Bozor iqtisodiyoti bo‘lg‘usi iqtisodchilardan iqtisodiy voqeliklarni, iqtisodiy
Yüklə 3,74 Mb. Pdf görüntüsü
|
|
4. Davlat iqtisodiy siyosatining asosiy yo’nalishlari va tartibga solish dastaklari Davlatning iqtisodiy siyosatni pul-kredit, fiskal, investitsion, agrar, ijtimoiy, daromadlarni tartibga solish, tashqi iqtisodiy va global iqtisodiy siyosat kabilardan iborat bo‘ladi. Pul-kredit siyosati— davlatning monetar siyosati bo‘lib, u pul muomalasini tartiblash, tovar va pul massasi o‘rtasidagi muvozanatni ta‘minlash, iqtisodiyotdagi pul oqimlarini tartibga solib turishga qaratiladi. Fiskal siyosat - bu davlatning soliq-byudjet siyosatidir, unga binoan soliq tushumlari belgilanadi, byudjet mablag‘lari aniq maqsadlar yo‘lida ishlatilishi ko‘zda tutiladi. 430 Soliq siyosatini amalga oshirishda davlat soliqlar vositasida byudjetga pul tushumini ta‘minlaydi. Unga binoan soliq turlari, soliq stavkalari, soliq solinadigan ob‘ektlar, soliq imtiyozlari, soliq undirish tartibi belgilanadi. Soliqlar davlatning iqtisodiyotga ta‘sir etishida qo‘llaniladigan asosiy moliyaviy dastakdir. Iqtisodiyotni rag‘batlantirish zarur bo‘lganda soliqlardan imtiyozlar beriladi. Bunda soliq yuki kamaytiriladi, soliqni undirish muddati cho‘ziladi yoki umuman soliqdan ozod qilinadi. Fiskal siyosat ikki xil yo‘ldan amalga oshiriladi. 1. Iqtisodiyotni barqarorlashtiruvchi amaldagi moliyaviy normativlarni qo‘llashni davom ettirish. Bular jumlasiga soliq stavkalarini, ishsizlik nafaqasi, daromadlarning inflyatsiyaga qarab indeksatsiyalash, ijtimoiy yordam ko‘rsatish normativlarini kiritish mumkin. 2. Yangi moliyaviy normativlarni kiritish. Mazkur siyosat doirasida yangi soliq stavkalari joriy etiladi, uning yangi turlari kiritiladi, byudjet mablag‘larini sarflash normativlari o‘zgartiriladi. Fiskal siyosatda davlat byudjeti orqali iqtisodiy faollikka ham ta‘sir ko‘rsatadi. Byudjet mablag‘lari hisobidan davlat ishlab chiqarish infratuzilmasiga investitsiyalarni ajratadi, milliy iqtisodiyot uchun ahamiyatli faoliyat (masalan, yangi texnologiyani yaratish) bilan shug‘ullanuvchi korxonalarga subsidiya beriladi. Subsidiya moliyaviy yordam sifatida qaytarib olinmaydi, uning hisobidan xarajatlar qoplanib foyda ko‘payadi, bu bilan korxonalar faoliyati rag‘batlan- tiriladi. Yüklə 3,74 Mb. Dostları ilə paylaş:
|