davlat moliyasi ko‘rsatkichlarining prognoz hisob-kitobini tuzish, ularni tahlil etish, davlat moliyaviy nazorati, davlat kreditini boshqarish, mahalliy moliyani tashkil etish, byudjet tizimi byudjetlari faoliyatini tartibga solish, ijtimoiy-iqtisodiy sohalarni davlat tomonidan moliyalashtirish va ijro ko‘rsatkichlarini tahlil etish bo‘yicha ko‘nikmalarga ega bo‘lishi;
davlat moliyasi ko‘rsatkichlarining prognoz hisob-kitobini tuzish, ularni tahlil etish, davlat moliyaviy nazorati, davlat kreditini boshqarish, mahalliy moliyani tashkil etish, byudjet tizimi byudjetlari faoliyatini tartibga solish, ijtimoiy-iqtisodiy sohalarni davlat tomonidan moliyalashtirish va ijro ko‘rsatkichlarini tahlil etish bo‘yicha ko‘nikmalarga ega bo‘lishi;
davlat moliyasi tizimidagi hisobotlarni tuzish va tahlil etish, ijro natijalarini hisob-kitob qilish, davlat moliyasi tizimida axborot tizimlaridan foydalanish, davlat moliyasi amaliyotiga oid huquqiy-me’yoriy hujjatlardan maqsadga muvofiq foydalanish, davlat moliyasining rivojlanish qonuniyatlarini aniqlash maqsadida ilmiy tadqiqotlarni o‘tkazish bo‘yicha malakalarga ega bo‘lishi kerak.
2.“Davlat moliyasi” fanining boshqa iqtisodiy fanlar bilan o‘zaro bog‘liqligi
Davlat moliyasining asosiy bosqichi bo‘lgan byudjet ijrosi davlat pul mablag‘laridan samarali foydalanishni ta’minlash uchun xizmat qiladi. Davlatning funktsiya va vazifalari ijrosini mablag‘ bilan ta’minlashda davlat moliyasi tarkibiga kiruvchi byudjetlar daromadlar qismini to‘liq va o‘z vaqtida shakllantirish, shakllantirilgan pul fondidan samarali foydalanishga erishish muhim ahamiyat kasb etadi.
Shuning uchun davlat moliyasiga alohida e’tibor qaratiladi. Iqtisodiyotning erkinlashuvi sharoitida davlat moliya tizimidagi islohotlar, ya’ni davlat byudjeti g‘azna ijrosining joriy etilishi byudjet mablag‘laridan samarali va maqsadli foydalanishni ta’minlashga xizmat qiladi.
3.Davlat moliyasining mohiyati va ahamiyati
Davlat moliyasi davlatning markazlashgan pul daromadlarini shakllantirish va ulardan o‘z funksiyalarini to‘laqonli bajarish maqsadida turli yo‘nalishlarda foydalanish bilan bog‘liq munosabatlar yig‘indisidir.
Bu munosabatlarning turli-tumanligi asosida davlat moliyasining bir qator aniq tashkiliy shakllari shakllanadi. Bular:
davlat byudjeti;
davlatning byudjetdan tashqari maqsadli jamg‘armalari;
