Bozor iqtisodiyoti bo‘lg‘usi iqtisodchilardan iqtisodiy voqeliklarni, iqtisodiy

Monopolistik raqobat
o‘z ichiga ham monopoliya, ham raqobat unsurlarini 
oladi. Bunda tarmoqdagi bir turdagi mahsulotning o‘nlab ishlab chiqaruvchilari 
bir-birlari bilan qulay narx hamda ishlab chiqarish hajmiga erishish borasida 

---

157 
raqobatlashadi. Biroq, ayni paytda, har bir ishlab chiqaruvchi o‘z mahsulotini 
tabaqalashtirish, ya‘ni shu turdagi boshqa mahsulotlardan qaysi bir jihati (sifat 
darajasi, shakli, qadoqlanishi, sotish sharoitlari va h.k.) bo‘yicha farqlantirish 
orqali uning monopol ishlab chiqaruvchisiga aylanadi. 
Sof monopoliyada
tarmoq bitta firmadan iborat bo‘lganligi sababli, u mavjud 
mahsulot (xizmat)ning yagona ishlab chiqaruvchisi hisoblanadi va yakka
hukmronlik shakllanadi.
Monopoliya sharoitida firma narx ustidan sezilarli nazoratni amalga oshiradi. 
Buning sababi oddiy bo‘lib, u mahsulot (xizmat)ning yagona ishlab chiqaruvchisi 
hisoblanadi va demak, taklifning umumiy hajmi ustidan nazorat qiladi. 
Oligopoliya
– tarmoqda u qadar ko‘p bo‘lmagan korxonalarning mavjud 
bo‘lishi va hukmronlik qilishidir. Bu oligopoliyaning eng muhim belgisidir. Qaysi 
tovarlar va xizmatlar bozorida nisbatan kam sonli ishlab chiqaruvchilar hukmronlik 
qilsa, shu tarmoq oligopolistik tarmoq hisoblanadi.
Oligopolistik tarmoq bir xil yoki tabaqalashgan mahsulot ishlab chiqarishi 
mumkin. Ko‘pchilik sanoat mahsulotlari – po‘lat, mis, alyuminiy, qo‘rg‘oshin, 
temir va shu kabilar fizik ma‘noda bir turdagi mahsulotlar hisoblanadi va 
oligopoliya sharoitida ishlab chiqariladi. Iste‘mol tovarlari – avtomobillar, kir 
yuvish vositalari, sigaretlar, maishiy elektr buyumlari va shu kabilarni ishlab 
chiqaruvchi tarmoqlar tabaqalashgan oligopoliya hisoblanadi. 
Oligopoliya sharoitida korxonalar o‘rtasidagi raqobat o‘zaro bog‘liq bo‘ladi. 
Oligopolistik tarmoqda hech qaysi firma o‘zining narx siyosatini mustaqil 
o‘zgartirishga botina olmaydi.
Qarab chiqilgan raqobat shakllarining har biri milliy iqtisodiyotda alohida-
alohida, ya‘ni sof holda uchramaydi. Iqtisodiyotda cheksiz ko‘p har xil raqobatli 
vaziyatlar mavjudligi sharoitida, ikkita bir xil tarmoqni topish qiyin ko‘rsatadi. 
Hozirda iqtisodiyotda turlicha monopollashuv darajasidagi tuzilmalar
mavjud bo‘lishi sababli raqobat turlari ham har xil bo‘lishi mumkin. 
1)
monopollashmagan korxonalar o‘rtasidagi raqobat; 

---

158 
2)
monopoliyalar hamda monopolistik birlashmalarga kirmagan ishlab 
chiqaruvchilar o‘rtasidagi raqobat; 
3)
turli monopoliyalar o‘rtasidagi raqobat; 
4)
monopolistik birlashmalar ichidagi raqobat.
Raqobatlashuv usullariga ko‘ra uning g‘irrom va halol