Bozor iqtisodiyoti bo‘lg‘usi iqtisodchilardan iqtisodiy voqeliklarni, iqtisodiy

Tayanch tushunchalar 
Agrar munosabatlar 
– yerga egalik qilish, tasarruf etish, undan foydalanish 
va ishlab chiqarish natijalarini o‘zlashtirish jarayonida vujudga keladigan 
munosabatlar. 
Renta munosabatlari 
– Yerga egalik qilinganligi va undan foydalanish 
natijasida vujudga keladigan daromadni taqsimlash va o‘zlashtirish bilan 
bog‘liqlikda vujudga keladigan munosabatlar. 
Differentsial renta 
– yer uchastkalarining unumdorligi va joylashgan 
joyidagi farqlar natijasida vujudga keladigan daromad. 
Differentsial renta I 
– yerlarning tabiiy unumdorligidagi farqlar natijasida 
vujudga keladigan daromad. 
Differentsial renta II
– yerlarning iqtisodiy unumdorligini oshirish natijasida 
vujudga keladigan daromad. 
57
2017-2021 йилларда Ўзбекистон Республикасини ривожлантиришнинг бешта устувор йўналишлари 
бўйича Ҳаракатлар стратегияси. 

---

253 
Absolyut renta 
– qishloq xo‘jaligida yerga bo‘lgan xususiy mulkchilik 
monopoliyasi natijasida vujudga kelib, hamma turdagi yerlardan olinadigan 
daromad. 
Monopol renta 
– alohida tabiiy sharoitga ega bo‘lgan, noyob qishloq 
xo‘jalik mahsulotlari etishtiriladigan yerlardan olinadigan renta. 
Undurma sanoatda renta 
– foydali qazilma konlarining joylashishi (yer 
yuzasiga nisbatan) va ularning boyligi jihatdan farqlar natijasida vujudga keladigan 
daromad. 
Agrosanoat majmuasi 
– qishloq xo‘jalik mahsulotlarini yetishtirish, uni 
saqlash, qayta ishlash va iste‘molchilarga yetkazib berish bilan bog‘liq xo‘jalik 
tarmoqlarining birligi. 
Qishloq ishlab chiqarish infratuzilmasi 
– bevosita qishloq xo‘jalik ishlab 
chiqarishiga xizmat ko‘rsatuvchi sohalar.