamini tayyorladi.
Rebusda qandaydir jumboq ifodalanadi. O‟quvchi uni mavhum fikrlash orqali o‟qib oladi. Hozirgi kunda boshlang‟ich sinf o‟quvchilarining darsliklarida ham bir qator rebuslar berilgan. Ular o‟quvchilarning yoshini, fikrlash faoliyatini hisobga olib, sodda shaklda tuzilgan. Bir qaraganda ularni tushunish ko‟p qiyinchilik tug‟dirmaydi. Biroq uni to‟g‟ri bajarish, o‟qituvchi faoliyatiga bog‟liq. 1-sinf o‟qish kitobining 38- betida quyidagicha rebus berilgan.

1. 
   rasm.
   

Uni bajarish uchun dastlab rasmlar diqqat bilan kuzatiladi. Har bir predmet rasmi aniq belgilab olinadi. Shundan keyin rebusda ifodalangan so‟zlar aniqlanadi. O‟quvchilar bilan har xil rebuslarni yechish va ularni rebuslar tuzishga o‟rgatish orqali qiziqarli o‟yinlar uyushtirish mumkin. Bu mashg‟ulot o‟quvchining so‟z boyligini oshiradi. [5. 29] Lug‟atidagi so‟zlardan ijodiy foydalanish ko‟nikmasini shakllantiradi, o‟quvchilarning tafakkurini rivojlantiradi. Eng muhimi har bir narsaning xususiyatlarini diqqat bilan kuzatishga odatlantiriladi. Bu o‟yin o‟quvchilarning eng sevimli mashg‟ulotiga aylanib qoladi. Ular har bir so‟zni
yozma nutqida avaylab ishlatishga o‟rganadilar.
Faqat rasmlardan iborat bo‟lgan rebuslar ustida ishlash yuzasidan o‟quvchilarda ba‟zi bir ko‟nikmalar hosil qilinadi. Har bir rasm ifodalagan so‟z kuzatiladi. Dastlabki tayyorlov davrida o‟quvchilar tovush va harflarsiz narsa-buyum ifodalagan so‟zlar ishtirokida yangi so‟z tuzish mashg‟ulotlarini bajaradi.

2. 
   rasm.
   

Bundan keyingi mashg‟ulotlarda faqat rasmlar bilan chegaralanib qolinmay, murakkabroq bosqichga tomon yuriladi. Avvalo rasmlar muhokama qilinib, ular

ifodalagan so‟zlar kuzatiladi. Keyin o‟quvchilarda ana shu so‟zlarga tovush qo‟shib yangi so‟z hosil qilish ko‟nikmasi shakllantiriladi. O‟quvchilar rasmlar va harflarni bir-biriga qo‟shib o‟qish ko‟nikmalarini egallaydi. Bunda ham dastlab eng sodda mashqlar olinadi. Bunday mashg‟ulotlardan biri bir rasmli va bir harfli oddiy rebuslar hisoblanadi.

3. 
   rasm .
   

O‟quvchilar bunday rebuslarni yechish usullari bilan tanishib o‟zlari ham elementar rebuslar tuzish ko‟nikmalarini hosil qilishadi.
Bu mashg‟ulot o‟quvchilarning rasmlar ifodalagan so‟zga tovush (harf) qo‟shib yangi so‟z hosil qilish ko‟nikmasini shakllantiradi.
O‟quvchilar yuqoridagi rebuslarni bajarib ma‟lum darajada bilimga ega bo‟lgach, biroz murakkabroq shaklga o‟tish mumkin. Pedagogika fanining asosiy tamoyillaridan biri ham oddiydan murakkabga borishni, oddiy mashg‟ulotlarda ma‟lum darajada ko‟nikma hosil qilganlaridan keyin murakkabroq mashg‟ulotlarga o‟tishni taqozo qiladi. Shuning uchun keyingi mashg‟ulotda bir rasmli va bir bo‟g‟inli rebuslarni o‟rganish mumkin.

4. 
   rasm .
   

