MƏQALƏ İştirak edirlər:
Müxbir – tələbə.
Şöbənin redaktoru – tələbə.
Məsul katib – tələbə.
Baş redaktor – tələbə.
Birinci hərəkət. Tələbə evdə yazdığı
materialı dərsə gətirir.
352
Tələbəyə verilən tapşırıq: təqdim etdiyiniz
materialın məqalə olduğunu sübut edin. Redaksiyanı
inandırın ki, məqaləniz aktual problemə həsr olunub
və kompozisiyası düzdür. Məqalənizdəki faktların,
məntiqi və emosional vasitələrin, tezis, antitezis,
induksiya və deduksiyanın, əsaslandırma sisteminin
necə “işləməsini” göstərin.
İkinci hərəkət. Şöbənin redaktoru materialı
redaktə edir. Şöbə redaktoru rolunu oynayan
tələbəyə aşağıdakı tapşırıqlar verilir:
1.
Materialın peşəkarlıq səviyyəsini qiymətləndirin.
O, məqalə janrına uyğundurmu?
2.
Məqalənin müəllifinin problemin, kritik
situasiyanın və ya müsbət təcrübənin təhlili
sayəsində əldə etdiyi nəticələr inandırıcıdırmı?
Onun tövsiyələri əsaslandırılıbmı?
3.
Materialın rubrikasını müəyyən edin. Başlığı
qiymətləndirin.
4.
Materiala lazımi düzəlişləri edin və yaxud onu
yenidən işləyib başa çatdırmaq üçün müəllifə
qaytarın.
