fiziki və hüquqi şəxslərə Azərbaycanda torpaq mülkiyyəti hüququ verilmir. Bu isə təkcə mühüm iqtisadi
əhəmiyyət deyil, eyni zamanda ciddi siyasi məna daşıyır (Q.Məmmədov, 2002).
Qanunvericiliyə görə, torpaq payı naturada pay almaq hüququ olan şəxslərin (ailənin) xüsusi
mülkiyyətinə əvəzsiz verilir. Hər bir subyekt yalnız bir dəfə torpaq payı ala bilər.
Ölkəmizin ərazi bütövlüyü uğrunda gedən döyüşlərdə həlak olanların ailələrinə, əlil olmuş müharibə
veteranlarına və Çernobıl qəzasının ləğvində iştirak etmiş və həmin qəza nəticəsində zərər çəkmiş şəxslərə əlavə
bir torpaq payı da verilir.
Sovxoz və kolxozların yaşayış məntəqələri ilə rayon mərkəzlərinin, şəhərlərin və digər yaşayış
məntəqələrinin sərhədlərini dəqiq müəyyən etmək mümkün olmadıqda və ya torpaq paylarının qanunvericilikdə
nəzərdə tutulmuş qaydada müəyyən edilməsi və verilməsi mümkün olmadıqda torpaqların özəlləşdirilməsi
Azərbaycan Respublikası Prezidentinin müəyyən etdiyi fərdi qaydada həyata keçirilir.
Qanunvericiliyə görə, sovxoz və kolxozların özəlləşdirilən torpaqlarından pay almaq hüququ olan