Maktab o‟quvchilariga rebus tuzishni o‟rgatishning navbatdagi bosqichida rebusda ishtirok etuvchi rasmlar va tovushlar miqdori kengaytirib boriladi. O‟quvchilarning ilgarigi mashg‟ulotlarda olgan bilimlari asosida bu rebuslar bajariladi. Biroq bularning barchasida o‟qituvchi ham, o‟quvchilar ham faol qatnashadilar. Bunday o‟yinlarda o‟quvchilar rasmlarni so‟zga aylantirishda ko‟proq fikrlaydilar. Bora-bora ta‟limiy rebuslarda rasmlar salmog‟i oshib boradi. Endi o‟quvchilar ikki rasmli va bir tovushli yoki ikki rasmli va bir necha tovushli reburlarni tahlil qilib o‟qiydi. O‟zlari ham ana shunday rebuslarni tuzishga harakar qilishga o‟tishadi. Dastlab ba‟zi qiyinchiliklarga uchrashsa ham, asta-sekin bunday rebuslar tuzishga o‟rgana boradilar. Bunday rebuslarning o‟quvchilar tushunishi mumkin bo‟lgan darajadagi murakkabligi hisobga olinadi.

6. 
   rasm.
   

Rebuslarning javobini aniqlash rasmlarni kuzatishdan boshlanadi. O‟quvchilar parta qatorlarining joylashishiga qarab 3 guruhga ajratiladi va rebuslarni bittadan bo‟lib olishadi. Har bir qatordagi o‟quvchilar o‟zlariga tegishli rebusda ishtirok etgan rasmlarni kuzatadi. Rasmda ifodalangan narsalar haqida bilganlarini gapirib berishadi. Shundan keyin rasmdagi narsa va buyumlar ifodalagan so‟zlarni doskaga yozishadi.
Dastlab, sodda yig‟iq gaplar keltirib chiqariladi. Keyingi mashg‟ulotlarda ikkinchi darajali bo‟laklar ishtirok etgan gapni ifodalovchi rebuslar ustida ishlanadi.
Yuqoridagi singari sodda va qo‟shma so‟zlar yuzasidan rebuslar tuzish ko‟nikmasidan keyin so‟z birikmalari va sodda gaplar yuzasidan rebuslar tuzish va tuzilgan rebuslar o‟qishga o‟rgatish mumkin.

6. 
   rasm
   

Yuqoridagi rebuslar ilgarigilaridan bir qator murakkabliklari bilan farq qiladi. Bu boshqotirmalarda avvalo belgi, rasmlar ko‟p, ikkinchidan ular ifodalayotgan gramatik birliklarning hajmi ham kengayib borayotgani ko‟rinib turibdi. Bunday mashg‟ulotlardan keyin o‟quvchilar sekin-sekin rebuslarni ma‟lum darajada tushungan holda o‟zlari ham murakkabroq jumboqlarni tuzishga o‟rgana boradi. Ushbu rebuslarni to‟g‟ri bajarish uchun o‟qituvchi rahbarligida o‟quvchilar muhokama yuritib, o‟zlari xulosa chiqaradilar.
Gap yuzasidan tuzilgan rebuslarni o‟qishda o‟quvchilar xilma-xil tovush o‟zgarishlarini amaliy bajarib ko‟radi. Bunday rebuslarda rasmlar fikrni bayon qilishning asosiy vositasi hisoblanadi. Bayon qilinayotgan fikrning muhim ma‟nosi rasmlarda ifodalanadi. Ammo faqat rasmlar gap yoki matn mazmunini to‟liq ifodalay olmaydi. Jumboqni yechish, unda bayon qilingan gapni to‟g‟ri topish uchun tovush qo‟shish, tovush almashtirish va tovushni tushirish usullaridan samarali foydalaniladi.
Tovush ustida ishlashning turli usullaridan foydalanish bilan bir qatorda bo‟g‟in ustida ham ma‟lum darajada mashg‟ulotlar amalga oshiriladi. Rebusda bayon qilingan gapni topish uchun bo‟g‟inlarni qisqrtirish, bo‟g‟in qo‟shish va bo‟g‟inlarni butunicha almashtirish usullaridan foydalanadi.
Dastlab bu mashg‟ulotlarni o‟zlashtirib olish o‟quvchilarda ayrim qiyinchiliklar tug‟dirsa ham, bora-bora bolalar unga juda qiziqib qolishadi. Ba‟zi o‟quvchilar rebuslar tuzib, o‟zlari ijod qilgan jumboqlarni birovga ko‟rsatishni juda yoqtirishadi. Boshqalar bu rebuslarda yashiringan gaplarni aniqlaganda olam-olam quvonch oladi.