Nəqliyyat immobilizasiyası.
Çıxıqlar, sınıqlar, travmatik toksikoz və ətrafların mürəkkəb
yaralanmalarında nəqliyyat immobilizasiyasının vacib əhəmiyyəti vardır.
Belə ki, xəstənin nəqli zamanı belə hərəkətsizləşdirmə heç aparılmadığı,
yaxud düzgün aparılmadığı təqdirdə bir sıra təhlükəli hallar meydana çıxa
bilir: fraqmentlər bir-birinə toxunmaqla, yaxud magistral siniri
zədələməklə güclü ağrı şok törədə, yaxud şoku dərinləşdirə, sınmıç sümük
ucları iri kalibrli damarları yaralamaqla profuz qanaxmalar verə bilərlər;
uzunborulu sümüklərin zədələnmələrində piy emboliyası ola bilər.
Məhz bu səbəblərdən də, travmanın sonrakı gedişi və nəticələri
müəyyən
mənada
vaxtında və düzgün aparılan müvəqqəti
immobilizasiyadan asılıdır.
Nəqliyyat şinaları standart və əlaltında olan materiallardan
hazırlanmış (improvizəolunmuş) - əldəqayırma olmaqla iki yerə
bölünürlər. Standart şinaların özləri də iki cür olurlar: fiksəedici və
dartıcı-fiksəedici şinalar.
Fiksəedici (möhkəmləndirici, bəndedici) şinalar faner, məftil
(pilləkənli), taxta və karton kimi materiallardan hazırlanır. Karton və
fanerli şinalar nazik fanerdən, möhkəm kartondan hazırlanır və ətrafların
müvəqqəti hərəkətsizləşdirilməsi üçün istifadə edilir.
Kramer şinası müxtəlif ölçülərdə (110x10 sm və 60x10 sm) olub,
asan əyilə bilən məftildən pilləkən şəklində hazırlandığından, ətrafların
immobilizasiyası zamanı ona istənilən formanı vermək olur.
Torlu şinalar da yumşaq, nazik məftildən hazırlansalar da, kövrək
olduqlarından geniş istifadə olunmur.
|
