Buxoro davlat universitetining pedagogika instituti pedagogik ta

Maktabgacha ta’lim va maktab ta’limi
. O‘zbekistonda ko‘p maktabgacha
ta’lim muassasalarida bolalarni tabiat va atrof-muhit bilan tanishtirish
mashG'ulotlari tashkil qilinadi. Jami maktabgacha muassasalarning 40 foizida
ekologik ta’lim uchun maxsus xonalar bor va muassasalrning 16 foizida bolalar 
tabiatni parvarish qilishni o‘rganadigan “Atrof-muhit so‘qmoqlari” tashkil 
qilingan.
O‘zbekistonda barcha boshlang'ich maktablarda atrof-muhit mavzulari 1 va 2 
sinflarda “Atrofimizdagi dunyo” va 3 va 4 sinflarda “Inson va tabiat” fanlarida 
yoritiladi. Umumta’lim va o‘rta maktablarda xususan ekologiya darslari yo‘q. 
Atrof-muhitga tegishli ba'zi mavzular tabiiy fanlar va salomatlik va sog'lom
turmush tarzi fanlariga kiritilgan. Bioxilma-xililk, inson va er, suv – hayot
manbai mavzularida 5-dan 9-sinfga qadar qo‘shimcha o‘quv materiali sifatida
qo‘llanmalar yaratilgan. 2005 yilda “Boshlang'ich maktabda ekologik ta’lim” 
metodologik qo‘llanma ishlab chiqilgan edi. 2009 yilda 5-dan 9-sinfgacha
o‘qituvchilar uchun “Inson va tabiat” qo‘llanmasi chop etildi. TMDQ
maktabgacha ta’lim muassasalari va maktablar uchun atrof-muhit mavzularida bir 
necha qo‘llanma nashr etdi.

---

227 
Xalq ta’limi vazirligi qoshidagi Milliy ta’lim markazi barqaror rivojlanish 
uchun ta’lim (BRT) borasida o‘qituvchilar uchun malaka oshirish olib boradi. 
Brtdan ba'zi o‘quv materiallar Birlashgan Millatlar Tashkilotining Ta’lim, Fan va
Madaniyat Tashkiloti (YUNESKO) va Markaziy Osiyo mintaqaviy atrof-muhit
markazi yordami bilan nashr etildi. Mirzo Ulug'bek nomidagi O‘zbekiston 
milliy universiteti maktab o‘quvchilari va o‘qituvchilar uchun Brtdan metodologik 
va malaka oshitish qo‘llanmasini nashr etdi.
Kasb-hunar ta’limi va oliy ta’lim.
O‘zbekistondagi barcha kasb ta’lim
muassasalari (kasb-hunar kollejlari)da majburiy ekologiya yoki atrof-muhitni
muhofaza qilish darslari o‘tiladi. Ekologiya va atrof-muhitni muhofaza qilish
va tabiiy ofatlarni monitoring qilishdan o‘quv rejalar mavjud.
O‘zbekistonda bir necha ekologik o‘quv rejalari bo‘yicha davlat standartlari 
qabul qilingan. Ekologiya fani mamlakatdagi barcha oliy ta’lim muassasalari
uchun majburiydir. Deyarli barcha texnik universitetlarda atrof-muhit
injenerlari tayyorlanadi. Mirzo Ulug'bek nomidagi Milliy universitet, 
shuningdek Andijon, Buxoro, Qoraqalpog'iston, Samarqand va Termiz 
universitetlarida ekologiya va tabiatdan foydalanish yo‘nalishi bo‘yicha
bakalavrlar tayyorlanadi. Toshkent iqtisodiyot universitetida ekologiya
iqtisodchisi yo‘nalishi bo‘yicha bakalavrlar tayyorlanadi. Atrof-muhit 
boshqaruvi, ekologik huquq va atrof-muhit monitoringi kabi muhim fanlardan
o‘quv rejalar yo‘q ko‘rinadi. Urganch universitetida barqaror rivojlanish va
ekologik ta’lim kafedrasi mavjud. O‘zbekiston Milliy universiteti (O‘zMU)ning 
biologiya fakultetida barqaror rivojlanish dasturi o‘qitiladi.